Zgjedhjet lokale janë interesante dhe për të huajt në Bullgari

„Ka 12 vjet që jetoj në Sofje dhe gjithmonë kur ka votime në Bullgari votoj, duke qenë se jam edhe shtetase bullgare që prej ca vitesh” – tha Rajmonda Duka.

Ajo gjithmonë merr pjesë në procesin zgjedhor në Bullgari dhe kur ka mundësi – edhe në Shqipëri, “pasi në momentin kur personi jep votën, ka të drejtën dhe të kërkojë të drejtat e tij”.

Rajmonda është nga rajoni i Gollobordës, shumë e buzëqeshur dhe me gatishmëri na u përgjigj pyetjeve tona:

I ngjashëm është dhe mendimi i një të huaji tjetër, që e ka zgjedhur vendin tonë para 8 vjetësh – britanezi Jonathan Taylor. Megjithatë pohon se nuk e ka të qartë procedurën e votimit tek ne:

"Mendoj se kam të drejtë të votoj këtu, por për të qenë i sinqertë  nuk jam përpjekur të marrë pjesë në zgjedhje. Po të isha në Britaninë e Madhe, me siguri do të votoja, sepse kjo është një çështje parimore. Përveç kësaj që kur se jetoj në Bullgari askush nuk më ka propozuar apo nuk më ka shtyrë që të mendoj për regjistrimin tim si votues - as nga ana e bashkisë, as nga ana e ndonjë prej kandidatëve. Kuptoj se e kam të drejtën të votoj, por nuk di saktësisht cili është procesi."

Mendon se partitë politike në Bullgari në njëfarë mënyre duhet të mbajnë kontakt me të huajt, që jetojnë këtu, t’i inkurajojnë të votojnë dhe të marrin pjesë në procesin zgjedhor. Sepse kështu ata e kanë përshtypjen se politikanët thjeshtë nuk duan që të huajte të votojnë.

Pavarësisht nga kjo Jonathani është i kënaqur me punën e kryetarit të bashkisë në fshatin, ku jeton. Mendon se ai është i sinqertë me njerëzit dhe i përkushtuar në punë dhe kjo është një nga arsyet për rizgjedhjen e tij në këtë post që në raundin e parë të zgjedhjeve. Zgjidhja e një problemi të vjetër të fshatit Krushevo (në rajonin e qytetit Sevlievo – Bullgari Veriore), gjithashtu i ka inkurajuar njerëzit që të votojnë për të:

“Një nga problemet e mëdha të fshatit ishte mungesa e ujit gjatë verës -  tregon Jonathan. Vitet e fundit ky problem thellohej dhe uji nuk mjaftonte dhe gjatë stinëve të tjera. Në rajonin e Sevlievos ka mjaftë ujë, shpesh i shikoj njerëzit, të cilët lajnë makinat dhe hotelet e tyre, por është e vërtetë se uji nuk arrin në pjesët e larta të rrjetit. Ne jetojmë në lartësi 500 metra mbi nivelin e qytetit të Sevlievos dhe për shkak të tensionit të ulët të ujit, ai nuk arrin deri tek fshati. Kjo gjendje tashmë ishte e padurueshme. Sivjet s’kishim ujë në vazhdim të javëve të tëra. Para pak kohe kryetari ynë i bashkisë hapi një stacion të ri të pompimit, i cili ndodhet 5 kilometra larg fshatit në drejtim të liqenit. Ndryshoi tubat dhe e zgjodhi problemin, sepse tashmë përdorim një burim tjetër të ujit dhe nuk varemi nga sistemi i ujit dhe kanalizimit të qytetit Sevlievo”.

Pavarësisht se ka pasur shumë probleme dhe ka hasur vështirësi të ndryshme tek ne, britanezi është optimist dhe mendon se nuk ka bërë gabim kur e ka marrë vendimin të jetojë në Bullgari. Thotë se me bashkëshorten e tij janë të lumtur dhe përkrahin çdo gjë që do të kontribuojë me diçka në mënyrë që Krushevo të bëhet një vend më të mirë për të jetuar dhe që fqinjët e tij – të rinjtë dhe të moshuarit,të jetojnë atje gjatë gjithë vitit. 

Përgatiti në shqip: Jordanka Ivanova

Foto: arkiv personal

Më shumë nga rubrika

“Njerëzit, të cilët e ndryshojnë Bullgarinë” – një libër, i cili hapet me dyshim dhe mbyllet me admirim

30 vjet pas fillimit të tranzicionit nga socializmit drejt demokracisë, i cili filloi më 10 nëntor 1989 në Bullgari ndodhën shumë ndryshime. U rritën dy breza, për të cilët ngjarjet para vitit 1989 janë pothuajse të panjohura. Tregimet e prindërve për atë..

botuar më 19-11-12 12.04.MD

Në “Javën e Babait” prindërit do të lexojnë libra bashkë me fëmijët e vet

Si fëmijët dhe baballarët të krijojnë një lidhje të fuqishme midis tyre, që të rriten fëmijët të qetë, të bindur në vetvete dhe të suksesshëm, ndërsa baballarët të ndihen meshkuj stabilë dhe të sigurt. Tema për atësinë aktive është në qendër të vëmendjes..

botuar më 19-11-11 4.30.MD
Photo: EPA/BGNES

Ngjarjet me adresë ballkanike

Presidenti Klaus Johanis mori më shumë vota në zgjedhjet presidenciale në Rumani Në raundin e parë të zgjedhjeve presidenciale në Rumani fituesi është presidenti aktual Klaus Johanis me 39% prej votave. Në vend të dytë është..

botuar më 19-11-11 4.00.MD