Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në “Javën e Babait” prindërit do të lexojnë libra bashkë me fëmijët e vet

Si fëmijët dhe baballarët të krijojnë një lidhje të fuqishme midis tyre, që të rriten fëmijët të qetë, të bindur në vetvete dhe të suksesshëm, ndërsa baballarët të ndihen meshkuj stabilë dhe të sigurt. Tema për atësinë aktive është në qendër të vëmendjes gjatë Javës së Babait për të gjashtin vit me radhë. Sepse të kesh një prind, i cili të jep siguri, mbrojtje dhe dashuri, është një bekim nga Zoti për çdo një fëmijë.

“Burri i vërtet nuk flet fjalë të kota”. Me këtë moto do të kalojë Java e Babait (11 – 17 nëntor), e cila e inkurajon leximin së bashku, sepse librat jo vetëm na afrojnë, por edhe provokojnë bisedën e rëndësishme për gjërat e vlefshme.

“Të gjithë baballarët thonë se flasin me fëmijët e tyre, ndërsa 1/3 deklarojnë se u lexojnë – vë në dukje David Kjuranov, koordinator i fushatës kombëtare “Të jesh baba”. – Mirëpo, tjetër është çështja nëse e kalojnë kohën me fëmijët e tyre në mënyrë cilësore, sepse zakonisht në mbrëmje të gjithë janë të lodhur dhe u është vështirë të përqendrohen. Kështu qe është me rëndësi jo vetëm e folura, por edhe dëgjimi – në rast të kundërt një pjesë e madhe e botës së brendshme të fëmijëve mbetet e paarritshme. Në qoftë se komunikimi me ta përfundon me pyetjen “Si e kalove ditën, në kopshtin e fëmijëve, ose në shkollë”, ata përgjigjen “Mirë” dhe zhyten në përjetimet e veta. Prandaj për shembull baballarët mund t’u bëjmë pyetje konkrete.”

Roli i babait në familje është kaq i rëndësishëm, sa edhe ai i nënës për zhvillimin e plotëvlefshëm të fëmijës. Mirëpo, për fat të keq gjithnjë e më shumë fëmijë rriten me një prindër, ndërsa modeli i burrit shpeshherë mungon në jetën e tyre.

“Nganjëherë bëjmë shaka me kolegët e mi se shumë fëmijë te ne rriten me një çift njëseksor (nëna dhe gjysha) – thotë David Kjuranov. –Prandaj roli i babait është kaq i vlershëm, sepse fëmija njihet edhe me këndvështrimin e modelit mashkullor. Akoma më tepër se fëmija zakonisht komunikon me femra – 99 për qind e personelit në kopshtin e fëmijëve përbëhet prej femrash, ndërsa në shkollë kjo përqindje është 85. Mirëpo, sipas studimeve në qoftë se i ati është aktiv, fëmija zhvillohet më mirë nga pikëpamja emocionale, në shkollë gjithashtu realizohet më mirë, është më pak i prirë për çrregullime psikike, depresione, lidhje të pashëndetshme dhe ka një shans më të madh për të gjetur një punë të mirë. Ndërsa etërit nga ana e tyre bëhen gjithnjë e më të lumtur, sëmuren më rrallë dhe nuk u nevojitet për ta ndërruar punën shpesh. Thënë me fjalë të tjera edhe fëmijët, edhe prindërit-meshkuj – pavarësisht nëse bëhet fjalë për baballarë biologjikë apo jo, kanë dobi nga komunikimi.

Meshkujt bullgarë kanë dëshirë të madhe për të marrë pjesë në jetën e fëmijëve të vet, por shpeshherë janë penguar, shton eksperti. Ai citon gjithashtu rezultatet e një studimi të zhvilluar para pak kohe, sipas të cilit etërit rrallë e përdorin shuplakën si mjet edukimi, megjithëse ndër ta ka dhe një përqindje të vogël dhunuesish. Që të kufizohet dhuna – fizike, ose psikike, David Kjuranov na këshillon ta trajtojmë fëmijën si një personalitet të veçantë dhe të barabartë me ne, akoma më tepër se qysh në djep sistemi nervor i bebes është krejtësisht i formuar, ajo ka emocione dhe ndjenja. Me sa meshkujt përfitojnë nga mundësitë ligjore që të mbeten në shtëpi dhe të kujdesen për foshnjat e tyre të sapolindur?

“Bullgaria është një prej shteteve, të cilat u japin etërve një mundësi të mirë që të marrin lejen e atësisë – përgjigjet David Kjuranov. – Pas gjashtë muajve të parë të jetës së fëmijës, ata mund të marrin tërë lejen tjetër të amësisë që po mbetet (gjithsej 410 ditë). Por rastet kur meshkujt përfitojnë nga kjo mundësi janë shumë të rralla – rreth 1 për qind, zakonisht kur gruaja është me një pagë më të mirë ose ka biznes të vet. Prandaj thirrja ime ndaj etërve bullgarë është që të mendojnë se si mund të kalojnë më shumë kohë me fëmijët e tyre në muajt dhe vitet e para të fëmijërisë, sepse zhvillimi i fëmijës në këtë moment është më i vrullshëm sesa mund të përfytyrojmë.”

Përgatiti në shqip: Vesella Mançeva

Foto: “Të jesh baba”



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD