Ngjarjet me adresë ballkanike

Turqia nuk mund të përjashtohet nga NATO-ja

Foto: REUTERS

Sekretari i përgjithshëm i NATO-s Jens Stoltenberg hodhi poshtë thirrjet për përjashtimin e Turqisë nga Pakti i Atlantikut Verior për shkak të ndërhyrjes së saj në Sirinë e Veriut. Në NATO në dallim të BE-së nuk ka mekanizma për përjashtim, vuri në dukje Stoltenberg. Ai e quajti Turqinë “një aleat të rëndësishëm”, i cili ka kontribuuar shumë në luftimin kundër Daeshit. Stoltenberg theksoi gjithashtu se Turqia ka pranuar në territorin e vet 3.6 mln refugjatë.


Greqia i transporton migrantët nga ishujt në pjesën kontinentale të vendit

Foto: EPA/BGNES

Po vazhdon transportimi i migrantëve nga kampet e përmbushura në ishujt grekë drejt pjesës kontinentale të vendit. Vetëm gjatë fundjavës anijet ushtarake greke transportuan afër Athinës 795 të huaj nga kampi i përmbushur Moria në ishullin Lesbos. Atje mbeten 10 000 veta në një hapësirë për vetëm 3000 veta. Gjatë 2 javëve në vijim autoritetet kanë në plan të transportojnë 5000 veta. Masat preventive ndërmerren për shkak të fluksit të radhës të emigrantëve, i cili ngjan me përmasat e krizës së vitit 2015. 


Rumania mbetet në krizë politike para zgjedhjeve presidenciale

Foto: EPA/BGNES

Lodovic Orban, i cili u caktua Kryeministër i Rumanisë, shpalli se pret që të ketë kuorum në Parlament kur do të votohet për qeveri të re në Bukuresht. Orban shpreson se përveç 225 deputetëve nga grupet, të cilat e përkrahin, në sallën plenare do të jenë të pranishëm akoma 11 deputetë të tjerë. Partia Socialdemokrate dhe Partia PRO Rumania e ish-Kryeministrit Victor Ponta deklaruan se do ta bojkotojnë kuorumin gjatë zgjedhjes së qeverisë së re. Sipas vëzhguesve në qoftë se Parlamenti mbetet i bllokuar, Rumania do të ketë qeveri të re që pas zgjedhjeve për President. Raundi i tyre i parë do të zhvillohet më 10 nëntor, ndërsa më 24 nëntor do të zhvillohet raundi i dytë.


SHBA-të e paralajmërojnë Serbinë që të mos armatoset me S-400

Foto: EPA/BGNES

I dërguari i posaçëm i SHBA-së për Ballkanin Perëndimor Matthew Palmer shprehu shqetësimin e vet për mundësinë që Serbia të armatoset me armë ruse. Emisari shënoi se javën e kaluar Serbia ka dislokuar një sistem për mbrojtje kundërajrore S-400 për stërvitjen ushtarake “Mburoja Sllave 2019”. Presidenti serb Aleksandër Vuçiç tashmë shprehu dëshirë që Beogradi t’i marrë këto sisteme. Palmer vuri në dukje se Beogradi duhet të jetë i vëmendshëm sa u përket blerjeve të tilla dhe paralajmëroi se ato mund të çojnë në rishqyrtimin e sanksioneve kundër Serbisë.


Kryeministri maqedonas Zoran Zaev nuk do të lejojë që të ketë kundërshtime me Bullgarinë

Foto: REUTERS

Komisioni Bullgaro-Maqedonas për Çështjet Historike ka qëllim që të thellojë miqësinë me Bullgarinë nëpërmjet fakteve historike dhe jo t’i prishë marrëdhëniet tona, tha Kryeministri i Maqedonisë Zoran Zaev duke iu përgjigjur një pyetjeje parlamentare. Ai refuzoi akuzat se po pres presion mbi punën e Komisionit. Nuk do të lejoj që të ketë kundërshtime të cilat do të bllokojnë shtetin, siç ishte në vazhdim të disa viteve pas 2009-ës. Nuk dua që kjo kohë të përsëritet, nënvizoi Zaev dhe rikujtoi se Kryeministri bullgar Bojko Borisov dhe Ministrja e Jashtme Ekaterina Zaharieva janë ndër mbrojtësit kryesorë të Shkupit. Ata luftojnë me argumente në Këshillin e Ministrave të BE-së për fillimin e negociatave për aderimin e vendit në Bashkësi, shtoi Zaev. 

Përpiloi: Ivo Ivanov

Përgatiti në shqip: Vesella Mançeva

Më shumë nga rubrika

“Njerëzit, të cilët e ndryshojnë Bullgarinë” – një libër, i cili hapet me dyshim dhe mbyllet me admirim

30 vjet pas fillimit të tranzicionit nga socializmit drejt demokracisë, i cili filloi më 10 nëntor 1989 në Bullgari ndodhën shumë ndryshime. U rritën dy breza, për të cilët ngjarjet para vitit 1989 janë pothuajse të panjohura. Tregimet e prindërve për atë..

botuar më 19-11-12 12.04.MD

Në “Javën e Babait” prindërit do të lexojnë libra bashkë me fëmijët e vet

Si fëmijët dhe baballarët të krijojnë një lidhje të fuqishme midis tyre, që të rriten fëmijët të qetë, të bindur në vetvete dhe të suksesshëm, ndërsa baballarët të ndihen meshkuj stabilë dhe të sigurt. Tema për atësinë aktive është në qendër të vëmendjes..

botuar më 19-11-11 4.30.MD
Photo: EPA/BGNES

Ngjarjet me adresë ballkanike

Presidenti Klaus Johanis mori më shumë vota në zgjedhjet presidenciale në Rumani Në raundin e parë të zgjedhjeve presidenciale në Rumani fituesi është presidenti aktual Klaus Johanis me 39% prej votave. Në vend të dytë është..

botuar më 19-11-11 4.00.MD