Ngjarjet me adresë ballkanike

3 janë kandidatët për president të Maqedonisë së Veriut

Foto: BGNES

Vetëm 3 janë kandidatët për president të Maqedonisë së Veriut, të cilët arritën të sigurojnë 10 mijë nënshkrimet e domosdoshme për regjistrim në Komisionin Qendror të Zgjedhjeve. Rivalët e kësaj fushate zgjedhore do të jenë Stevo Pendarovski – kandidati i partive të shumicës parlamentare (Lidhja Socialdemokratike të Maqedonisë dhe Bashkimi Demokratik për Integrim). Sipas analistëve në rast të pjesëmarrjes së lartë të qytetarëve në votim, Pendarovski ka shanse të fitojë zgjedhjet akoma në raundin e parë. Kandidati i dytë është Gordana Siljanovska – e propozuar nga partia opozitare VMRO-DPMNE, kurse i treti është Blerim Reka, i përkrahur nga formacionet Besa dhe Aleanca për Shqiptarët. Pendarovski dhe Siljanovska janë mbipartiakë dhe u përkasin rretheve akademike, kurse Pendarovski ka përvojë më të madhe politike. Në periudha të ndryshme të jetës së tyre ata kanë punuar siç për VMRO-DPMNE, kështu edhe për Lidhjen Socialdemokratike të Maqedonisë.


Turqia nuk heq dorë nga sistemi rus S-400

Foto: heglobepost.com

Presidenti i Turqisë Rexhep Taip Erdogan deklaroi se Ankaraja jo vetëm se nuk do të heqë dorë nga sistemi raketor S-400, por po mendon dhe për mundësi për blerjen e sistemeve C-500 nga Rusia, njoftoi Daily Sabah. Media kujtoi gjithashtu se më herët SHBA-ja e paralajmëroi Turqinë se blerja e S-400 mund të rrezikojë marrëveshjet e shteteve të NATO-së në fushën e industrisë ushtarake. Përveç kësaj Uashingtoni mori vendim t’ua heqë Turqisë përparësitë tregtare – diçka që provokoi kritikat e Erdoganit. Pavarësisht nga kjo Erdogani nuk përjashton mundësinë që Turqia të blejë nga SHBA-ja sisteme raketore Patriot, në se kushtet janë të favorshme.


Brukseli i bën thirrje Bukureshtit që të mos pengojë kandidaturën e Laura Koveshit për të udhëhequr Prokurorinë e re Evropiane

Foto: BGNES

Komisionerja evropiane e drejtësisë Vera Jourova i bëri thirrje Bukureshtit që të mos pengojë kandidaturën e rumunes Laura Koveshi, e cila aktualisht është favoritja e Parlamentit Evropian për postin e Prokurorit të përgjithshëm të BE-së. Qeveritarët në krye me kryetarin e Partisë Socialdemokratike Liviu Dragnea tashmë ngritën padi kundër ish udhëheqësen e Drejtorisë Kombëtare për Kundërvënien e Korrupsionit në Rumani. Përshtypje të madhe bën akuza se në vazhdim të 5 vjetëve Koveshi ka qenë në krye të një grupi të organizuar kriminal, në të cilin kanë marrë pjesë prokurorët-vartës të saj. Ndërkohë gjithnjë e më shumë rumunë përkrahin protestat e magjistratëve kundër dekreteve të qeverisë së kryeministres Viorika Dënçila në sferën e drejtësisë.


SHBA – ja insiston për heqjen e taksave për mallrat serbe në Kosovë

Foto: BGNES

Ndihmës sekretari shtetëror i SHBA-së David Hale insistoi në Prishtinë për heqjen e taksës 100% të vendosur nga Prishtina për mallrat serbe. Përveç kësaj deklaroi se Prishtina do të duhet të paguajë  çmimin, në se vazhdon të jetë përgjegjëse për pezullimin e dialogut me Beogradin. Siç në Beograd, kështu dhe në Prishtinë Hale hodhi poshtë pohimet për acarimin e marrëdhënieve ndërmjet Kosovës dhe Shteteve të Bashkuara të Amerikës dhe përsëri nënvizoi se elementi kyç në marrëveshjen e ardhshme ndërmjet Serbisë dhe Kosovës duhet të jetë njohja reciproke. Parlamenti i Kosovës miratoi platformën për negociata me Serbinë, e cila nuk ofron hapësirë të madhe për manovra. Kjo e zemëroi Presidentin Aleksandër Vuçiç, sepse në se taksat hiqen në kushtet e kësaj platforme, ai do të marrë pjesë formalisht në negociata, por në fakt nuk do të ketë për çfarë të negociojë.


Do të hapet pika e re e kalimit kufitar mes Maqedonisë së Veriut dhe Greqisë

Foto: BGNES

Greqia dhe Maqedonia e Veriut nënshkruan marrëveshje për hapjen e pikës së re të kontrollit kufitar Lemos-Markova Noga afër Liqenit të Prespës. Kjo do të bëhet në përputhje me Marrëveshjen e Prespës, me anë të së cilës ishte zgjidhur kontesti shumëvjeçar lidhur me emrin shtetëror të Maqedonisë. Athina dhe Shkupi shpresojnë se kjo pikë e kalimit do të kontribuojë për zhvillimin e marrëdhënieve bilaterale dhe për forcimin e turizmit dhe lidhjeve në rajonet kufitare. Pika e kalimit Lemos –Markova Noga është mbyllur në vitin 1967 me vendim të Greqisë dhe kjo ka vështirësuar shumë kontaktet ndërmjet të dyja vendeve.

Përpiloi: Ivo Ivanov

Përgatiti në shqip: Jordanka Ivanova

Më shumë nga rubrika

Kontrata e martesës si rezultat i kulturës së rritur financiare të bullgarëve

Kontrata martesore është diçka e re në legjislacionin bullgar. Si një institut i drejtësisë familjare është aplikuar më 1 tetor 2009 me hyrjen në fuqi të Kodit të ri të Familjes. Deri atëherë çdo gjë e fituar gjatë kohës së martesës është..

botuar më 19-03-19 1.25.MD

Çaste të kapura nga afër dhe nga larg ruajnë kujtesën bullgare

Në atdheun e skulptorëve dhe piktorëve   më të mëdhenj – Itali, statuja e Leonardo da Vinçit, e cila pret dhe përcjell turistët nga mbarë bota në aeroportin “Fiumiçino”, është vepër e një bashkatdhetari tonë. Quhet Asen Pejkov, por janë pak..

botuar më 19-03-19 12.29.MD
Ilijana Jotova:

“Arsim pa kufi” – mundësi për mësim dhe realizim në mbarë botën u paraqitën në Sofje

Në vazhdim të dy ditëve (15 dhe 16 mars) të rinjtë që kërkojnë universitete të përshtatshme dhe mundësi për zhvillim, patën shansin të njihen me programet e paraqitura për arsim, për stazh dhe për punë në kuadrin e ekspozitës “Arsim pa kufi” dhe..

botuar më 19-03-18 3.24.MD