Në qytetin Pomorie për vit të 16 të radhës në kuadrin e Festivalit Ndërkombëtar për Muzikë Ortodokse “Virgjëresha e Shenjtë”, u mblodhën qindra interpretues të talentuar nga Bullgaria, Serbia, Rusia, Moldavia, Ukraina dhe Holanda. Ngjarja zhvillohet nën patronazhin e Mitropolitit të qytetit të Slivenit Joanikij dhe kryetarit të komunës së qytetit Pomorie Ivan Aleksiev.

Në vazhdim të 5 ditëve – nga 7 deri më 11 qershor, 2019 në kishën “Lindja e Shenjtë e Virgjëreshës Mari”, dhe po kështu dhe në skenën e hapur, miqtë dhe banuesit e qytetit kanë mundësinë të shijojnë interpretimet e shkëlqyera solo dhe interpretimet korale të pjesëmarrësve në konkurs. Sipas traditës koret shkojnë dhe në Liturgjinë e Shenjtë të ditës së diel në disa nga kishat në krahinë: kishën e Pomories “Shpërfytyrimi i Zotit” dhe manastirin “Shën Gjergji”, kishën “Lartësimi i Shenjtë i Virgjëreshës Mëri” në qytetin Nesebër dhe kishat “Shën Mëri” dhe “Shenjtorët Kirill dhe Metodij” në qytetin Burgas.

Posaçërisht për këtë ngjarje në Pomorie është ikona çudibërëse e Virgjëreshës së Shenjtë-“E Denjë është” e cila është dhuratë për Kishën Ortodokse Bullgare nga murgjit në Malin e Shent të Greqisë. Ikona, e cila ruhet në kishën e kryeqytetit “Shën Aleksandër Nevski”, do të mbetet në qytetin detar nga data 7 deri më 11 qershor. Banuesit dhe miqtë e qytetit Pomorie mund të përkulen në shenjë nderi përpara saj në kishën “Lindja e Shenjtë e Virgjëreshës Mari”.