Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

"Shoqëria e Bahut në Bullgari" prezanton “Mesiun” e Handelit

Foto: culturecenter-su.org

Më 8 maj në Aula Magna e Universitetit të Sofjes “Shën Klement i Ohrit” do të dëgjojmë “Mesiun” e Handelit – një nga veprat e shquara të kompozitorit. Ajo është shkruar në vitin 1741 dhe është prezantuar për herë të parë në tërësi vitin tjetër – 1742 në Dublin. Deri në fundin e jetës së Handelit vepra është ekzekutuar 70 herë. Tek ne gjithashtu ka tingëlluar shumë herë. Organizatori i koncertit të ardhshëm është kryetari i “Shoqërisë së Bahut në Bullgari” inxh. Georgi Kollçakov.

Më shumë se 10 vjet me radhë “Shoqëria e Bahut” prezanton nga një vepër të madhe vokale dhe instrumentale për vit nga epoka e barokut. Që nga viti 2011 këto koncerte janë përfshirë në programin e Festivalit Muzikor Evropian. Gjatë viteve ishin ekzekutuar “Mateus Pasion” (Matthäuspassion) – disa herë, Johanes Pasion (Johannes-Passion) , “Mesha në h-Moll” të Johan Sebastian Bah. Vitin e kaluar – “Izrael në Egjipt” të Handelit (kjo ishte premiera e kësaj vepre në Bullgari).

“Para 17-18 vjetëve për herë të parë fillova të mendoj se mund të realizohet një projekt i tillë aq i madh në Bullgari pa ndihmë financiare nga shteti. Atëherë kjo dukej si një çmenduri e vërtetë, por gjithmonë kam besuar se mund ta realizoj. Pak nga pak rreth meje u mblodhën njerëz, të cilët e duan dhe e ekzekutojnë muzikën e barokut, siç edhe shumë adhurues këtij stili. Muzika e Bhut dhe Handelit, e cila është lidhur drejtpërsëdrejti me idenë e krishtere, sipas meje është vektori moral, të cilin e kemi humbur sot në shoqërinë tonë, është diskredituar në vitet e socializmit me mjete të tmerrshme. Mendoj se mesazhet e larta morale të kësaj muzike mund të na tregojnë drejtimin e duhur. A në të vërtetë bëhet kështu – kjo është një çështje tjetër. Nuk është pa rëndësi dhe ana muzikore. Veprat e barokur kërkojnë një mënyrë specifike të ekzekutimit, fraza muzikore është e posaçme. Në Evropën Perëndimore kjo muzikë ekzekutohet me vegla të vjetra nga epoka konkrete, apo me kopje të sakta të këtyre instrumenteve. Ne nuk kemi mundësi të tilla, por është fakt se tashmë 10-11 vjet të njëjtët njerëzit mblidhen për të bërë muzikë në këtë stil dhe mund të them se kemi mjaftë përvojë në këtë mënyrë specifike të ekzekutimit. Në orkestër kemi muzikantë mbresëlënës – koncertmjeshtri Jordan Dimitrov është nga ansambli “Solistët e Sofjes”, me rëndësi është pjesëmarrja e oboistit Kalin Panajotov, siç edhe e të gjithë muzikantëve të tjerë. Këngëtarët e korit gjithashtu janë ndër pjesëmarrësit e vazhdueshëm dhe prandaj çdo vit mund të bëjmë një hap përpara. Solistët këndojnë me ne që nga fillimi. Basi Pllamen Bejkov është nxënës i Boris Hristovit, ka specializuar muzikë të barokut në Londër dhe ka e interpretuar “Mesiun” shumë herë. Tenori Virgil Hartinger është biri i kryetarit të “Shoqërisë së Bahut” në Zaltsburg – që nga fëmijëria ai jeton me muzikën e barokut dhe njoh mjaft mirë mënyrën specifike të interpretimit të kësaj muzike. Publiku i Sofjes e njoh atë si Evangjelisti i “Pasioneve” të Bahut – një këngëtar i shkëlqyeshëm me teknikë të përsosur të barokut. Olga Mihajllova – Dinova (mexosoprano), Girgina Girginova (soprano).... Figura që i bashkon të gjithë këta muzikantë të mrekullueshëm është dirigjenti Josif Gerxhikov, i orienton muzikantët në shtigjet e një mali të madh, të cilin ai e njeh mjaft mirë. Të gjithët duan shumë të punojnë me të. Këngëtarët e vlerësojnë shumë, sepse është ai specialist i teknikës vokale, një pedagog i jashtëzakonshëm dhe njohës i mirë i epokës së barokut”.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD

Dashuria e përbashkët dhe një këngë e re në një takim të duetit SHIK me publikun e Sofjes

Dueti SHIK ka një vend të rezervuar në zemrat e adhuruesve të muzikës së bukur me këngët e tyre melodike, shumë prej të cilave janë kthyer në hite. Autori i tyre është Krasimir Gjullmezov - një kompozitor, aranzhues, instrumentist dhe këngëtar i..

botuar më 24-03-26 8.15.PD