Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Papa Françesku vizitoi Rumaninë

Foto: BGNES

Papa Françesku bëri vizitë treditore historike në Rumani nga 31 maj deri më 2 qershor, pasi para më pak se një muaji vizitoi dy shtete të tjera ballkanike – Bullgarinë dhe Maqedoninë e Veriut. Në takimet e tij me Sinodet e Kishës Ortodokse Rumune dhe të Kishës Katolike Papa nënvizoi se globalizimi çon deri në dobësimin e vlerave kombëtare dhe i bëri thirrje njerëzve që të ndihmojnë njëri-tjetrin dhe të mos u dorëzohen tundimeve të urrejtjes dhe individualizmit. Patriku rumun Daniil falënderoi Vatikanin për përkrahjen e dhënë besimtarëve ortodoksë në Iatli, ku Kisha Katolike i është ofruar komunitetit ortodoks rumun 426 godina kulti.


“Demokracia e re” fitoi zgjedhjet lokale në Greqi

Foto: BGNES

Partia opozitare konservatore “Demokracia e re” arriti fitore të bindshme në zgjedhjet vendore në Greqi, ku kandidatët e saj fituan në 11 prej 13 regjioneve të vendit. Gjatë së dielës u zhvillua raundi i dytë i zgjedhjeve për kryetarë të bashkive dhe qarqeve. Në raundin e parë gjatë majit “Demokracia e Re” fitoi në 5 prej 13 rajoneve, kurse e majta – vetëm në një. Kryeministri Aleksis Tsipras njohu humbjen e partisë së tij, përshëndeti fituesit dhe nënvizoi se po presin “betejën” më të rëndësishme – atë në zgjedhjet parlamentare, të cilat do të zhvillohen në fillimin e korrikut.


Protestat në Shqipëri

Foto: BGNES

Policia në kryeqytetin shqiptar të dielën përdori gaz lotsjellës dhe pompa uji për shpërndarjen e protestuesve, të cilët dolën në rrugë për të kërkuar dorëheqjen e kryeministrit socialist Edi Rama. Ministria e Punëve të Brendshme informoi se janë plagosur 10 policë dhe 3 qytetarë. Demonstruesit hidhnin gurë dhe kokteje molotov, pavarësisht nga kërkesat e organizatorëve për t’i mos sulmuar përfaqësuesit e policisë. Ambasada e SHBA-së në Tiranë dënoi veprimet e protestuesve dhe u bëri thirrje organizatorëve që të përfundojnë veprimet e dhunshme dhe të fillojnë dialog konstruktiv. Sekretari i përgjithshëm i NATO-së Jens Stoltenberg, i cili në momentin e demonstrimeve ishte në Tiranë, paralajmëroi se “dhuna politike bie ndesh me vlerat tona demokratike. Është absolutisht e papranueshme. Ndaj iu bëj thirrje të gjithë aktorëve politikë të sillen në mënyrë të përgjegjshme dhe me vetëpërmbajtje”. Ai kërkoi konsensus për të zgjidhur çdo diferencë përmes dialogut, sepse kjo do të kontribuojë për një të ardhme më të mirë për popullin e Shqipërisë dhe gjithë rajonin.


Turqia ndaloi 20 terroristë nga “Stheti Islamik”

Foto: bursadabugun.com

Forcat turke të sigurisë ndaluan 20 të dyshuar për përgatitjen e sulmeve terroriste në vend. Deri tani në Turqi më shumë se 300 veta kanë humbuar jetën e tyre në sulme të ndryshme të kryera nga “Shteti Islamik”. Organizata terroriste zakonisht godit objekte publike, ku ka njerëz civilë, duke përdorur sulmues vetëvrasës, duke organizuar sulme me bomba apo qitje në vende ku ka shumë njerëz , shkruajnë mediat vendase.


Një sërë tërmetesh tronditën Ballkanin gjatë ditëve të fundit

Foto: BGNES

Tërmet me magnitudë 4,6 ballë lëkundi të dielën qytetin turk Sakarija. Nuk ka të dhëna për dëme materiale dhe viktima, por valët e tij janë ndierë në Stamboll. Disa lëkundje të forta kishte të dielën edhe në rajonin e qytetit shqiptar Korça, ku katër persona u plagosën lehtë dhe 184 ndërtesa pasuan dëme të konsiderueshme. Një ditë më parë u regjistruan gjashtë tërmete të forta në pjesën juglindore të Shqipërisë. Valët e tyre ishin ndjerë në Greqi dhe në Maqedoni. Të hënën janë ndjerë akoma disa lëkundje në qytetin e Korçës. Ato janë ndjerë gjatë natës dhe sot në mëngjes, rreth orës 05:49 dhe 07:49. “Shkundjet” janë shënuar me magnitudë 2.9 dhe 3.6 të shkallës Rihter. Gjatë natës janë ndjerë disa lëkundje me magnitudë 2.1 dhe 2.4 të shkallës Rihter. Ende nuk dihet nëse ato janë shoqëruar me dëme të tjera materiale.

Përpiloi: Stoimen Pavllov

Përgatiti në shqip: Jordanka Ivanova

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD