Pllamen Bonev: “Gjërat më të mira në jetë janë fare të zakonshme”

Foto: arkiv personal

“Më shkohet në det” - kështu titullohet kënga, të cilën Pllamen Bonevi dhe ShakaZuluOrchestra incizuan para pak kohe. Shumë e hareshme, e gëzuar dhe verore, me shumë optimizëm dhe jo në vend të fundit-e bërë në mënyrë profesionale, ajo tanimë po fiton popullaritet. Ja se çfarë tregon këngëtari pop për incizimin e tij të ri, si dhe për jetën e tij midis Londrës dhe Finlandës.

Mendoj se titulli thotë çdo gjë “Më shkohet në det”. Minko Llambov /lider i ShakaZuluOrchestra/ është autor i muzikës dhe i aranzhimit, teksti është i imi. Minko dhe kitaristi  Angjell Demirev janë muzikantë të shkëlqyer, më pëlqen të punoj me ta. Aktualisht jetoj më shumë në Skandinavi, këndoj nëpër anijet, kurse pas pjesëmarrjes sime në “Zërin e Finlandës” gjithnjë e më shpesh kam angazhime dhe “nga toka”. Kjo garë qe një përjetim unikal. Mentori im qe Michael Monroe –muzikant i famshëm në stilin rok. Mund të shikoni videot në VMO, aty jam nën emrin Plamen De La Bona. Doja që të ndërtoj pamjen e një njeriu, i cili vjen nga një vend i ngrohtë, me shumë diell dhe njerëz të gëzuar e të hapur. Jam i kënaqur nga prezantimi im-arrita deri tek çerekfinalet, grumbullova përvojë, tani jam më i njohur për publikun aty. Përpara kësaj në Londër po kështu merresha më muzikë. Në fillim të mijëvjeçarit shkova aty bashkë me një pjesë nga grupi bullgar “Dialog”. Kaluan disa vjet derisa “gjetëm veten”. Atëherë aty nuk kishte dhe kaq bullgarë, por dhe vendi ynë nuk qe akoma në Bashkimin Evropian. Në kryeqytetin britanik përfundova mjeshtëri prej aktori dhe 8 vjet u fotografova aktivisht-role të vogla në filma të mëdhenj (si “Hari Potër”, “Xhejms Bond”) si dhe role të mëdha në filma të vegjël. Pata kënaqësinë të ekzekutoj me banda të njohura angleze, kurse në “Dialog” ekzekutonim bashkë me muzikantë anglez, vizituam mjaft skena evropiane –në Spanjë, në Itali, Rusi....

Gjatë viteve të fundit këngëtari pop gjithnjë e më shpesh krijon projekte për skenën muzikore vendase. Mes tyre është dueti i tij me Zhana Bergendorf  TheyCan’tTouchUs. Pllamen tregoi po kështu dhe për vitet e tij të kaluara në Bullgari. Pavarësisht se ka lindur në qytetin Çirpan, ai rritet në qytetin Kërxhali. Aty disa vjet është solist në korin e shkollës, merr pjesë në rok bandë, kurse në moshën 15 vjeçe themelon grupin e vet të parë. Pas kësaj studion ekonomi në qytetin Plovdiv. Nuk e di se përse mësova pikërisht në këtë degë, por në qytet takova djemtë, me të cilët bëmë një grup-tregon ai. Në fillim të viteve 90 të shekullit të 20 ky grup zhvillon koncerte nëpër vend, fiton dekorata për interpretues të rinj. Pas kazermës Pllamen bashkohet ndaj grupit “Dialog”. Vite më vonë është dhe pjesëmarrja e tij e parë në një format të madh muzikor- X Factori anglez. Kjo është një farë përgatitjeje për prezantimin e suksesshëm në Finlandë.

Kuptohet se do të doja të shpërndaj këngën time të re dhe në Finlandë, por ajo është në gjuhën bullgare, kurse tema është shumë tipike bullgare - shprehja “ Më shkohet në det” për ne është simbol i lirisë, i gëzimit nga takimi me natyrën. Kurse vendi ynë ka kaq pasuri natyrore, në shumë pak vende mund t'ia vësh çelësin makinës dhe për disa orë të ndodhesh në det, në mal...Tani flitet shumë se nëpër bregdetin e Detit të Zi nuk ka njerëz, por unë dua që të mund ta vë theksin mbi gjërat e mira. I tillë është dhe teksti i këngës - dua që njerëzit kur ta dëgjojnë, të buzëqeshin, t'i përmbush me mendime pozitive, të mund të lëshojnë diellin në jetën e tyre. Shpresoj se kur njeriu mendon pozitivisht, tërheq ndryshime pozitive.

Përgatiti në shqip: Nataniela Vasileva


Më shumë nga rubrika

Një festival i ri i tërheq fansat e muzikës rok në parkun qytetit Çellopesh

Regjisori dhe deputeti evropian Andrej Sllabakov dhe ish-kryetari i bashkisë së qytetit detar Kavarna, Conko Conev janë organizatorët e një rok-festivali të ri. Ai do të zhvillohet më 9 dhe 10 gusht në parkun “Korminesh”, me ndihmën e bashkisë..

botuar më 19-08-09 4.05.MD

Kori i fëmijëve nga Ruse fitoi medalje dhe vëmendjen e publikut në Itali

Kori i fëmijëve nga Ruse “Shën Gjergji Fitimprurësi” mbaroi me sukses stinën me pjesëmarrjen e tij në konkursin koral “Seghizzi”, në qytetin italian Gorizia. Edicioni i 58 i forumit u zhvillua në disa kategori të ndryshme, ndërsa kori bullgar u..

botuar më 19-08-03 8.00.PD

Groovy Jazz – një album i përbashkët i Dimitër Karamfillovit dhe Petër Georgievit

Albumi Groovy Jazz i dy instrumentistëve të njohur bullgarë të stilit xhaz – Dimitër Karamfillov – kontrabas dhe Petër Georgiev – kitarë, tashmë është në tregun muzikor dhe i ka adhuruesit e vet. Dimitër Karamfillov ka filluar të merret me..

botuar më 19-08-01 11.39.PD