Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Pritet një raund i paqartë i zgjedhjeve presidenciale ne Maqedoninë e Veriut

Stevo Pendarovski dhe Gordana Siljanovska / Foto: BGNES

Pjesëmarrja në raundin e parë të zgjedhjeve presidenciale në Maqedoninë e Veriut mezi arriti 42 për qind prej gjithsej 1 800 000 votuesve të regjistruar, ndërsa 4 për qind prej fletëvotimeve, ose mbi 34 mijë janë jovalide. Në këtë situatë vendi është kërcënuar nga një krizë konstitucionale pas raundit të dytë të zgjedhjeve më 5 maj. Kandidati i socialdemokratëve dhe shqiptarëve në pushtet Stevo Pendarovski do të fitojë vështirë në raundin e dytë pa votat e kandidatit të tretë, që tashmë u largua nga gara presidenciale – të shqiptarit Blerim Reka. Me siguri përkrahësit e Rekës nuk do të votojnë për kandidaten e opozitës Gordana Siljanovska. Pavarësisht se kush nga ata të dy do të marrë më shumë vota, në rast pjesëmarrjeje nën 40 për qind zgjedhjet nuk do të ishte konstitucionale. Ligji kryesor nuk sqaron nëse në rast të tillë duhet të ketë zgjedhje të reja presidenciale, ose nëse Kreu i Shtetit duhet të zgjidhet nga Parlamenti.


Rumania miratoi një memorandum për ndërtimin e urës së re mbi lumin Danub

Qeveria rumune ka miratuar një memorandum për ndërtimin e urës së re mbi lumin Danub mes qytetit rumun Zimnicea dhe atij bullgar Svishtov nëpërmjet partneritetit publiko-privat. Anëtarët e qeverisë theksuan se trafiku intensiv mes Rumanisë dhe Bullgarisë dhe rritja e këmbimit tregtar dhe lëvizjes transit mes dy shteteve tona e bëjnë këtë projekt jashtëzakonisht të rëndësishëm. Lidhja rrugore mes Svishtovit dhe Zimnicea e shkurton itinerarin Bullgari-Rumani-Evropa Qendrore dhe Perëndimore me katër orë, në krahasim me rrugën përmes Urës së Danubit tek qytetet Ruse, Giurgiu.


SHBA-të janë kundër aderimit të Serbisë me Bashkimin Euroaziatik

Mediat në Serbi njoftojnë se vendi është paralajmëruar nga SHBA-ja që të mos aderohet me Bashkimin Ekonomik Euroaziatik, sepse ai është rrugë me një drejtim dhe është në kundërshtim me bisedimet për anëtarësimin e vendit në Bashkimin Evropian. Diplomatët perëndimorë në Beograd gjithashtu janë të mendimit se krijimi i zonës së tregtisë së lirë mes Bashkimit Euroaziatik dhe Serbisë është në kundërshtim me pjesëmarrjen në tregun unik evropian. Ambasadori rus në Beograd Aleksandër Çepurin shpalli se bisedimet me Serbinë kanë përfunduar dhe se procedura e nënshkrimit të marrëveshjes gjatë muajit tetor tashmë është startuar.


Ankaraja dhe Athina përsëri kanë kundërshtime për Ishujt e Egjeut

Foto: news.gtp.gr

Ministri turk i Mbrojtjes Hulusi Akar i bëri thirrje Greqisë për të respektuar statusin e demilitarizuar të Ishujve të Egjeut. Ankaraja është e mendimit se Athina e shkel të drejtën ndërkombëtare dhe marrëveshjet, duke i armatosur ishujt në Detin Egje dhe kështu e prish miqësinë mes fqinjëve. Ministria greke e Punëve të Jashtme u përgjigj se Turqia duhet të mësohet ta respektojë të drejtën ndërkombëtare dhe të mos e interpretojë në mënyrë të njëanshme.


Takim i liderëve të Serbisë dhe të Kosovës në Berlin

Hashim Thaçi, Angela Merkel dhe Aleksandër Vuçiç në samitin BE-Ballkani Perëndimor gjatë muajit maj 2018 në Sofje / Foto: BGNES

Ditën e dytë pas Pashkëve Ortodokse Gjermania dhe Franca do të takojnë në Berlin liderët e Serbisë dhe të Kosovës Aleksandër Vuçiç dhe Hashim Thaçi. Kancelarja Angela Merkel dhe Presidenti Emmanuel Macron duan që të gjendet një formulë për zgjidhjen e problemit mes Serbisë dhe Kosovës. Berlini dhe Parisi bëjnë provën e radhës për ta shpëtuar politikën e BE-së në Ballkanin Perëndimor, duke e minimizuar ndërhyrjen e SHBA-së, Rusisë dhe Kinës në regjion. Bisedimet mes Beogradit dhe Prishtinës janë të bllokuara nga këmbëngulja edhe e të dyja shteteve, kështu qe detyra e Merkelit dhe Macronit nuk është e lehtë.


Shqipëria merr ndihmë ushtarake nga SHBA-ja

Olta Xhaçka gjatë vizitës së saj në SHBA për nënshkrimin e marrëveshjes / Foto: marinecorpstimes.com

SHBA-të i kanë dhënë Shqipërisë 3 helikopterë të tipit Black Hoke për forcimin e kapacitetit të ushtrisë shqiptare. Makinat janë jo vetëm pjesë e pakos së ndihmës ushtarake amerikane për Tiranën, e cila u aderua me NATO-n në vitin 2009 dhe është në proces të ndërrimit të armës së saj të vjetër me armë moderne, që t’u përgjigjet standardeve të Aleancës. Shqipëria merr pjesë rregullisht me kontingjente të vogla në misionet paqeruajtëse ndërkombëtare dhe në operacionet e NATO-s dhe ka nevojë për mjete taktike ajrore transporti, deklaroi Ministrja e Mbrojtjes Olta Xhaçka, e cila nënshkroi në Uashington marrëveshjen për ndihmë ushtarake amerikane.

Përpiloi: Ivo Ivanov

Përgatiti në shqip: Vesella Mançeva

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD