Teodor Cvetkov do të kalojë me not nëpër 30 liqene bullgare me mision bamirës

30 liqene në pjesë të ndryshme të Bullgarisë do të kalojë me not banuesi i qytetit Ruse Teodor Cvetkov, jo që të verë rekord, por që të mbledhë mjete në ndihmë të grave të cilat luftojnë me kancerin e gjirit. Teodor është vetëm 24 vjeç, por tanimë është i bindur në forcën e iniciativave bamirëse, të cilat e detyrojnë të ndihet i kënaqur nga përpjekjet e bëra.

Fillimin e fushatës Teodori e vuri më 31 maj me not përmes liqenit Nanjovo Bllato, rreth fshatit të qytetit Lloveç Goljama Brestnica. Deri më 20 qershor ai do të kalojë me not disa liqene të cilat gjenden rrotull Sofjes, mes të cilëve Çepinsko dhe Çellopeçensko, dhe po kështu dhe pellgje të ujit rreth Karlievos, Bllagoevgradit, Smoljanit, Burgasit, Ballçikut dhe Kavarnës.

Pritet që në breg, rreth liqeneve  të mblidhen dhjetëra miq dhe adhurues, të cilët ta përkrahin notarin dhe idenë e tij bamirëse.

Dëshirën për t’u marrë me bamirësi e mbaj në vetvete. Akoma si fëmijë ëndërroj t’i ndihmojë njerëzit në nevojë përmes notit, sepse ky është sporti, të cilin unë e pëlqej  dhe me anën e të cilit unë mund të bëj një gjë të mirë” - thotë Teodor Cvetkov:

Dejan Kostadinov, Teodor Cvetkov dhe vëllai i tij Valentin“Çdo një njeri vetë e vendos se me çfarë sporti do të merret, por mua noti më pëlqen, bile për shkak të rezultateve të mira, të cilat i arrij,  mund të jem në kategorinë e noterit profesional. Vetë jam mësuar të notoj, unë nuk kam trajner. Vetë i zhvilloj stërvitjet e mia në një pishinë 17 metrash. Notoj çdo herë kur më jepet mundësia. Në lumin Danub nuk është e përshtatshme për të notuar  dhe për stërvitje sepse ka rryma uji dhe vorbulla dhe ka rrezik madje për noterët profesionalë. Largësia ime më e gjatë e kaluar me not është e përshtatshme për rekord botëror - 50 kilometra me këmbë të lidhura, të cilën e kalova për 17 orë. Qëllimi im është jo të vendos rekorde ose të garoj për medalje. Në vend të parë unë dua të ndihmoj. Shumë njerëz më përkrahin në këto iniciativa, por më tepër më ndihmon vëllai im binjak Valentin. Ai gjithmonë është pas kurrizit tim dhe unë e di se mund të mbështetem tek ai. Çdo gjë të cilën e kam arritur është njëkohësisht dhe veprimtari e tij, na ndihmon dhe shoku ynë Dejan Kostadinov, të cilit gjithmonë mund t’i kem besim. Kam shumë shokë dhe secili prej tyre do të marrë pjesë me atë që mundet, që të mund të mbledhim më shumë para për fushatën kundër kancerit. Janë siguruar kushte shumë të mira për të notuar, kështu qe rreziku të jetë minimal. Nga të gjitha liqenet, në të cilët do të notoj, njoh vetëm një, të tjerët janë një befasi dhe prandaj do të jetë interesante dhe e vështirë njëkohësisht. Shpresoj që njerëzit të vijnë dhe të më përkrahin që nga bregu, dhe për më tepër ta ndihmojnë fondacionin “Një nga tetë”. Me ta u lidhëm me iniciativën tonë, sepse donim pikërisht atyre t’u ndihmonim. Llogaria bankare është treguar në faqen tonë “Liqenet e Bullgarisë për një  nga tetë”. Mjerisht njerëzit nuk u përgjigjen shumë thirrjeve për bamirësi, por kam vënë re se, njerëzit e varfër janë më të përgjegjshëm. Me gjithë atë asnjë nuk është i siguruar se në një moment të caktuar nga jeta e vet nuk do të bjerë në nevojë. Prandaj duhet t’i ndihmojmë njëri-tjetrit. Është shumë vështirë që njeriu të luftojë me egon e vet, por në qoftë se interesohemi vetëm për veten tonë, nuk ka se si të ecim përpara.”

E gjithë iniciativa e vëllezërve Cvetkovi ka një drejtim përveç human dhe ekologjik. Sipas  vërejtjeve të notarit Teodor, me çdo një vit të kaluar liqenet bëhen gjithnjë e më të ndotura, kurse ndryshimet klimatike po kështu e ndërlikojnë situatën në pellgjet e ujit. Valentin Cvetkov tregon edhe për një iniciativë tjetër: "Parashikojmë me ndihmën e dhuruesve të botojmë një enciklopedi, e cila të mund të përfshijë sa më shumë liqene në Bullgari. Të ardhurat nga shitja përsëri do të shkojnë për fondacionin e grave, të cilat luftojnë me kancerin e gjirit. Kurse përmes vetë enciklopedisë duam të popullarizojmë natyrën e Bullgarisë. Veç kësaj ne e vëmë theksin mbi rrezikun nga ndotja dhe zhdukja e disa liqeneve.”

Përgatiti në shqip: Nataniela Vasileva

Foto: BulgarianLakesForOneOfEightFoundation dhe Gergana Mançeva

Më shumë nga rubrika

Parashutistët kanë se çfarë t’u tregojnë brezave të ardhshëm

Në Bullgari 18 tetor është Dita e Parashutistit Ushtarak. Sot mbushen 75 vjet pas ngjarjes, së cilës i është kushtuar kjo festë. Bëhet fjalë për “pagëzimin luftarak” të Batalionit të Parë të Parashutistëve më 18 tetor 1944 dhe për sulmin e pozicionit të..

botuar më 19-10-18 1.37.MD

Festa e gjellës më bullgare është në fshatin Smiljan

Një tas me gjellën e ngrohtë më karakteristike dhe të shijshme bullgare do të mbledhë në festën e Rodopeve adhuruesit e fasules së fshatit Smiljan. Edhe sikur të vijnë miq nga i gjithë vendi për çdonjërin do të ketë nga një tas nga specialiteti i cili e..

botuar më 19-10-17 2.02.MD

Inceneratori në Sofje ngre pyetje pa përgjigje të qarta

Djegia e mbetjeve në Sofje mendohet nga Komuna e Sofjes dhe “Ngrohja Qendrore Sofja” akoma që nga viti 2008. Që atëherë deri tani, bashkia nuk i ka parasysh zhvillimet pozitive në legjislacionin për menaxhimin e mbeturinave në Bashkimin Evropian, as në..

botuar më 19-10-14 5.11.MD