“Versioni Akustik” me një program të ri

Hristo Jocov: “Versioni” është në moshën e pjekur dhe gëzimi nga krijimi i muzikës është gjëja më e rëndësishme për ne

Më 10 tetor trioja e muzikës xhaz “Versioni Akustik” (“Akustiçna Versija”) paraqet programin e saj të ri të përgatitur posaçërisht për festivalin ndërkombëtar të xhazit “Nishvil” – Serbi. Koncerti është në Sofia Live Club.

Antoni Donçev (piano) dhe Hristo Jocov (bateri) rrallë gjejnë kohë për të interpretuar muzikë së bashku, megjithëse “Versioni” është projekti i parë i suksesshëm i muzikës xhaz edhe për dy muzikantët. Gjatë vitit 1985 grupi i sapoformuar u bë formacioni i parë i cili fitoi çmimin e parë në Jazz Hoeilaart të Belgjikës – ndoshta konkursi më i autoritetshëm evropian për interpretues të muzikës së stilit xhaz. Që vitin tjetër konkursi i i njohur European Jazz Competition në Leverkusen të Gjermanisë e dekoroi duetin me Grand Prix dhe me titullin “Artistë të xhazit për vitin 1986”. Pak pas fillimit në formacion u përfshi Georgi Donçev – kontrabas. Edhe sot “Versioni Akustik” është trio, megjithëse Antoni dhe Hristo bashkëpunojnë me disa artistë. Më 10 tetor bashkë me ta do të shfaqet në skenë dhe Boris Taslev.

“Albumi i fundit i “Versionit” ishte “Time In Time Out”. E promovuam në vitin 2015 – na rikujtoi Hristo Jocov. – Siç dihet grupi nuk ka shfaqje çdo ditë, prandaj çdo një koncert yni është një ngjarje e madhe. Gjatë gushtit të këtij viti Ivan Bllagoeviç – drejtori artistik, “zemra” e “Nishvilit”, na ftoipër të ekzekutuar së bashku me të në festival. Desha të shënoj se programi kryesor i këtij forumi prestigjioz është shumë serioz. Ai prezantohet në dy skena dhe atje mund të dëgjoni yje shumë të mëdha. Shkasi për këtë ftesë ishte se ne kishim shfaqje në edicionin e parë të festivalit. Atëherë ishte lufta, embargoja në Jugosllavi, por artistët bullgarë e përkrahën ngjarjen. Tani programi ynë është krejt i ndryshëm. Do t’i prezantojmë pjesët tona të reja në Sofje dhe një javë më vonë, më 17 tetor, do të jemi në Klubin e Plovdivit “Bee Bop Café“. Si zakonisht autorët jemi unë dhe Toni. Muzika i përgjigjet stilit tipik të grupit. Mendoj se ai nuk duhet ndryshuar, sepse kjo që ne bëmë në vitet 1984-1985 e përvijoi drejtimin. Siç dihet grupi ynë ka përgatitur shumë basistë, të cilët pas stazhit te ne u nisën për në SHBA. Tani kemi “gjak të freskët” në trio. Punojmë me një muzikant të jashtëzakonshëm – Boris Taslev. Tashmë nuk i numëroj vitet e “Versionit”, por e di se ai është në moshën e pjekur dhe urtësia, qetësia dhe gëzimi nga krijimi i muzikës është gjëja më e rëndësishme. Si e zgjodhëm emrin? Me sa e mbaj mend ideja ishte e Antonit. E krijuam formacionin kur kishte “bum” të muzikës elektronike, të stileve “fusion”. Mirëpo, ne nuk kishim mundësi për të marrë vegla të tilla muzikore. Duke e kërkuar emrin e grupit, vendosëm se ai duhet të “flasë” se ne jemi antipod i “valës elektronike”, e cila në atë moment ishte përhapur në mbarë botën. Fillimi ishte kaq i fuqishëm se e caktoi përgjithmonë filozofinë e grupit. Pavarësisht se kemi shfaqje të rralla me Antonin në skenë ne kemi një partneritet të jashtëzakonshëm. Madje nuk ka nevojë të ekzekutojmë muzikë të kompozuar. Po të ketë njeri të tretë, atëherë situata ndryshon, por kur jemi ne të dy mund të interpretojmë muzikë në një mënyrë krejt spontane. E kemi bërë shumë herë. Ne jemi binjakë astralë dhe “uniteti muzikor” nuk prishet kurrë."

Përgatiti në shqip: Vesella Mançeva

Më shumë nga rubrika

Todor Bakardjiev: “Pjesëmarrja dhe çmimi i festivalit në Sinsinati janë një frymëzim i madh për ne”

Para disa ditësh në qytetin Sinsinati (SHBA) mbaroi edicioni i parë i Cincinnati Public Schools International Jazz Festival.Bashkë me orkestra nga 22 shkolla nga SHBA-ja mori pjesë gjithashtu Xhaz-Bendi i Shkollës Muzikore Kombëtare “Ljubomir Pipkov” me..

botuar më 19-10-17 12.18.MD

Teatri Operistik i Stara Zagorës para publikut të Sofjes – pas premierës në Itali dhe para fillimit të sezonit të ri

“Jemi të lumtur se kemi mundësi të realizojnë shfaqje aq interesante. Falënderojmë bashkinë e Stara Zagorës dhe Ministrinë e Kulturës për përkrahjen e vazhdueshme” – këto janë fjalët e drejtorit të Teatrit Operistik të qytetit Stara Zagora –..

botuar më 19-10-13 9.00.PD

“Zografi Zahari” dhe disa premiera në Teatrin Operistik të Sofjes

Teatri Operistik i Sofjes e hap stinën e vet të re me premierën e operës “Zografi Zahari” të kompozitorit Marin Goleminovi në bazë të libretit të Pavell Spasovit. Shfaqjet janë dy – më 11 dhe 13 tetor. Mbase nuk do të mund të përfshijmë që të gjitha temat..

botuar më 19-10-11 1.33.MD