Shtetet e Bashkuara të Amerikës zyrtarisht ia dorëzuan Ministrisë së Mbrojtjes projektmarrëveshjen për avionët luftarakë F-16. Pa përmendur çmimin konkret Ambasada amerikane në Sofje shprehu kënaqësinë e vet për shkak të punës së delegacionit bullgar gjatë negociatave. Kongresi i SHBA-së miratoi shitjen e 8 avionëve me pajisje të plotëF-16C/D Block 70/72, bashkë me aftësimin e pilotëve dhe stafit mirëmbajtës për shumën prej 1.673 mlrd dollarë. Sipas burimeve në Ministrinë e Mbrojtjes çmimi real i propozuar është midis 1,2 dhe 1,3 mlrd. dollarë, duke pasur parasysh se tavani i miratuar nga Kuvendi Popullor bullgar është 1,04 mlrd. dollarë. Për marrjen e vendimit përfundimtar dhe për finalizimin e negociatave Bullgaria ka akoma dy muaj dhe pas kësaj mund të lidhet marrëveshja që detyrimisht duhet miratuar nga parlamenti në Sofje.