Galeria “Lloran” tregon veprat e Ivan Tabakovit - piktori i cili kërkon dritën

Autor:
Ivan Tabakov “Parisi pranë Senës” vitet 60 të shekullit të 20

Galeria e kryeqytetit “Lloran” prezanton krijimtarinë e një piktori, i cili është një nga klasikët bashkëkohorë bullgarë. Që sot në vazhdim të 1 muaji  njerëzit do të mund të shikojnë pikturat e Ivan Tabakovit në një ekspozitë retrospektive.

Do të shikojmë nuancat gri të Parisit pranë Senës, do të ndiejmë dinjitetin e portreteve të Tabakovit, do të qetësojmë veten në paqen e motiveve të qytetit Sozopoll dhe do të ngrohemi me ngjyrat ende të gjalla të natyrave të qeta. Me këto fjalë kritiku i artit Ljudmill Veselinov na shëtit nëpër kërkimet artistike të piktorit, i cili është frymëzuar nga bukuria universale dhe bujaria e natyrës dhe i cili ka kapur në krijimtarinë e tij transmetimin e papërsëritshëm të personaliteteve, si poeteshat Elisaveta Bagrjana dhe Dora Gabe.

Ivan Tabakov, Portret i një zonje dhe portret i Elisaveta Bgrjanës

“Piktori ka lindur gjatë vitit 1901 në Sofje në familjen e Boris dhe Nevenka Tabakovi” - tregon Ljudmill Veselinov. “Si fëmijë prindërit e tij e orientojnë drejt muzikës, por në një moment nga jeta e tij ai zgjedh t’i përkushtohet pikturës. Kështu rruga e tij kalon përmes Akademisë së Arteve  dhe i përfundon studimet tek profesorët e njohur Nikolla Ganushev dhe Nikolla Marinov. Gjatë vitit 1926 Ivan Tabakov niset për në Francë, sepse ka frikë nga reprezaljet për shkak të bindjeve të tij të majta. Aty ai jeton në Paris  deri në vitin 1932, ku shkollohet dhe eksponon krijimet e veta. Me portretet e njohura të zonjave nga vitet 1930 dhe 1931 merr pjesë në Sallonin e Vjeshtës, kurse 1 vit pas kësaj tregon piktura të veta dhe në Sallonin e të Pavarurve . Në ekspozitën e galerisë “Lloran” po kështu kemi zgjedhur portretin e një zonje, i ciliështë mjaft prezantues për krijimtarinë e tij, por sipas meje më kureshtar është koleksioni i tij prej natyrës së qetë  dhe peizazheve të piktorit.

Pas kthimit të vet tek ne, Ivan Tabakovi fillon të pikturojë peizazhe detare, mbase i ndikuar nga miqësia e tij me piktorët e detit Aleksandër Mutafov dhe Mario Zhekov. Gjatë vitit 1933 ai hap dhe ekspozitën e tij të parë vetjake në atdhe ( më vonë numri i këtyre ekspozitave arrin 30) – kryesisht me piktura nga periudha e tij e Parisit, por paraqet po kështu portrete dhe krijime me skena jetike nga jeta e fshatit. Përveçse krijon tema të shumta, të nxjerra nga toka amtare, piktori udhëton nëpër të gjithë botën dhe veprat e tij pranohen shumë mirë jashtë kufirit. Kështu në Bienalen e Venecias gjatë vitit 1942 ai merr pjesë me një portret të shkrimtarit Gjeorgji Rajçev dhe tërheq interesin e shtypit italian. Akademia e arteve e Milanos e shpall për anëtar të saj nderi.

Ivan Tabakov “Natyra e qetë shumëngjyrëshe”, vitet 60 të shekullit të 20

“Ivan Tabakov lë një gjurmë të qëndrueshme kryesisht si portretist dhe piktor i peizazhit, por unë mendoj se emri i tij renditet edhe ndër autorët, të cilët ndikohen fort nga impresionizmi” – thotë akoma kritiku i artit. Prandaj dhe për mua ai është piktori, i cili kërkon dritën. Në Académie Julian në Paris  profesorët e tij Allber Benar dhe Marcel-André Baschet e stimulojnë të afrohet deri tek shkolla e lartë akademike e Kontinentit të Vjetër, ku ai rizbulon interesat e tij ndaj portretit, peizazhit dhe pikturat e natyrës së qetë (Baschet është një nga portretistët prijës  të kohës së vet, kurse Benar është një pasues i flaktë i impresionizmit). Ja përse Ivan Tabakov është një figurë tepërinteresante, i shkolluar në akademi prestigjioze evropiane, por dhe në atë bullgare, e cila është në themelet e arsimit të tij akademik.

Ivan Tabakov “Shkëmbinjtë e qytetit Sozopoll” vitet 40 të shekullit të 20

Vibracione të pasura koloriti dhe harmonie poetike, një lojë piktoreske e dritës dhe e errësirës - e gjithë kjo “doli në sipërfaqe” pas “leximit” më të thelluar të pikturave të tij, thotë akoma Ljudmill Veselinov. Sipas fjalëve të tij, piktori akoma mbetet në hijen e emrave më të zhurmët të brezit të vet. Kurse pas vdekjes së tij  gjatë vitit 1977 emri i tij  harrohet. Prandaj galeria “Lloran” mbledh disa nga pikturat e tij në ekspozitën e tanishme. Kurse me një monografi të vogël, e cila zbulon momente kryesore nga jeta dhe krijimtaria e tijл mundohet të nxjerrë nga harresa një nga klasikët, me të cilët piktura bullgare duhet të krenohet.

Ivan Tabakov “Mol”, vitet 40 të shekullit të 20

Përgatiti në shqip: Nataniela Vasileva

Foto: Galeria “Lloran”

Postimet e lidhura

Mario Zhekov – piktori i frymëzuar nga deti

Piktori e ka zhvendosur studion e tij në breg të detit, ku ka kapur “humorin” e detit dhe lojën e diellit mbi pasqyrën e rrafshët të sipërfaqes së ujit. Dhe gjithmonë është frymëzuar nga loja e dritës, të cilën dallgët e kanë lëkundur në një..

botuar më 18-08-11 10.45.PD

Më shumë nga rubrika

Anton Mitov, “Fshataret bëjnë pazar në Sofje”

Pallati i Arteve të Bukura i Sofjes na ofron një “udhëtim në kohë”

Për më shumë se 10 muaj (nga 1 marsi i vitit 2019 deri më 12 janar të vitit 2020) në qendër të kryeqytetit mund të shihet një ekspozitë origjinale me titull “Pallati për artin”. Ajo përbën një udhëtim në kohë, kur godina qendrore e Galerisë Kombëtare me..

botuar më 19-03-17 11.30.PD

Galeria e Arteve Figurative e Sofjes paraqet koleksionin e vet prej video-artit modern bullgar

Galeria e Arteve Figurative e Sofjes paraqet koleksionin e vet prej video-artit modern bullgar. Ekspozita paraqet seleksionimin e video-veprave prej fondit të galerisë, të cilat komentojnë probleme sociale në shoqërinë bullgare gjatë viteve të..

botuar më 19-03-16 10.35.PD

“Biseda për gra” në shtëpinë e Serjakovit

Në muajin më të butë dhe ledhatues, në të cilin festojmë ardhjen e pranverës dhe ditën e Shën Vangjelizmoit , shtëpia e vjetër e Serjakovit na ofron “Biseda për gra” – një ekspozitë me portretet e 27 zonjave me fytyra, fate dhe role të ndryshme jetike...

botuar më 19-03-14 3.43.MD