Si rezultat i një operacioni të përbashkët të Prokurorisë së Specializuar dhe të Ministrisë së Punëve të Brendshme me autoritetet policore dhe gjyqësore spanjolle, mbi 30 000 objekte antike të eksportuara në mënyrë të paligjshme kthehen në Bullgari. Pasi gjatë muajit tetor të vitit të kaluar në territorin e të dyja vendeve qe neutralizuar një grup kriminel për një trafik transkufitar të antikave drejt Gadishullit Iberik, aktualisht po zhvillohet hetim kundër 16 qytetarëve bullgarë, 8 prej të cilëve janë të arrestuar në qytetin Trente-Valenca. Në selinë e Eurojust në Hagë është arritur një marrëveshje që procesi kundër anëtarëve të grupit kriminal të zhvillohet në Spanjë, njoftoi prokuroria bullgare.