Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festë e fluturave rreth ujëvarës Pollsko-Skakavishki

Një zhurmë e madhe e ujit i cili bie nga lartë, krahë të holla vallëzuese-natyra di sesi të bëjë shaka, duke treguar njëkohësisht fytyrën e egër si dhe atë ledhatuese. Rreth ujëvarës Pollsko-Skakavishki në Malin Zemen, ku është vendosur parajsa e fluturave, banuesit vendas dhe gjatë kësaj vere po përgatiten për festën e vet tradicionale. Që të mund të mbushin shqisat e veta me bukuri, por dhe të rikujtojnë sesa e rëndësishme është të ruajmë bukuritë natyrore rreth nesh.

Festa e fluturave do të mbledhë adhuruesit e natyrës bujare më 6 korrik në fshatin e rrethit të qytetit Kjustendill Pollska Skakavica, në territorin e të cilit gjendet ujëvara me të njëjtin emër. Legjenda tregon se në rrethet e saj 9 vjet ka jetuar i vetmuari Shën Ivan Rillski. Studiuesi i historisë bullgare Konstantin Iriçek e ka konsideruar si një nga vendet më të bukura në Ballkan, kurse piktori Vlladimir Dimitrov-Mjeshtri e ka përjetësuar në pikturat e tij.

"Ujërat e saj derdhen në rreth 50 metra thellësi dhe ajo është një nga dhjetë ujëvarat më të larta bullgare - tregon Neli Petkova nga drejtoria “Arsim” në bashkinë Kjustendill.


Me kalimin e kohës pjesa më e madhe e ujëvarave pakësojnë lartësinë e vet, por kjo nuk është karakteristike për Pollsko-Skakavishkin. Kjo ujëvarë është e vetmja tek ne e cila ngrihet për shkak të gurit të shumtë gëlqeror në ujë. Mbi tarracën e fenomenit natyror është e vendosur mëhalla “Vodopada” /ujëvara/ e fshatit Pollska Skakavica, kurse në një afërsi të madhe me rënien e ujit gjendet kisha ortodokse “Shën Dhimitri”.

Festa e fluturave do të hapet në orën 9.00 në mëngjes në oborrin e shkollës së dikurshme me pjesëmarrjen e fëmijëve nga bashkia Kjustendill.

Ata dëfrejnë me rregullimin e renditjes së pikturave të bëra me kapakë shumëngjyrësh nga butilet prej plastmase, do të tërhiqen me litar, do të kërcejnë të futur në thasë. Kurse marshimi i organizuar nëpër rrugicën ekologjike do të çojë deri në ujëvarë ata të cilët duan të shikojnë stuhinë e ujit. Në drekë do të fillojë pjesa më atraktive e festës-Karnavali i fluturave, në të cilin fëmijët do të parakalojnë me kostume dhe më të bukurit mes tyre do të dekorohen me dekorata. Janë parashikuar po kështu dhe lojëra me një karakter arsimor, do të prezantohen zanatet punim të byzylykëve dhe të shportave, kurse klubet e zyrës malore-shpëtimtare, të klubit ujor dhe të Kryqit të Kuq do të demonstrojnë veprimtarinë e vet. Në fund do të ekzekutojë rok-grupi “Rësti string”. Bashkë me gjendjen shpirtërore festive, njerëzit mbase do t'i transmetojnë njëri-tjetrit dhe mesazhin të ruajnë trashëgiminë natyrore si dhe traditat në rajon.

"Përveç me flutura, rajoni është i pasur dhe me lloje të ndryshme bimore dhe peshqish - tregon akoma Neli Petkova. Qindra bimë janë karakteristike vetëm për këtë vendbanim dhe disa prej tyre janë  mbrojtur, përfshi dhe orkidetë. Këtu është shumë bukur në periudhën e pranverës-atëherë lulëzojnë jargavanët dhe ujëvara kthehet në një pjesë nga parajsa. Këtu po kështu është dhe vendi i vetëm, ku takohen 5 lloje të dallëndysheve. Por, një njohje më të madhe kanë fluturat-mbi 600 lloje flutura nate dhe mbi 150 lloj flutura ditore. Të njohura janë Poliksena, bishti i dallëndyshes, gjysmëhëna e verdhë, syri bojë rozë i palloit, syri i madh i natës i palloit dhe shumë të tjerë. Është me rëndësi të dihet se fluturat përdorin për ushqim lloje të caktuara bimësh. Prandaj dhe ruajtja e kësaj bukurie varet nga të gjithë ne, njerëzit, sepse në qoftë se zhduken bimët, do të zhduken dhe fluturat."

Mund të vini në festë me tren ose me automobil dhe pas kësaj në këmbë. Kalimi nuk është i vështirë, sepse ka rrugica ekologjike të rinovuara me tabela për udhëzim. Rajoni është i përshtatshëm dhe për njerëz në një gjendje të pabarabartë.

Përgatiti në shqip: Nataniela Vasileva

Foto: facebook.com/peperudifest, arkiv dhe Irina Skenderska


Последвайте ни и в Google News Showcase, за да научите най-важното от деня!

Më shumë nga rubrika

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD

Qeveria ndau fonde për komunitetet bullgare në regjion

Këshilli i Ministrave miratoi dhe ndau fonde deri në 2 100 000 leva në kuadër të Programit për të mbështetur organizatat e komuniteteve bullgare në Shqipëri, Serbi, Kasovë, Ukrainë dhe Moldavi dhe për qytetarët e Republikës së Maqedonisë së Veriut..

botuar më 24-03-27 4.49.MD