Ministri i Bujqësisë Rumen Porozhanov u takua me Ambasadoren e Marokut te ne zonja Zakia El Midaoui. Zoti Porozhanov vuri në dukje se tregu evropian është tregu kryesor për prodhuesit bullgarë, por me rëndësi shumë të madhe janë edhe lidhjet tona me vendet jashtë BE-së. Ai shprehu interesin e bujqve dhe të prodhuesve bullgarë për të dalë në tregje të mira, si ai në Marok dhe në Afrikën Veriore. Si përgjigje Shkëlqesia e saj Zakia El Midaoui i ftoi firmat bullgare që të marrin pjesë në Ekspozitën më të madhe marokene nga 16 deri në 21 prill. Gjatë vitit 2018 në të kanë marrë pjesë 70 vende dhe ajo është vizituar nga mbi 1 mln veta. Maroku është qendër e shpërndarjes së mallrave për pjesën tjetër të Afrikës dhe mund të trajtohet si një platformë e eksportuesve bullgarë, kurse nga ana e vet Bullgaria është dera drejt Ballkanit, deklaroi zonja Zakia El Midaoui.