Sot kremtojmë përvjetorin e 120 të lindjes së kompozitorit të madh Panço Vlladigerov

Fillojnë festimet zyrtare

Foto: Petër Papakoçev

Kompozitori i famshëm bullgar Panço Vlladigerov ka lindur më 13 mars, kurse disa orë më parë – më 12 mars ka lindur binjaku i tij Ljuben. Të dy kanë studiuar më parë në Bullgari dhe pastaj në Gjermani. Ljuben është violinist, kurse Pançoja – pianist dhe kompozitor dhe dy herë mbajtës i “Dekoratës së Mendelsonit” të Universitetit të Berlinit. Në vitet e 20 të shekullit XX kompozitori bullgar punon në Teatrin e Max Reinhardt në Berlin dhe krijon gjëra mbresëlënëse, një pjesë prej të cilave më vonë i zhvillon në vepra më të mëdha për piano.

Panço Vlladigerov krijon në pothuaj të gjitha zhanret muzikore. Është autor i baletit “Legjenda për liqen”, i operës “Mbreti Kallojan”, i koncerteve për piano (pesë) dhe i koncerteve për violinë dhe orkestër (dy). Ndër veprat e tij janë “Suita skandinave”, “Gjashtë valle simfonike bullgare”, dy simfoni, “Poema e hebrenjve” etj. Pianisti i shkëlqyer krijon gjithashtu vepra për piano. Bashkë me Ljuben Vlladigerovin i përshtat kompozimet e tij për violinë dhe kështu binjakët zhvillojnë veprimtari të madhe të përbashkët koncertore.

Foto: lostbulgaria.com

Sot fillojnë zyrtarisht festimet e organizuara në lidhje me këtë përvjetor të rëndësishëm për muzikën bullgare. Programi festiv kombëtar është i pasur dhe fillon me koncertin e organizuar nga Akademia  Muzikore Kombëtare, e cila mban emrin e artistit të madh. Orkestra akademike simfonike me dirigjent Grogor Palikarov dhe solistët e rinj (studentë dhe doktorantë) do të interpretojnë krijimet më të shquara të Panço Vlladigerovit. Sigurisht që do të tingëllojë më e njohura prej tyre – rapsodia “Vardar”. Shkolla kombëtare muzikore në qytetin Burga, e cila gjithashtu mban emrin e kompozitorit organizon sot një koncert.

Personaliteti i Vlladigerovit lidhet me qytetin Shumen (Bullgari Veriore), sepse me të artisti mbetet i lidhur gjatë tërë jetës së tij. Bashkia e qytetit, bashkë me orkestrën “Simfonieta – Shumen” do të japin një koncert me veprat e tij me pjesëmarrjen e nipërve të tij  - Aleksandër Vlladigerov dhe Konstantin Vlladigerov. Le të kujtojmë se ata janë muzikantë të shquar të xhazit, të cilët prej vitesh jetojnë në Vjenë. Në ngjarjet e ndryshme dhe koncertet me rastin e përvjetorit të 120 të lindjes së Panço Vlladigerovit do të marrin pjesë dhe vëllai dhe motra e tyre  - pianistët Katja Vlladigerova dhe Panço Vlladigerov. Me të njëjtin rast tashmë u zhvilluan koncerte tek ne dhe jashtë vendit – në sallën “Bullgaria” të kryeqytetit, në Shkollën Kombëtare Muzikore “Ljubomir Pipkov”, në Maltë etj. Festimet do të vazhdojnë deri në fillimin e vitit 2020.

Përgatiti në shqip: Jordanka Ivanova

Foto: arkiv

Më shumë nga rubrika

Breza të ndryshëm të yjeve bullgare në “Javët muzikore të Sofjes”

Festivali i pesëdhjetë ndërkombëtar “Javët muzikore të Sofjes” do t’u japë skenë muzikantëve të shumtë bullgarë, të cilët jetojnë jashtë shtetit dhe tanimë janë të afirmuar nëpër botë, por dhe të rinjve të cilët aktualisht fillojnë karrierën e tyre...

botuar më 19-05-22 3.59.MD

Vanja Moneva: Jemi të lumtur, se mesazhi ynë arrin deri tek publiku

I krijuar gjatë vitit 2002 “Festivali i Pashkës” në Moskë është një nga forumet më të konsiderueshme muzikore me një përpjesëtim botëror. Iniciativa për themelimin e tij është e dirigjentit të njohur rus Valerij Gergiev – drejtor i teatrit “Marinski”..

botuar më 19-05-16 1.08.MD

Mario Angjellov: “Muzikë për piano” është një prelud ndaj koncertit të ardhshëm të Orkestrës Simfonike të Radios Kombëtare Bullgare

“Muzikë për piano” është titulli i programit të cilin Mario Angjellov e prezanton më 12 maj në studion numër një të Radios Kombëtare Bullgare. Do të tingëllojnë vepra tl Allfred Shnitke, Bah, Hajdn, Mozart dhe Betoven. Një pianist në Orkestrën Simfonike..

botuar më 19-05-12 8.30.PD