Vizita e Ambasadorit Momçill Rajçevski në Elbasan

Foto: mfa.bg

Ambasadori i Republikës së Bullgarisë në Tiranë Momçill Rajçevski dhe diplomatët e Ambasadës vizituan më 5 shkurt qytetin Elbasan, ku u takuan me Prefektin e Qarkut të Elbasanit Gledian Llatja, kryetarin e bashkisë së qytetit Qazim Sejdini, drejtorinë e Universitetit “Aleksandër Xhuvani” dhe me përfaqësuesit e komunitetit bullgar atje. Në takimin me prefektin dhe me kryetarin e bashkisë u diskutuan mundësitë për bashkëpunim në fushën e turizmit, bujqësisë, arsimit dhe kulturës. Mysafirët prezantuan resurset e qytetit – ekonomike, natyrore dhe njerëzore, të cilat dëshmojnë se Elbasani ofron mjaft mundësi për bashkëpunim dhe zhvillim.

Theksi ishte vënë mbi marrëdhëniet e shkëlqyera ndërmjet të dyja shteteve. Kryetari i bashkisë Qazim Sejdini tregoi kujtimet e tij nga koha, kur ai ka filluar biznesin e vet me partnerë nga Bullgaria – në vitet e para të ndryshimeve demokratike në Shqipëri. Të pranishmit u bashkuan rreth mendimit se tradita e mirë e bashkëpunimit duhet të inkurajohet dhe të zhvillohet më thellë në kushtet bashkëkohore. Ata diskutuan mundësinë për binjakëzimin e Elbasanit me ndonjë qytet bullgar me karakteristika të ngjashme.

Një mundësi tjetër për bashkëveprim, këtë herë në fushën e arsimit, ofrojnë dy shkollat profesionale dhe universiteti. Mund të mendohet për bashkëpunim me shkolla analogjike bullgare ose për organizimin e kualifikimeve pasuniversitare të studentëve dhe doktorantëve shqiptarë në Bullgari. Vizita në Universitetin “Aleksandër Xhuvani” u realizua në një ambient shumë miqësor aq më tepër se disa nga profesorët kanë mbaruar arsimin e tyre të lartë në Bullgari. Rektori Profesor Skendar Topi shprehu kënaqësi për shkak të bashkëpunimit të mirë të universitetit të tij me universitete të ndryshme në Bullgari dhe për shkak të realizimit të projekteve për shkëmbim studentësh dhe profesorësh në kuadrin e programit “Erasmus+” dhe në kuadrin e marrëveshjeve dypalëshe.

Komuniteti bullgar është integruar mirë në shoqërinë shqiptare. Bullgarët respektohen si njerëz të zellshëm dhe të përkushtuar pas mësimit. Dua të them se isha befasuar në mënyrë të mirë kur para disa ditësh gjatë vizitës sime në Elbasan kryetari i bashkisë z. Sejdini duke më treguar qytetin me respekt më tregoi se shumica e shtëpive në Elbasan janë ndërtuar nga mjeshtrit nga Golloborda, të cilët janë të shquar si ndërtuesit më të mirë në Shqipëri. Në Universitetin “Aleksandër Xhovani” disa nga profesorët me krenari na thanë se kanë studiuar në Bullgari dhe në saje të kontakteve të tyre universiteti tani bashkëpunon me shkolla të ndryshme të larta në Bullgari dhe janë shumë aktivë në shkëmbimin e profesorëve dhe studentëve. Nuk janë pak bullgarët nga Shqipëria, të cilët kanë studiuar tek ne në kuadrin e programit të Ministrisë së Arsimit dhe Shkencës për ofrimin e bursave për pakicat kombëtare bullgare jashtë vendit. Shumica prej tyre kthehen në Shqipëri dhe me sukses integrohen në shoqërinë shqiptare” – janë fjalët e Ambasadorit bullgar në Tiranë z. Momçill Rajçevski, të lidhura me vizitën në Elbasan. “Dhe në fund dua të them se pothuaj çdo ditë në Tiranë në vende të ndryshme takojmë njerëz, të cilët kur kuptojnë se jemi bullgarë fillojnë të flasin në “gjuhën tonë” (“nashenski”), siç e quajnë bullgarët e Shqipërisë gjuhën e tyre”.

Më shumë nga rubrika

Iniciativa “Bogodom” popullarizon zejtarinë bullgare

Në Bullgari njerëzit fillojnë të shprehen gjithnjë më lirisht vete, synojnë të mos kopjojnë të tjerët dhe të prezantojnë tiparet dhe cilësitë e tyre unike. Është e vërtetë, se njerëzit që dallohen i pranojnë me pak mosbesim, por dalë ngadalë..

botuar më 19-11-19 11.39.PD
Колинда Грабар-Китарович и Зоран Миланович / Foto: Goran Stanzl/PIXSELL

Ngjarjet me adresë ballkanike

Kroaci: zgjedhje presidenciale më 22 dhjetor Zgjedhjet presidenciale në Kroaci do të zhvillohen më 22 dhjetor, bëri të ditur Kryeministri Andrej Plenkoviç.  Në këtë garë zgjedhore kundër njëri-tjetrit do të përballen presidentja aktuale..

botuar më 19-11-18 3.25.MD

Përdorimi i tepërt i antibiotikëve po kthehet në një kërcënim botëror

Çdo ditë tek ne sëmuren dhe vdesin disa dhjetëra vetë për shkak të infeksioneve të ndryshme, të cilat nuk iu nënshtrohen shërimit përmes antibiotikëve. Efikasiteti i pakësuar i këtij lloji ilaçesh vjen nga shpërdorimi me to. Dhe në qoftë se përdorimi i..

botuar më 19-11-18 2.25.MD