Zgjedhjet Evropiane 2019: Rezultatet e votës evropiane mund të ndryshojnë në momentin e fundit

Fushata për zgjedhjet evropiane në Bullgari hyri në gjysmën e dytë dhe deri në përfundimin e saj mbeten dy javë. Partia Socialiste Bullgare (BSP) iu drejtua Komisionit Qendror të Zgjedhjeve (KQZ) duke e informuar se sipas ligjit për administratën Kryeministri Bojko Borisov nuk mund ta kryesojë shtabin paraelektoral të partisë në pushtet GERB dhe bëri thirrje që ai të tërhiqet nga ky post. Sipas KQZ-së Kryeministri Borisov nuk e shkel ligjin. Liderja e Socialistëve Kornelija Ninova deklaroi se vendi udhëhiqet prapa skenës dhe Borisov është i varur nga kjo.

Kryetarja e listës së GERB-it dhe të Bashkimit të Forcave Demokratike (SDS) Maria Gabriel bëri thirrje nga ana e vet që me votën e vet zgjedhësit t’i thonë “Jo” konfrontimit dhe “Po” dialogut dhe bashkëpunimit, duke e përkrahur GERB-in më 26 maj. Kryetari i listës së VMRO-s – BND Angell Xhambazki theksoi se në zgjedhjet evropiane ata nuk do të garojnë për prani, por për një rezultat sa më të mirë dhe qëllimi kryesor i VMRO-s është që të fitojë kundër Lëvizjes për të Drejtat dhe Liritë (DPS). Kryetari i DPS-së Mustafa Karadajë bëri apel në praninë e liderit të liberalëve evropianë Hans van Baalen për përkrahje të Lëvizjes nga ana e votuesve, sepse në të bëjnë pjesë njerëz të arsimuar, me kualifikim të lartë, të cilët kanë treguar jo një herë aftësitë e tyre profesionale. Gjatë ditëve të pushimit kandidatët për eurodeputetë të “Atakës” rikujtuan se motoja e tyre është: “Le ta marrim tonën nga Bashkimi Evropian” dhe u bënë apel zgjedhësve për t’i përkrahur në emrin e luftës kundër shpopullimit të Bullgarisë dhe varfërisë sociale.

Agjencia “Mediana” ka llogaritur se dy javë para zgjedhjeve dallimi mes forcave kryesore, që konkurrojnë, GERB dhe BSP, është rritur me 1.5 për qind në krahasim me muajin prill dhe aktualisht ai është 2 për qind në dobi të socialistëve. Kjo sipas agjencisë nuk i detyrohet rritjes së konsiderueshme të peshës elektorale të BSP-së, por është rrjedhojë e pakësimit të përkrahjes për GERB-in. Aktualisht mobilizimi ndër simpatizantët e dy forcave është praktikisht i njëjtë dhe ndoshta erozioni i besimit në GERB është përfunduar. Në këtë situatë të pozitave pothuajse të barazuara, dominimi i njërës, ose tjetrës parti mund të jetë fakt që në momentin e fundit para zgjedhjeve dhe për këtë mund të kontribuojnë “gjëra të vogla”. 26 maji është dita e tretë në serinë e tri ditëve të pushimit në Bullgari dhe atëherë do të votojnë kryesisht këta njerëz, që do të mbeten në shtëpi. Zgjedhësit e GERB-it janë më të pasur dhe mobilë. Disa prej tyre ndoshta do të udhëtojnë dhe nuk do të arrijnë të votojnë, derisa për pensionistët, të cilët nuk janë pjesa kryesore e elektoratit të pushtetarëve, votimi është një nga mundësitë e pakta për shfaqje sociale. Mirëpo, pushtetarët kanë shans për fitore në qoftë se vota e protestës shpërndahet dhe nuk përqendrohet tek oponenti i tyre kryesor – BSP, mendon agjencia “Mediana”.

Përgatiti në shqip: Vesella Mançeva

Më shumë nga rubrika

Zgjedhjet Evropiane 2019: GERB dhe Partia Socialiste Bullgare konfrontohen dhe në etapën e fundit të fushatës zgjedhore

Disa orë pasi kryeministri dhe lider i partisë GERB Bojko Borisov deklaroi në një intervistë se në luftën zgjedhore Partia Socialiste Bullgare përdor mjete nga tekstet shkollore të KGB-së (Komitetit të Sigurisë Shtetërore), liderja e listës së Partisë..

botuar më 19-05-21 1.38.MD

Zgjedhjet Evropiane 2019: Fushata për zgjedhjet evropiane hyri në fazën e fundit

Kjo fundjavë ishte e fundit nga fushata paraelektroale për zgjedhjen e evrodeputetëve bullgarë më 26 maj. GERB zhvilloi aktivitetin e tij qendror në Sofje me pjesëmarrjen e kandidatit për kryetar të Komisionit Evropian (KE) Manfred Weber nga Partia..

botuar më 19-05-20 12.14.MD

Zgjedhjet Evropiane 2019: Përkrahja për Partinë Socialiste Bullgare dhe për partinë GERB është pothuajse e barazuar

Në një konferencë në Sofje Komisioni Qendror i Zgjedhjeve paraqiti makinat për votim në zgjedhjet evropiane, të cilat do tu dorëzohen Komisioneve Zgjedhore Zonale më 24 maj. Furnizuesi dhe auditorët nga Akademia Bullgare e Shkencavedhe dhe Universiteti i..

botuar më 19-05-17 12.33.MD