Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Shkupi është në pritje të caktimit të datës për fillimin e negociatave për anëtarësim në BE

Foto: BGNES

Kryeministri i Maqedonisë së Veriut Zoran Zaev deklaroi se në qoftë se BE-ja nuk i cakton Shkupit datë për fillimin e bisedimeve për aderim në BE kjo do të demotivojë edhe shtetet e tjera për të bërë reforma dhe do të inkurajojë rikthimin e nacionalistëve në pushtet. Projekti për rendin e ditës së mbledhjes së ardhshme të Këshillit Evropian gjatë muajit qershor nuk përfshin marrje vendimesh sa i përket datës së pritur për fillimin e bisedimeve. Sipas vlerësimit të BE-së është rimëkëmbur ndarja e autoriteteve në vend, janë forcuar demokracia dhe superioriteti i ligjit. Brukseli i lavdëron marrëveshjet dypalëshe me Bullgarinë dhe Greqinë, por nuk përmendet data e dëshiruar nga Shkupi. Me iniciativë të Polonisë ministrat e jashtëm të 13 vendeve nga Evropa Lindore ngulin këmbë që gjatë muajit qershor Këshilli Evropian të zbatojë premtimin e vet ndaj regjionit dhe të caktojë data për fillimin e negociatave të anëtarësimit me Maqedoninë e Veriut dhe me Shqipërinë, sepse nuk ka “Plan B” për regjionin e Ballkanit Perëndimor.


Heqje paraelektorale e kufizimeve buxhetore në Greqi

Foto: BGNES

Kryeministri grek Alexis Tsipras bëri të ditur se më 7 korrik do të zhvillohen zgjedhje parlamentare para afatit. Pas humbjes në zgjedhjet evropiane dhe në ato vendore më 26 maj partia në pushtet SIRIZA bëri të ditur se është për heqjen e kufizimeve buxhetore. Përveç pakësimit të TVSH-së në një sërë sektorësh, kthimit të pensionit të 13-të dhe zgjatjes së afatit të pagimit të taksave tatimore, premtohet hapje e vendeve të reja të punës, të cilat do të paguhen mirë nga buxheti, dhe sigurim i shkëlqyeshëm social. Kursi i ri ekonomik u quajt nga Tsipras “mbyllje e politikave të memorandumeve dhe të ekonomive të rrepta dhe realizim i një hapi përpara”. Komisioni Evropian kritikoi rikthimin e shpenzimeve të mëdha buxhetore dhe paralajmëroi se vetëm masat e fundit të aplikuara nga Tsipras, do t’u kushtojnë grekëve 1 për prej PBB-së së vendit.


Hashim Thaçi kërcënoi se do ta bashkojë Kosovën me Shqipërinë

Foto: president-ksgov.net

Samiti i planifikuar i liderëve të Gjermanisë, Francës, Serbisë dhe Kosovës për datën 1 korrik në kuadrin e Procesit të Berlinit nuk nuk do të zhvillohet, në qoftë se nuk anulohen taksat doganore të vendosura nga Prishtina ndaj mallrave serbe. Këtë e deklaroi Ministri serb i Punëve të Jashtme Ivica Daçiç. Presidenti i Kosovës Hashim Thaçi iu përgjigj se taksat doganore për mallrat serbe nuk do të hiqen derisa të mos arrihet në një marrëveshje përfundimtare dhe sqaroi se bëhet fjalë për njohjen e ndërsjellë me Beogradin, njohjen e Kosovës nga pesë vendet-anëtare të BE-së, të cilat nuk e kanë njohur pavarësinë e Kosovës deri tani, dhe anëtarësimin e shtetit të ri në OKB. Thaçi deklaroi se në rast të kundërt ka qëllim të shqyrtojë mundësinë për bashkimin me Shqipërinë.


A do të ketë qeveri të re në Rumani?

Foto: dnevnik.bg

Opozita në Bukuresht do të parashtrojë këtë javë kërkesë për mocion mosbesimi ndaj Parlamentit. Që të ndërrohet shumica, opozita ka nevojë vetëm për 22 vota suplementare. Pritet që ato të sigurohen nga përfaqësuesit etnikë dhe nga deputetët e Partisë Socialiste që kanë lëkundje. Që të tërheqë ish-bashkëpartiakët e vet, Kryeministri i dikurshëm i majtë Victor Ponta bëri të ditur se shef i qeverisë së ardhshme të përkohshme do të jetë ish-Kryeministri dhe eurodeputet i porsazgjedhur Mihai Tudose. Vetë Tudose deklaroi se është i gatshëm të flijohet dhe ta kryesojë qeverinë. Humbja në zgjedhjet evropiane nga pushtetarët dhe rezultati i anketës ndaj shtetasve rumunë, të cilët në referendum hodhën poshtë reformat e diskutueshme gjyqësore, vunë në pikëpyetje çështjen për të ardhmen e koalicionit qeveritar mes Partisë Socialdemokrate dhe Aleancës së Liberalëve dhe Demokratëve.


Erdoğan do ta bindë Trumpin se Turqia duhet të blejë C-400

Foto: aa.com.tr

SHBA-ja bëri të ditur se i jep Turqisë një afat deri në fund të korrikut, brenda të cilit ajo duhet të heqë dorë nga blerja e komplekseve të raketave C-400. Sipas Uashingtonit ato janë të papajtueshme me gjuajtësin e ri amerikan F-35, të cilin Ankaraja gjithashtu do që të blejë. PresidentiRecep Tayyip Erdoğan siguroi se nuk do të heqë dorë nga marrëveshja. Shpresa e liderit turk është që të arrijë kompormis në një takim personal me Presidentin Donald Trump në takimin G-20 në Osaka Në forum do të marrë pjesë edhe Presidenti rus Vladimir Putin.

Përpiloi: Ivo Ivanov

Përgatiti në shqip: Vesella Mançeva

Më shumë nga rubrika

Pijet probiotike dhe menuja kozmike - Shkencëtarët bullgarë zhvillojnë me sukses ushqimet e së ardhmes

Në vitin 1979, Bullgaria u bë vendi i tretë në botë, pas Bashkimit Sovjetik dhe SHBA-së, që krijon ushqime kozmike. "Ne kishim gjithçka në dispozicion - fruta, perime, supa dhe të gjitha llojet e shijshme. Një person atje lart nuk e ndjen se është i..

botuar më 24-04-18 7.15.PD
Kallojan Geshev

Një nxënës bullgar i klasës së shtatë është tre herë kampion në llogaritjen e shpejtësisë

Nxënësi i klasës së shtatë Kallojan Geshev nga shkolla e 125 e kryeqytetit "Bojan Penev" u bë tre herë kampion në llogaritjen e shpejtësisë. Ai fitoi vendin e parë në Olimpiadën e Llogaritjes Mendore, e cila u mbajt online. Kallojan shënoi 243..

botuar më 24-04-17 9.29.MD

Parlamenti Evropian i dha një “po” përfundimtare Paktit për Migracionin dhe Azilin

Pas vitesh debatesh dhe mosmarrëveshjesh, Parlamenti Evropian më në fund miratoi javën e kaluar Paktin për Migracionin dhe Azilin. Ai prezanton solidaritetin e detyrueshëm midis shteteve anëtare në rast të fluksit të migrantëve dhe trajtim të barabartë..

botuar më 24-04-17 5.45.MD