Në kuadrin e vizitës zyrtare në Republikën Arabe të Egjiptit presidenti Rumen Radev zhvilloi bisedime me homologun e tij egjiptian Abdell Fatah As Sisi. Të dy presidentët diskutuan luftën me terrorizmin, krimin e organizuar, radikalizmin dhe migracionin ilegal. Pas takimit zoti Radev theksoi, se Bullgaria vlerëson lartë rolin e madh të Egjiptit në kërkimin e bilancit për vendosjen e stabilitetit dhe sigurisë në Lindjen e Mesme dhe në Afrikën e Veriut. “Sofja dhe Kajro janë aleate në luftimin e terrorizmit”, vuri në dukje zoti Radev. Ai tha, se Bullgaria si një shtet i afër Egjiptit dhe si anëtare e BE-së, mban përgjegjësinë që zëri i Egjiptit të dëgjohet edhe në BE, sepse nga situata në rajonin e Lindjes së Mesme dhe të Afrikës së Veriut varet edhe stabiliteti dhe siguria në Evropë.