Në ditën e fundit përpara Kreshmës së Madhe /sivjet më 10 mars/ ose 7 javë përpara Pashkës, të krishterët ortodoksë shënojnë festën “E diela e kërkimit të faljes” ose të Lidhurat e Djathit. Në këtë ditë lexohen fjalët e Krishtit: “Në qoftë se nuk iu falni njerëzve gabimet dhe mëkatet e tyre dhe Ati juaj qiellor nuk do t’ju falë gabimet dhe mëkatet tuaja” (Mat. 6:15).

Kjo festë është e quajtur nga populli ynë Dita e Faljes ose Dita e të Lidhurave të Djathit. Kjo ditë është e përmbushur me rituale të shumta. Tradita kërkon që çdo një të kërkojë falje nga njerëzit rreth vetes – ë afërm dhe të njohur – për mërzitjet dhe hidhërimet dhe fyerjet, të cilat pa dashje ose me dashje iu ka shkaktuar, si dhe vetë të kërkojë forca në vetvete të mund të falë ata të cilët e kanë lënduar. Sipas traditave popullore në mbrëmjen e festës tek prindërit mblidhen familjet e djemve dhe të vajzave të tyre, nipërit, që të mund të përgatiten për Kreshmën e Madhe, duke vënë mbi tavolinë ushqime të përgatitura me qumësht.

Ndjesë kërkojnë më të rinjtë nga më të moshuarit, fëmijët nga prindërit, të martuarit nga kumbarët e tyre – u puthin dorë dhe thonë: Të kërkoj falje nënë, baba...”, “Të faltë Zoti, të jesh i falur!”, është përgjigja e detyrueshme. Një traditë karakteristike nga e kaluara e lidhur me këtë ditë është ndezja e zjarreve. Pasi zjarri pakësohet, ai kapërcehet nga njerëzit e rinj për shëndet gjatë vitit. Pas kësaj rreth tyre luhen valle dhe këndohen këngë.