Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Vizita të nivelit të lartë në Bullgari riaktivojnë pozita të njohura proatlantike dhe proruse të pushtetit

Foto: arkiv

Sekretari i përgjithshëm i NATO-s Jens Stoltenberg mbërriti ditën e enjte për vizitë në Bullgari pasi mori pjesë në samitin e iniciativës B-9 në Sllovaki. Në takimin në fjalë Bullgaria u paraqit nga Presidenti Rumen Radev, ndërsa ai komentoi atje se disa nga tekstet e deklaratës së përgatitur paraprakisht kanë kërcënuar realizimin e projekteve infrastrukturore me interes kombëtar për Bullgarinë dhe se ai e ka bërë të domosdoshmen që ato të hiqen nga dokumenti. Radev nuk njoftoi hollësi, por siç duket tekstet problematike kanë qenë kundër realizimit të projekteve të gazit “Rryma Veriore 2” dhe “Rryma Turke”.

Disa orë para se të fillojë vizita e Stoltenbergut në Bullgari Presidenti bëri thirrje në Sllovaki që qeveria të “materializojë” vizitën e pritur më 4 dhe 5 mars të Kryeministrit rus Dmitri Medvedev në Bullgari, që të mos bëhet ajo peng i interesave të huaja. Me këtë thirrje Rumen Radev ripohoi bindjen se përveç veçmas dy vizitat duhet të trajtohen edhe si një tërësi. Pse jo edhe në kontekstin e paralajmërimit, të cilin Nënpresidenti amerikan Mike Pence i drejtoi Konferencës së Sigurisë në Munih, se SHBA-të nuk do të vëzhgojnë me indiferencë se si aleatët e NATO-s blejnë armë nga kundërshtarët e tyre dhe nuk mund të garantojnë paqen në Perëndim, në qoftë se këta aleatë varen nga Lindja.

Mediat në Bullgari u kushtojnë një vëmendje të madhe deklaratave të Radevit. Njëra prej tyre shënon se siç duket sipas tij interesa “të huaja” do të thotë interesa të huaja edhe për Rusinë. Mirëpo, që nga fillimi i mandatit të vet deri tani Presidenti ka pasur pozita të tilla edhe në raste të tjera. Paraardhësi i tij Georgi Përvanov gjithashtu i ka identifikuar interesat kombëtare me ato ruse, sa u përket projekteve energjetike, jo vetëm sa i përket projektit “Rryma Jugore”, i cili më vonë u bë “Rryma Turke”, por edhe sa i përket projektit të ngrirë që prej shumë vitesh për rimëkëmbjen e ndërtimit të Centralit Atomik “Belene”. Mirëpo, Presidenti Rosen Plevneliev kishte pozita të kundërta. Kryeministri Bojko Borisov gjithashtu kishte pozitë të kundërt me nuanca të ndryshme gjatë mandateve të tij të ndryshme.

Që para fillimit zyrtar të vizitës së Stoltenbergut në Sofje një takim pune i mysafirit në Sofje me Kryeministrin Bojko Borisov ripohoi se pikat kryesore në marrëdhëniet e Bullgarisë me NATO-n janë puna e përbashkët në siguri dhe mbrojtje, marrëveshjet për gjuajtës të rinj për Forcat Ushtarako-Ajrore, buxheti ushtarak dhe situata në Ballkanin Perëndimor dhe në regjionin e Detit të Zi. Pritet që temat kryesore të vizitës së Medvedevit të jenë bashkëpunimi në energjetikë, ekonomi dhe turizëm. Çfarë është lidhja mes vizitave të Kryeministrit rus dhe të sekretarit të Përgjithshëm të NATO-s – këtë mund ta komentojmë pasi përfundojnë edhe të dyja.

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD