Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria është organizatore e Kongresit të Gjashtë Botëror të Agjencive të Informacionit

Maksim Minçev
Foto: arkiv

Më 13 qershor në Pallatin Kombëtar të Kulturës në Sofje fillon punimet Kongresi i Gjashtë Botëror i Agjencive të Informacionit. Brenda 3 ditëve – deri më 15 qershor, përfaqësues të më se 100 shteteve dhe më se 120 mediave  do të diskutojnë të ardhmen e lajmeve në kushtet e hapësirës së sotme mediatike. Kongresi organizohet nga Këshilli Botëror i Agjencive të paraqitur nga liderët më të mëdhenj të informacionit si Rojters, Asoshejtet Pres, Tajms, TASS, Frans Pres, Sinhua etj. Me ndihmën e Agjencisë Telegrafike Bullgare, programi i larmishëm i forumit parashikon që pjesëmarrësit jo vetëm të njihen me mediat bullgare, por edhe të takohen me përfaqësues të klasës politike bullgare, të realizojnë kontakte me shoqërinë bullgare dhe të njihen me folklorin, kulturën dhe traditat tona. Ditën e fundit parashikohet vizitë në Kryeqytetin Evropian të Kulturës – Pllovdiv.

Mendoj, që në se do të përfitojmë nga kjo veprimtari, do të jetë shumë mirë për shtetin – theksoi në një intervistë për Radion Kombëtare Bullgare Maksim Minçev, drejtor i përgjithshëm i Agjencisë Telegrafike Bullgare dhe shtoi: - Nga njëra anë është i përqendruar një vëmendje e madhe mediatike, ndërsa nga ana tjetër Bullgaria do të hyjë në informacione të shumta. E larmishme është paleta e pjesëmarrësve. Për mua është shumë interesant njeri prej miqve tanë – shkrimtari, gazetar dhe filozof me famë botërore Erik Uajnër (Eric Weiner). Vetëm në Bullgari librat e tij kanë një tirazh njëqindmijësh. Para të gjithë pjesëmarrësve ai do të flasë për gjeografinë e mençurisë.

Pritet pjesëmarrësit të diskutojnë zhvillimin e rrymës së informacionit. E ardhmja e tij lidhet me ndryshimet e mëdha strukturore dhe teknologjike në mediat – internet, rrjetet sociale, intelekti artificial. Ata kërcënojnë ekzistencën e vet profesionit të gazetarit – theksoi Maksim Minçev. Sipas tij mungesa e rregullave në hapësirën mediatike dhe interpretimi i lirë i informacionit mediatik janë shkak për lajme të rreme:

Pak ose shumë ato tema ishin dhe vazhdojnë të jenë objekt i shumë diskutimeve dhe i konferencave në Bullgari. Megjithëkëtë nuk mund të gjejmë përgjigjen e saktë të pyetjeve. Është e dukshme, që intelekti artificial është gati të hyjë në mediat. Personalisht unë mendoj se nuk jemi gati, sepse ai është një gjë e panjohur. Vitet e fundit jo vetëm gazetaria e agjencive me specifikën e saj, por tërë profesioni po ndryshohet. Ndryshohet tërë infrastruktura e mediave. Gjithçka është shumë dinamike dhe ngandonjëherë ndryshimet realizohen brenda një muaji, jo brenda dekadave, siç ishte më parë.

Sipas drejtorit të Agjencisë Telegrafike Bullgare, pas rënies së Murit të Berlinit filloi një deshtetëzim i mediave në mbarë Evropën dhe të parët të cilët alarmojnë, se ky është një qëndrim i gabuar janë vendet e Evropës Perëndimore.

Media publike ka vendin e vet, ndërsa në vendet tona nga Blloku i Lindjes media shoqërore është jashtëzakonisht e nevojshme për shoqërinë. Në se udhëhiqemi nga interesi tregtar, reklamat dhe ligjet e fitimit, mund të dalë, se kemi privuar nga mundësia të disponojmë informacion real për shkak të karakterit subjektiv të politikës private, tha në përfundim Maksim Minçev.

Adaptuar për Radio Bullgarinë: Darina Grigorova

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD