Ansambli “Graovska Mlladost” – simbol i rinisë dhe i dashurisë ndaj muzikës tradicionale

Ansambli “Graovska Mlladost” (“Rinia e Graovos”) – qyteti Pernik, e ka provuar nivelin e tij të lartë artistik jo vetëm me çmimet e fituara në festivale të ndryshme prestigjioze në Evropë dhe në Amerikën Veriore. Ai është një qendër tërheqëse për të rinjtë e dashuruar me muzikën dhe vallen e Graovos. Tradita vendase është e gjallë dhe e pranishme në festat e çdo një vendbanimi në rrethin e Pernikut. Ansambli është i pranishëm në të gjitha tubimet fshatare dhe në festat e tjera të qytetit.

Vencisllav Andonov, udhëheqës kryesor artistik i Ansamblit, është gajdexhi profesional. Ai e ka mbaruar Shkollën Kombëtare për Arte Folklorike – Shiroka Llëka, Universitetin Jugperëndimor “Neofit Rilski” në Bllagoevgrad dhe Universitetin e Sofjes “Shën Klementi i Ohrit”. Jep mësime të gajdes në Universitetin e Ri Bullgar, në Universitetin e Sofjes dhe në seminare ndërkombëtare për folklor ballkanik.

“Gëzohem se i kushtuat vëmendje ansamblit tonë, i cili sivjet feston përvjetorin e tij të 60-të – thotë Vencisllav Andonov. – Ansambli ynë u krijua në vitin 1959 me udhëheqës Dimitër Nençev. Tre vjet më vonë u themelua kori popullor me dirigjent Ivan Tonçev. Folklori i Graovos është më specifik, jemi pjesë e Krahinës Folklorike të Shopëve, por jemi të ndryshëm nga të gjithë të tjerët. Formacioni ynë përfsfshin një orkestër profesionale: fyell – Simeon Dimitrov, gëdullka – Metodi Metodiev, tambura – Bojan Andreev, kontrabas – Valeri Hristov, daulle – Enço Najdenov. Unë e udhëheq orkestrën dhe e bie gajdes. Kemi një studio vokale me udhëheqëse Sillvija Simeonova.


Në ansamblin koreografik bën pjesë një grup fëmijësh, me rreth 40-50 fëmijë dhe një grup rinor me rreth 50 valltarë. Koreografi është Todor Todorov. Ansambli është mbajtës i shumë dekoratave prestigjioze nga katër festivale republikane, është mbajtës i “Diplomës së nderit” të Portugalisë. Nuk ka vend në Evropë, të cilin festivali ynë të mos e ketë vizituar. Festivali i fundit ishte në Zvicër, ku u takuam me 10 grupe profesionale, ndërsa formacioni ynë është prej amatorësh, vetëm orkestra jonë është profesionale. Interpretuesit tanë kanë dëshirë të madhe për ta provuar këtë në skenë. Vitin e kaluar ishim në vazhdim të afro një muaji e gjysmë në një turne në Francë dhe Zvicër, ku u paraqitëm shkëlqyeshëm dhe e përhapëm famën e ansamblit tonë “Graovska Mlladost”, të qytetit Pernik dhe të atdheut tonë – Bullgaria.

Na gëzon fakti se na përkrah bashkia – shpresoj se edhe në të ardhmen do t’i ruajmë formacionet tona. Në Bullgari u mbyllën shumë formacione, ndërsa në vendin e tyre u krijuan “klube për valle popullore”, por kjo është diçka e ndryshme. Në njërin rast njerëzit takohen për të kaluar këndshëm kohën e tyre të lirë, ndërsa në rastin tjetër ata takohen që ta mbrojnë folklorin. Për mua “Graovska Mlladost” është rinia ime, dashuria ime, pas familjes, kuptohet. Ftojmë të gjithë miqtë tanë, të gjithë adhuruesit, të gjithë interpretuesit gjatë viteve të kaluara deri më sot për ta festuar së bashku jubileun tonë 60 vjeçar më 15 mars nga ora 18.00 në sallonin e Teatrit Dramatik “Bojan Danovski” – Pernik. Jeni mirëseardhur në koncertin tonë, që të shijojmë së bashku folklorin bullgar.”

Përgatiti në shqip: Vesella Mançeva

Foto: arkiv personal

Më shumë nga rubrika

Vampirët në këngët popullore bullgare

Para 5 vjetëve një temë interesante dhe e pastudiuar deri në këtë moment e provokoi Radosllav Gizginxhievin  të studiojë materialet etnografike, shembujt folklorik dhe arkivat e këngëve popullore bullgare dhe 2 vjet më vonë të shkruajë punën e tij të..

botuar më 19-05-12 11.25.PD
Ansambli “Goce Dellçev” nga qyteti Sofja dhe Ansambli vokal “Ezerec” nga qyteti Bllagoevgrad në një skenë të përbashkët

Folklori krijon miqësira

Më 11 maj në lidhje me Ditën e apostujve të Shenjtë Kirill dhe Metodij në galerinë e Arteve të qytetit të Sofjes do të zhvillohet koncerti me titull “Arti krijon miqësira” i korit popullor pranë Ansamblit “Goce Dellçev” në qytetin e Sofjes me dirigjent..

botuar më 19-05-10 1.51.MD

Dobrin Dobrev: Ai që ka lindur në Dobruxha, ose ka jetuar nën yjet e saj, është si i magjepsur

Më shumë se 10 vjet këngëtari popullor Dobrin Dobrev jeton në Qipro. Ai është menaxher i një zyre informative, e cila merret me përkthime dhe legalizime dokumentesh, si dhe me organizimin e ngjarjeve kulturore. Bashkë me Ambasadën e Republikës së..

botuar më 19-05-08 12.13.MD