Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Forumi i rinisë në Sofje dalloi dhjetëra kompani të nxënësve dhe të studentëve

4
Foto: jabulgaria.org

Një garë e diskutueshme për vendet e para në kategoritë e ndryshme, propozoi forumi startup /fillestar/ i 11 i Rinisë “Yjet që po lindin”, organizuar nga dega bullgare e organizatës joqeveritare„Junior Achievment“në Sofje. 260 nxënës dhe studentë dhe mbi 150 kompani mësimore dhe startup morën pjesë në gara regjionale në vend. Sipas Rezultateve të tyre deri në finale arritën 35 kompani të nxënësve dhe 12 të studentëve. Ekipet e tyre prezantuan produkte të ndryshme teknologjike dhe teknologji të reja, të cilat lejojnë përdorimin e burimeve të ndryshme natyrore, me qëllim mbrojtjen e mjedisit. Emrat e kompanive të dalluara dhe më shumë për projektet e krijuara prej tyre mësojmë nga drejtoresha ekzekutive e “Junior Achievement Bulgaria” Milena Stojçeva:

Në vend të parë mes kompanive studentore është një ekip nga Universiteti i Sofjes, i cili quhet Bevine. Produkti i tyre është i lidhur me veprimtarinë e prodhuesve të verës, që lejon përmes censorëve, të vendosur në të mbjellat, të merret një informacion aktual për treguesit e tokës dhe të atmosferës. Mbi bazën e tyre, pronarët marrin rekomandime se kur dhe çfarë veprimesh të ndërmarrin, që të mund të ruhen të mbjellat. Në këtë mënyrë  do të shtohen prodhueshmëria dhe efikasiteti i prodhimit të verës dhe më e mira është se kompania mund të zhvillojë këtë produkt të vet dhe në tregje të tjera. Në bazë të këtij shkaku ato u zgjodhën të prezantohen  në garën ndërkombëtare të Junior Achievement, që do të zhvillohet në Norvegji në fund të këtij muaji.

Në vend të dytë klasifikohet edhe një startup studentor-aplikacion mobil, i cili lidh në mënyrë direkte shitësit dhe blerësit e pasurive të patundshme, gjë e cila mund të  krijojë më shumë mundësi për marrjen e shtëpive me qira. Kursehet agjenti ndërmjetës, si dhe garantohet përgjegjësi gjatë propozimit të këtij lloji i pronave në treg. Vendi i tretë në kategorinë "startup më i mirë studentor", i qe dhënë kompanisë The HUB Ground. Ajo është e krijuar prej studentëve nga Universiteti Amerikan në Bullgari dhe përbën platformë për gjetjen e punës për IT-specialistët. Ky është një problem shumë urgjent për t'u zgjidhur për tregun e punës dhe ata mund të jenë shumë të suksesshëm si në Bullgari, kështu dhe në vende të tjera nga Evropa. Komisionarja evropiane Maria Gabriel ia dha çmimin e Institutit Evropian për Inovacione EIT Raw Materials “Drejt inovacioneve dhe sipërmarrjes përmes lëndëve të papërpunuara dhe burimeve natyrore” një ekipi nga gjimnazi matematikor në qytetin Varna. Emri i tij është REZD dhe prodhon fije për 3D printer prej kapakëve të ricikluar. Në këtë kategori çmim inkurajues mori dhe ekipi Incendio nga qyteti Plovdiv, të cilët zunë vendin e parë tek startupet e nxënësve. Produkti i tyre është i lidhur me punimin e pjatave prej gjetheve të misrit, të cilat të mund të shpërbëhen. Produkti i tyre po kështu ka një potencial për zhvillimin ndërkombëtar dhe ata do ta prezantojnë Bullgarinë në garën ndërkombëtare në të gjitha startupet e nxënësve nga Evropa, që do të zhvillohet në Francë, nën patronazhin e presidentit francez  Emпanuel Makron.

Me forumin “Yjet që po lindin” “Junior Achievment” shënoi dy përvjetorë të rëndësishëm-100 vjet nga fillimi i programit “Kompania e të mësuarit” dhe 100 vjet nga krijimi i vet organizatës në Boston gjatë vitit 1919. Një shekull më vonë, organizata  nuk e shpërfill qëllimin e vet për të mbështetur zhvillimin e arsimit dhe të njerëzve të talentuar, të cilët kanë dëshirë të mbi ndërtojnë aftësitë e tyre në sfera të ndryshme.Organizata jonë po punon për imponimin e arsimit sipërmarrës, që përfshin mendimin, sjelljen, mjeshtëritë, e kompetencën e plotë-tha përpara Radio Bullgarisë  Milena Stojçeva dhe nënvizoi se, iniciativat e degës bullgare të organizatës, e krijuar gjatë vitit 1997, kanë dëshmuar efikasitetin e vet, kurse nxënësit pjesëmarrës në programet e tyre janë 30 000 në vit.

Foto: jabulgaria.org

Përgatiti në shqip: Nataniela Vasileva




Последвайте ни и в Google News Showcase, за да научите най-важното от деня!

Galeria

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD