Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zgjedhjet Evropiane 2019: Përgatitja është në ecuri

Foto: BGNES

Në lidhje me zgjedhjet e ardhshme në Bullgari për Parlament Evropian më 26 maj Komisioni Qendror i Zgjedhjeve (KQZ) dje (të enjten) shpalli planet e tij për organizimin e vendvotimeve jashtë shtetit, kurse sot (të premten) Presidenti Rumen Radev diskutoi me përfaqësuesit e Komisionit çështje të tjera të rëndësishme të lidhura me zhvillimin e zgjedhjeve.

Ndër aspektet e rëndësishme të përgatitjes është garantimi i kushteve të sigurisë së votimit. Para dy ditësh Ministria e Punëve të Brendshme shpalli një linje telefonike të hapur 24 orë në ditë (telefon 02/982 22 32 dhe e-mail izbor@mvr.bg) për denoncimin e shkeljeve, kurse dje diskutoi me Komisionin Qendror të Zgjedhjeve dhe me Agjencinë Shtetërore për Siguri Kombëtare edhe probleme të tjera të sigurisë, duke përfshirë këtu dhe çështje të lidhura me sigurinë kibernetike. Në këtë etapë nuk ka arsye për shqetësime, po të kemi parasysh se që nga fillimi i fushatës zgjedhore në fundin e prillit deri tani në KQZ janë dhënë vetëm 15 sinjale për shkelje, të lidhura kryesisht me deklarata të papranueshme zgjedhore.

Përshtypje të madhe bëri dhe numri i madh i qendrave të votimit, të cilat do të hapen jashtë shtetit – 191 në 64 vende. Për zgjedhjet e mëparshme për Parlament Evropian numri i tyre ishte 179 në 35 (pothuaj dy herë më shumë do të jenë shtetet këtë herë). Do të mund të votojnë jashtë vendit jo vetëm bullgarët, të cilët vazhdimisht jetojnë në shtetet përkatëse, por edhe ata, të cilët për ndonjë arsye ndodhen jashtë Bullgarisë në ditën e zgjedhjeve. Ata, të cilët preferojnë të votojnë jashtë shtetit, por nuk e kanë deklaruar këtë paraprakisht, mund ta bëjnë këtë duke plotësuar një formular në qendrën e votimit fill para se të hyjnë në kabinën e votimit. Kështu ata do të pohojnë se nuk kanë votuar në ndonjë vend tjetër.

Deri tani janë regjistruar 7 organizata joqeveritare, të cilat dëshirojnë të monitorojnë zhvillimin e zgjedhjeve me numër të përbashkët të vëzhguesve 63. Kanë kërkuar regjistrim dhe vëzhgues ndërkombëtarë nga Forumi Evropian i të Rinjve dhe nga Asambleja Parlamentare për Bashkëpunim Ekonomik të Detit të Zi.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD