Ndërhyrja e hakerëve në Agjencinë Kombëtare të të Ardhurve prapë ngjall shqetësim për sigurinë kibernetike të Bullgarisë

Foto: dnevnik.bg
Më 15 korrik nga një sajt me bazë jashtë shtetit mediat dhe institucionet shtetërore në Bullgari mësuan, se ndonjëri kishte hyrë në bazën e të dhënave të Agjencisë Kombëtare të të Ardhurve pa kuptuar asnjëri. Një burrë anonim, i cili u prezantua si rus, tha ditën tjetër para një televizioni, se ai është autor i kësaj ndërhyrjeje, por zëdhënësi i agjencisë e përgënjeshtroi. Nga Drejtoria Kryesore “Luftë me krimin e organizuar” njoftuan, se për sulmin e hakerit u arrestua një nëpunës së një kompanie bullgare të sigurisë kibernetike. Autoritetet nuk njoftojnë më shumë hollësi, sepse hetimi është në fillim. Veprimet e tyre tregojnë se janë të shqetësuar seriozisht për sigurinë kibernetike të Bullgarisë.
Dhe ky shqetësim është me bazë.

Gjatë gushtit të vitit 2018 u dështua Regjistri Tregtar. Në vitin 2015 në kohën e zgjedhjeve lokale u kryen sulme kibernetike kundër sajteve të Komisionit Qendror Zgjedhor, Ministrisë së Punëve të Brendshme dhe disa institucioneve të tjera. Rastet janë të ndryshme, por e gjithë kjo vjen të shtrohet pyetja, a janë mjaftë të mbrojtura institucionet shtetërore, regjistrat, shërbimet elektronike. Edhe shteti i bën vetes këtë pyetje, në se gjykojmë nga një deklarate e ministrit të punëve të brendshme Mlladen Marinov, sipas se cilës sulmi i fundit kundër Agjencisë Kombëtare të të Ardhurve duhet të jetë si një llambë e kuqe për të gjitha sistemet e mëdha administrative të shtetit. Ministri i financave Vlladisllav Goranov siguroi në parlament, se informacioni në bazën e të dhënave të Agjencisë Kombëtare të të Ardhurve është e mbrojtur, por kërkoi falje nga të gjithë të prekurit nga sulmi i fundit i hakerëve. Sipas ministrit të brendshëm u hapën fajlla që përmbajnë të dhënat e qindra mijë shtetasve bullgarë, emrat e tyre, numrat e tyre të unifikuar civil, si dhe emrat e firmave bullgare me kodet e tyre unike të identifikimit. Lidhur me këtë kryeministri thirri një mbledhje të jashtëzakonshme të Këshillit të Sigurimit pranë Këshillit të Ministrave, vendimet e të cilit janë të detyrueshme.

Për shqetësimin e pushtetarëve mund të gjykojmë edhe nga hapat e tjerë të qeverisë. Bullgaria kërkoi ndihmë nga Komisioni Evropian dhe nga Dikasteri Evropian i Sulmeve Kibernetike. Për incidentin u informua edhe komisionaria evropiane Marija Gabriell, e cila përgjigjet për digjitalizimin. Qeveria pret ndihmë të plotë nga Qendra Evropiane për Siguri Kibernetike, që ndodhet në Greqi.
Reagimet e ekspertëve janë kontradiktore. Disa thonë se ky është “IT Çernobili”, të tjerë përkrahin qëndrimin e Ministrisë së Financave, se “të dhënat e shpallura nuk janë të rëndësishme”, të tretë – se sulme të tilla kryhen me njerëz nga brenda. Kishte të tillë të cilët komentuan para Radios Kombëtare Bullgare, se ndërhyrje të tilla të hakerëve kryhen çdo ditë në botë dhe megjithëqë ky është sulmi i parë me përmasa aq të mëdha në Bullgari, në fund të fundit bëhet fjalë për një “situatë standarde”.
Zëdhënësi i Agjencisë Rosen Bëçvarov tha, se porositësit e krimit janë bullgarë, gjë për të cilën në etapën e tanishme nuk ka të dhëna. Dhe në se autoritet do të arrijnë të arrestojnë fajtorët atëherë të pësuarit do të jenë në gjendje të padisin kryerësit konkretë, jo shtetin.
 
Përgatiti në shqip: Svetllana Dimitrova


Më shumë nga rubrika

Bullgari është më tepër konservator dhe jo njeri i ekstremeve

Në fillim të fushatës paraelektorale për zgjedhjet vendore më 27 tetor tema për qëndrimet e qytetarëve bullgarë ndaj ngjarjeve në shoqëri është ndër më aktualet. Bullgari ka qëndrime më tepër konservatore, tregon një studim i Institutit për Studimet..

botuar më 19-09-27 4.49.MD

Duke shkruar në gjuhë të huaja, ne respektojmë identitetin e popujve të tjerë

Dita evropiane e gjuhëve, të cilën ne e kremtojmë çdo vit më 26 shtator që nga fillimi i shekullit është arsyeja që të bisedojmë me kolegët tanë nga redaksitë e gjuhëve të huaja të Radio Bullgarisë për domosdoshmërinë nga larmia gjuhësore. Sajti..

botuar më 19-09-26 3.45.MD

Lidhja „adoptuesi – i birësuari“ është në qendrën e vëmendjes së institucioneve sociale

Raporti ndërmjet numrit të të birësuarve dhe atij të fëmijëve të braktisur nga prindërit е tyre tek ne mbetet pothuaj pa ndryshim gjatë viteve dhe kjo është një shenjë për këtë se sistemi për zgjedhjen e familjeve që aplikojnë për adoptim ka nevojë për..

botuar më 19-09-25 3.18.MD