Një platformë interneti do të parandalojë standardin e dyfishtë në dërgimin e punëtorëve me shërbim

Foto: eu-watchdog.com

Para më shumë se një viti Parlamenti Evropian ndryshoi rregullat për kompanitë e Evropës Lindore, të cilat dërgojnë me shërbim punëtorët e tyre në vendet e Evropës Perëndimore. Arsyet për këtë ndryshim u bënë standardi i dyfishtë në pagimin e punës në dëm të punëtorëve dhe ulja artificiale e kostos së punës në shtetin-mikpritës. Sipas rregullave të reja kur punëdhënësit dërgojnë nëpunësit e tyre në ndonjë shtet tjetër evropian, ata duhet t’i sigurojnë të ardhura të barabarta me ato për punën analogjike në vendin mikpritës.

Përveç kësaj shpenzimet për udhëtim dhe akomodim duhet të jenë në llogari të punëdhënësit, i cili është detyruar të sigurojë gjithashtu kushte të përshtatshme për akomodim në përputhje me legjislacionin përkatës kombëtar. Periudha, në të cilën punëtorët mund të punojnë sipas këtyre kushteve është 12 muaj dhe ky afat mund të zgjatet me akoma 6 muaj. Pastaj punëtori mund të mbetet në vendin mikpritës, por vetëm sipas kushtet e legjislacionit vendor.

Për të ndihmuar implementimin e rregullave të reja ishte krijuar platforma “WATCHDOG” për kontroll dhe monitorim të proceseve të lidhura me dërgimin me shërbim të punëtorëve në territorin e Bashkimit Evropian”. Sipas kryetarit të komisionit për punën dhe politikën sociale dhe demografike pranë Kuvendit Popullor Hasan Ademov është me rëndësi të madhe “që niveli i pagimit të punës në kuadrin e BE-së t’i përgjigjet kualifikimit dhe arsimit të domosdoshëm për punën përkatëse”.

“Në se të gjitha palat e interesuara si Inspektorati i Përgjithshëm i Punës, institucionet shtetërore dhe sindikatat krijojnë mekanizma të sigurta dhe legale për kontroll, kjo do të thotë se të drejtat e punëtorëve të dërguar me shërbim do të jenë të garantuara. Nga kjo pikëpamje platforma në fjalë është një hap i madh në drejtim të zgjidhjes së këtij problemi”.

Për krijimin e platformës kanë bashkëpunuar Konfederata e Punës “Podkrepa”, nëntë shtete-anëtare të BE-së, partnerë socialë dhe institucione shkencore nga Danimarka, Qiproja, Letonia, Rumania, Çekia, Sllovakia, Spanja, Italia, Bullgaria.

Sipas fjalëve të presidentit të Konfederatës së Punës “Podkrepa” Dimitër Manolov: Njerëzit, të cilët dalin jashtë shtetit të tyre për të kërkuar punë, është mirë që të dinë se cilat janë të drejtat e tyre në vendin, ku do të punojnë. Kur tashmë ndodhin në vendin e huaj dhe nuk kanë informacione të mjaftueshme, apo në se mendojnë se të drejtat e tyre janë të shkelura, ata do të disponojnë me instrumentin e përshtatshëm, me të cilin mund të kërkojnë të drejtat e tyre. Për këtë arsye me rëndësi të madhe është partneriteti ynë me Inspektoratin e Përgjithshëm të Punës”.

Aktualisht platforma ndodhet në sajtet e organizatave që kanë bashkëpunuar në partneritet, duke përfshiri Konfederatën e Punës “Podkrepa” dhe do t’i ofrohet për përdorim falas Inspektoratit të Përgjithshëm të Punës. Është krijuar dhe një faqe në internet, e cila do të ndihmojë komunikimin me njerëzit.

“Kjo është një platformë e hapur, e cila nuk ka mekanizma rënduese për identifikim gjatë përdorimit të saj. – shpjegoi drejtuesi i projektit nga ana e Konfederatës së Punës “Podkrepa” Todor Kaçkov – Tashmë ka akses të lirë në të dhe qëllimi ynë është që gjithnjë e më shumë njerëz të kuptojnë për ekzistencën e saj. Aktualisht ajo është vetëm në gjuhën angleze, por ne jemi angazhuar me përkthimin e saj në bullgarisht, çekisht, sllovakisht, letonisht dhe në gjuhët e tjera të vendeve-partnere. Procesi i shtimit të gjuhëve në të ndoshta do të vazhdojë një vit për shkak të vëllimit të madh të informacionit. Qëllimi është që në se punëtori ka ndonjë problem, të kërkojë konsultim dhe ndihmë. Me Inspektoratin e Përgjithshëm të Punës po hartojmë marrëveshje kornizë për bashkëpunim, në të cilën po kërkojmë mekanizma për reagim të shpejtë nga ana e Inspektoratit. Pavarësisht se në qendrën e vëmendjes të kësaj platforme janë punëtorët e dërguar me shërbim, atë mund ta përdorin dhe të gjithë shtetasit bullgarë, të cilët punojnë në territorin e Bashkimit Evropian. Ka nevojë për mbështetje më të madhe për punëtorin bullgar, i cili punon jashtë vendit, ai duhet të dijë se shteti bullgar dhe organizatat e sindikatave do të mbrojnë të drejtat e tij”.

Përgatiti në shqip: Jordanka Ivanova

Më shumë nga rubrika

Foto: EPA/BGNES

Ngjarjet me adresë ballkanike

Mogherini: BE-ja bëri një gabim historik duke mos i filluar negociatat me Tiranën dhe Shkupin Përfaqësuesja e tanishme e Lartë e Bashkimit Evropian për Punët e Jashtme dhe Politikën e Sigurisë Federica Mogherini komentoi se liderët e Bashkësisë..

botuar më 19-10-21 2.16.MD

Nxënësit bullgarë janë ndër më të fortët në olimpiadat e shkencave natyrore

Sofia Tech Park është mikpritësi i nismës “Science Bricks – Shkencë me kauzë”. Qëllimi është që të popullarizohen arritjet e nxënësve bullgarë me medalje nga forumet ndërkombëtare të shkencave. Në një skenë prezantohen shkencëtarë prijës me shpikjet e..

botuar më 19-10-19 9.00.PD

Parashutistët kanë se çfarë t’u tregojnë brezave të ardhshëm

Në Bullgari 18 tetor është Dita e Parashutistit Ushtarak. Sot mbushen 75 vjet pas ngjarjes, së cilës i është kushtuar kjo festë. Bëhet fjalë për “pagëzimin luftarak” të Batalionit të Parë të Parashutistëve më 18 tetor 1944 dhe për sulmin e pozicionit të..

botuar më 19-10-18 1.37.MD