Me një sërë ngjarjesh shënojmë Ditën Botërore të Mjedisit në Bullgari

Autor:
Foto: arkiv

Ndotja e ajrit është tema kryesore e ngjarjeve të sivjetshme nga programi  i Ditës Botërore të Mjedisit-5 qershor. Sipas fjalëve të ministrit të ekologjisë Neno Dimov, në Bullgari ka përparim sa i përket luftës me ndotjen e ajrit. Sipas tij i gjithë rajoni verilindor  i vendit u përgjigjet normave për cilësi, kurse qytetet Dobriç, Varna dhe Devnja tanimë janë jashtë procedurës penale mbi këtë çështje, e cila na është imponuar nga Komisioni Evropian. Dimov mendon se akoma nuk mund të flitet për heqjen e saj të plotë, me qenë se 17 qytete tek ne, akoma nuk u përgjigjen standardeve, më në veçanti sa u përket grimcave fine të pluhurit.

Mbi 50 janë iniciativat në të gjithë Bullgarinë, me të cilat Ministria e Mjedisit dhe e Ujërave dhe strukturat e saj regjionale e shënojnë këtë ditë - ekspozita të pikturave për fëmijë, marshime me nxënës, stërvitje në lëmin e ekologjisë. Një aksent në programin e Ministrisë për 5 qershorin është ekspozita “Inovacione për cilësinë e ajrit”, organizuar bashkërisht me Bashkinë e Kryeqytetit, në të cilën kompani bullgare do të paraqesin vendimet e tyre inovative. Shfaqjet e ndryshme  të cilat kanë për qëllim të angazhojnë qytetarët me kauzën e rëndësishme sociale do të vazhdojnë deri më 12 qershor.

Parku Jugor në Sofje është mikpritës i festivalit ekologjik, organizuar nga Fondacioni “Shkenca për natyrën”. Demonstrata të ndryshme do të tregojnë sesi ajri i ndotur ndikon mbi jetën dhe shëndetin tonë dhe si të pakësojmë kontributin tonë personal ndaj ndotjes së tij. Çdo një i cili dëshiron mund të bëjë një analizë për të kuptuar nëse mushkëritë e tij funksionojnë normalisht. Ndotja e ajrit ka një ndikim të dëmshëm mbi natyrën, prandaj ekspertët do të japin mësime sesi t’i dallojmë pemët e sëmura dhe të drejtojmë sinjale deri tek institucionet kompetente. Për një diagnozë më të saktë të sëmundjeve është e domosdoshme një teknikë e specializuar sirezistografdhearbotom. Këto janë pajisje elektronike për studimin e gjendjes së pemëve të gjalla përmes sinjaleve të tingujve pa u shkelur tërësia e kores. Ato japin mundësi të përcaktohet gjithashtu ekzistenca e procesit të kalbjes  dhe aftësia e pemës për ta përballuar këtë problem.

Gjatë gjithë ditës organizata, të cilat merren me përdorimin e veshjeve të përdorura dhe me prodhime të tjera të tekstilit, do t’u tregojnë qytetarëve dhe miqve të kryeqytetit si t’u japin një jetë të re veshjeve dhe sendeve të tyre, pa e dëmtuar mjedisin ose cilësinë e ajrit.

5 qershori është shpallur Ditë Botërore e Mjedisit me vendimin e marrë në sesionin e 27 të Asamblesë së Përgjithshme të OKB-së në Stokholm më 15 dhjetor 1972, kur është miratuar dhe deklarata për mjedisin. Dokumenti është i njohur si marrëveshja e parë ndërkombëtare për parimet, mbi të cilat do të realizohet mbrojtja ekologjike e planetit. Në po këtë sesion është krijuar një organizatë e re në kuadrin e OKB-së - UNEP, nën patronazhin e së cilës organizohet dhe Dita Botërore e Mjedisit. Çdo vit më 5 qershor jepet dhe çmimi i OKB-së në fushën e mjedisit dhe të zhvillimit - Global 500. Mbajtës të tij deri në këtë moment janë kryeministra, ministra, politikanë dhe figura shoqërore të cilët kanë kontribuar për ruajtjen e mjedisit.

Përgatiti në shqip: Nataniela Vasileva

Më shumë nga rubrika

Nxënësit bullgarë janë ndër më të fortët në olimpiadat e shkencave natyrore

Sofia Tech Park është mikpritësi i nismës “Science Bricks – Shkencë me kauzë”. Qëllimi është që të popullarizohen arritjet e nxënësve bullgarë me medalje nga forumet ndërkombëtare të shkencave. Në një skenë prezantohen shkencëtarë prijës me shpikjet e..

botuar më 19-10-19 9.00.PD

Parashutistët kanë se çfarë t’u tregojnë brezave të ardhshëm

Në Bullgari 18 tetor është Dita e Parashutistit Ushtarak. Sot mbushen 75 vjet pas ngjarjes, së cilës i është kushtuar kjo festë. Bëhet fjalë për “pagëzimin luftarak” të Batalionit të Parë të Parashutistëve më 18 tetor 1944 dhe për sulmin e pozicionit të..

botuar më 19-10-18 1.37.MD

Festa e gjellës më bullgare është në fshatin Smiljan

Një tas me gjellën e ngrohtë më karakteristike dhe të shijshme bullgare do të mbledhë në festën e Rodopeve adhuruesit e fasules së fshatit Smiljan. Edhe sikur të vijnë miq nga i gjithë vendi për çdonjërin do të ketë nga një tas nga specialiteti i cili e..

botuar më 19-10-17 2.02.MD