Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Shqipëria, Serbia dhe Maqedonia e Veriut janë duke u përgatitur për një “Shengen të vogël”

Foto: EPA/BGNES

Në Novi Sad Presidenti i Serbisë Aleksandër Vuçiç dhe kryeministrat e Maqedonisë së Veriut dhe të Shqipërisë Zoran Zaev dhe Edi Rama u morën vesh për lehtësimin e kushteve të udhëtimit të qytetarëve të shteteve të tyre, si dhe për lehtësim të tregtisë së mallrave mes tyre. Plani, i cili u bë i njohur si “Shengeni i Vogël”, duhet të hyjë në fuqi deri në vitin 2021. Sipas tij shtetasit e tri vendeve do të kalojnë përmes kufijve vetëm me kartë identiteti. Hapja e kufijve synon të stimulojë zhvillimin ekonomik të Ballkanit pa pasur kundërshtime me BE-në, ku kanë qëllim të anëtarësojnë edhe të tria shtetet. Serbia tashmë është duke zhvilluar negociata, ndërsa Shkupi dhe Tirana janë në pritje të vendimit të Brukselit për fillimin e procesit. Takimi tjetër i tre liderëve është më 10 nëntor në Ohër. Atëherë edhe shtete të tjera ballkanike do të marrin ftesë për t’u përfshirë në këtë plan.


Jens Stoltenberg: Nuk komentohet tërheqja e Turqisë nga NATO-ja

Foto: EPA/BGNES

Çështja për tërheqjen e Turqisë nga NATO-ja nuk është komentuar, deklaroi sekretari i përgjithshëm i Aleancës Jens Stoltenberg. Gjatë vizitës së vet në Ankara ai bisedoi me Presidentin Recep Tayyip Erdoğan dhe me ministrat e punëve të jashtme dhe të mbrojtjes Mevlüt Çavuşoğlu dhe Hulusi Akar. Në një konferencë të përbashkët për shtyp me Çavuşoğlu Stoltenberg shprehu shqetësim me rastin e operacionit ushtarak turk, i cili po zhvillohet në Sirinë e Veriut dhe për rrezikun e destabilizimit të regjionit. “Është e vërtetë se ndër anëtarët e NATO-s nuk ka unitet sa i përket situatës në Siri, por Turqia ka të drejtën të jetë e shqetësuar për sigurinë e vet. Turqia bën shumë në kuadrin e NATO-s dhe kontributi i saj në veprimtarinë e organizatës është i konsiderueshëm. Ne edhe në të ardhmen do të vazhdojmë ta përkrahim Turqinë në sigurimin e sistemeve të saj për mbrojtje kundërajrore”, deklaroi Stoltenberg. Në të njëjtën kohë liderët evropianë ngulin këmbë për ndërprerjen e menjëhershme të ofensivës turke në Siri.


Qeveria rumune ra pas një mocioni mosbesimi

Foto: EPA/BGNES

Një mocion mosbesimi rrëzoi qeverinë rumune të Viorica Dăncilă me 238vota “pro” dhe vetëm 4 “kundër”. Kjo është goditja e radhës kundër partisë së socialdemokratëve, pasi lideri i tyre Liviu Dragnea u dërgua në burg, ndërsa oferta e tyre për eurokomisioner – Rovana Plumb, u refuzua. Mirëpo, Dăncilă bëri të ditur se do të mbetet në krye të partisë dhe do të marrë pjesë në zgjedhjet presidenciale, të cilat do të zhvillohem pas një muaji. Presidenti i Rumanisë Klaus Johannis tashmë filloi konsultime me partitë e paraqitura në Parlament për formimin e qeverisë së re. Pritet që këtë herë ajo të formohet nga Partia Nacional-Liberale.


Kosova reagoi ashpër kundër Çmimit Nobel për Peter Handke

Foto: REUTERS dhe Twitter

Kosova reagoi ashpër kundër dekorimit të shkrimtarit austriak Peter Handke me Çmimin Nobel për letërsi. “Komiteti Nobel vendosi që ta shpërblejë Peter Handke – një njeri që e lavdëroi Millosheviçin (Kasapin e Ballkanit) dhe mbështeti regjimin e tij që kreu gjenocide” – shkroi Ambasadorja e Kosovës në SHBA Vlora Çitaku në rrjetet sociale. Shkasi për indinjatën e Kosovës është fakti se Handke refuzon se forcat boshnjake serbe kanë kryer gjenocid, duke vrarë rreth 800 burra dhe gra myslimane në Srebrenicë gjatë Luftës Civile në Bosnjë e Hercegovinë. Në të njëjtën kohë ngjarja është e njohur si gjenocid nga Tribunali Ndërkombëtar në Hagë në disa dënime kundër liderëve ushtarakë dhe politikë të serbëve boshnjakë gjatë luftës. Shkrimtari austriak ishte një prej kundërshtarëve të bombardimeve ajrore të NATO-s kundër Serbisë gjatë konfliktit në Kosovë në fund të viteve 90 dhe gjatë bombardimeve erdhi në Beograd, që ta përkrahë regjimin e Sllobodan Millosheviçit.

Përpiloi: Miglena Ivanova

Përgatiti në shqip: Vesella Mançeva

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD