Historia e qenit bullgar Mina, i cili e shpëtoi pronarin e tij nga zjarri, por me çmimin e jetës së tij, u përshkrua në mediet gjermane. Në orët e herëta të një dite të shtunë të muajit shkurt në lagjen Holclar në Bon shpërtheu zjarr. Shtëpia e pronares 75 vjeçe të qenit Mina u shkatërrua nga zjarri. Gruaja mbeti e gjallë, sepse ishte zgjuar nga të lehurat e qenit të saj Mina. Në sajë të qenit, gjermania arriti të dalë nga shtëpia e saj. Por qeni mbeti brenda. Zjarrfikësit nuk e lajuan gruan të kthehet mbrapa dhe ta nxjerrë jashtë qenin – ishte vonë dhe situata ishte tepër rrezikuese. Disa ditë pas incidentit tragjik mediet vendase i kushtuan vëmendje historisë së qenit. Reporteri i gazetës gjermane “Gjeneral Ancajger” (General-Anzeiger-bonn.de), i cili e kishte pasqyruar zjarrin, tregoi përpara Diçe Veles se Mina është një qen bullgar, i adoptuar përpara 3 vjetëve në Gjermani, përmes ndërmjetësisë së shoqatës së Bonit për mbrojtje të kafshëve. Nga azili aty sqarojnë se çdo muaj mbërrijnë nga 3 qen nga azilet bullgare, të cilët gjejnë pronarët e tyre në Gjermani.