Një bukuroshe bionde me muskuj si shkëmb, kampione e artë në garat më të mëdha luftarake sportive nëpër botë dhe kohët e fundit dhe fituese në ringun profesional – Allbena Sitnillska mban në kraharor medalje sa për një skuadër të tërë sportistësh. Në historinë e saj personale të një luftuesi deri tani ka regjistruar 28 tituj evropian dhe 3 tituj botëror në disiplinat e veçanta në taekwondo, plus një botëror dhe dy evropiane në kickbox.

Si adoleshente dëshira e saj për t'u marrë me sport rastësisht e çon në sallën e sporteve luftarake."Taekwondoja më zgjodhi mua, pohon ajo dhe nuk e braktis sportin e madh tanimë 22 vjet. Takimi im i parë qe gjatë vitit 1998. Mamaja ime po kështu ishte e pranishme në publik dhe më tha: “Asnjëherë më nuk do të merresh me këtë sport, kjo nuk më pëlqen”. Por unë vazhdova dhe kështu deri më sot. Taekwondoja më pëlqeu akoma me hyrjen në sallë. Atëherë vajzat dhe djemtë nga klubi qenë kthyer nga një garë, patën fituar medalje dhe tregonin histori nga ringu. Dhe mua kjo më tërhoqi – kërkova që të provoj se cila është ndjenja, kur fiton."

Në ring kampionia frymëzohet me adrenalinë dhe me sfida, të cilat e detyrojnë që të ndihet e gjallë. Zgjedh linjën e luftëtarit për mënyrë të jetesës. Prandaj dhe e regjistron filozofinë e vet në një tatuazh të madh të një gruaje – samurai në njërën dorë.

"Vullneti, dëshira për fitim, mjeshtëria të nxjerrësh më të mirën nga vetja-mbase këto janë anët e mia të forta – mendon sportistja. Dhe kuptohet, cilësitë fizike, të cilat formohen gjatë viteve në stërvitje. Në qoftë se ke vullnet dhe zemër, kjo të ndihmon shumë, sepse vullneti për një fitore vjen nga zemra."

Pavarësisht nga situatat e rrezikshme në ring, Allbena Sitnillska sikurse dhe për një moment nuk ka menduar që të ndalojë. Trauma e saj më e rëndë e nxjerr nga radhët për një vit të tërë, me qenë se gjatë një kërcimi dëmton rëndë njërin gju. Por, sprova në sport është kompensuar nga një gëzim i madh në jetë – lindja e vajzës së saj Hristeja.

"Mendoj se jam një njeri i fortë - e di shumë mirë se çfarë dua dhe mundohem të japë çdo gjë nga vetja ime që të mund ta realizoj – është kategorike Allbena, e cila kthehet në mënyrë triumfale. Kurse për veten time kam dëgjuar gjëra të shumta, përfshi dhe “O, Zot çfarë krahësh ka kjo femër!” Mbase sepse me fizikun tim u krijojoj komplekse meshkujve.

Kohët e fundit Allbena paraqitet dhe në ringun profesional në kickbox, ku luajti dy ndeshje në kafaz dhe shënoi dy fitore në gala-mbrëmjet në bazë të rregullave të K1. Sportistja ka një marrëveshje dyvjeçare me vargun SFC - The Matrix, sipas së cilës duhet të luajë minimum akoma 4 ndeshje profesionale. Ndërkohë gjatë muajit gusht do të ketë dhe një kampionat botëror në taekwondo në qytetin Plovdiv.

"Medalja më e shtrenjtë për mua është medalja e parë e artë nga kampionati evropian – kthehet drejt fitoreve të saj më të mëdha kampionia. Gara u zhvillua në atdhe gjatë vitit 2004 dhe qe një gjë e jashtëzakonshme sepse euforia e publikut bullgar qe e madhe. Kurse medalja tjetër më e shtrenjtë për mua është ajo e artë nga kampionati botëror në kickbox gjatë vitit 2013. Mbase do të tingëllojë pak jo modeste, por në të nuk pata konkurrencë të madhe dhe shumë lehtë e fitova titullin, gjë e cila më detyron të besoj se mundem me sukses të garoj në këtë disiplinë, aq më tepër se kjo qe mezi gara ime e dytë ndërkombëtare."

Një nga ëndrrat e paarritura të Allbena Sitnillskës është të marrë pjesë në garë në olimpiadë. Por, kjo nuk varet prej saj, me qenë se disiplinat e saj akoma nuk kanë karakter olimpik. Aktualisht po zhvillohen bisedime që kickboxi të lejohet në këtë forum të madh sportiv. Por, a do ta shikojmë gruan më rrezikuese në botë akoma mot në Tokio, këtë do ta tregoj koha.

Përgatiti në shqip: Nataniela Vasileva