Programi i ditës
Radioja Kombëtare Bullgare © 2022 Të gjitha të drejtat janë të rezervuara

“Muzika pa kufij” – Formacioni artistik “Skenderman”

Pallati në qytetin bregdetar Ballçik
Foto: Pllamen Mihajlov
“Muzika pa kufij” është motoja e disa ngjarjeve, që janë organizuar me pjesëmarrjen e formacionit artistik “Skenderman”. Skanderi është një prej emrave, me të cilit njerëzit nga Lindja e quajnë Aleksandër të Madh. Themeluesi dhe udhëheqës i formacionit artistik “Skenderman” Asen Kazandxhiev thotë se sot rruga më e shkurtër për kapërcimin e dallimeve midis njerëzve kalon përmes artit. Ka zgjedhur emrin e komandantit të madh për shkak të kontributit të tij në bashkimin e Lindjes dhe Perëndimit. Vite me radhë Asen Kazandxhievi ishte pjesë e grupit “Lot Lorien” – formacioni i parë në Bullgari, që e karakterizonte veten si etno grup. Muzika është në bazën e veprimtarisë së tij si udhëheqës i “Skenderman”-it.

“Formacioni artistik është një organizatë multidisiplinore e tipit të ri. Aksenti është mbi muzikën, por kemi përfaqësues të arteve të ndryshme. Qëllimi kryesor është këmbimi i informacionit midis artistëve, si dhe realizimi i projekteve në vende të ndryshme. Në të marrin pjesë përfaqësues nga Turqia, Finlanda, Rumania, Çekia, Gjermania dhe nga vendet e tjera. Nga fillimi i këtij viti realizojmë disa projekte. Njëri prej tyre ishte lidhur me pjesëmarrjen e Latif Bulat-it në një festival në Maqedoni. Ai është këngëtar dhe kompozitor, që punon në Holivud. Jeton në SHBA dhe ka marrë pjesë në disa projekte bullgare. Jam i bindur se lëvizja ua jep artistëve ndjenjën e lirisë. Kontaktet dhe përshtypjet e reja i frymëzojnë të krijojnë, të prezantojnë më të mirat prej tyre.”

Trioja “Rome-Ulvsand-Hëetland (Romme-Ulvsand-Hjetland), përfshin muzikantë nga Danimarka, Suedia dhe Norvegjia. Ata ekzekutojnë muzika etno dhe world, ndërsa koncerti i tyre në Ballçik ishte pjesë e festivalit “Pa kufij”, organizuar nga Dhoma ekonomike e qytetit Varna, “Skenderman” dhe Pallati në Ballçik.
Latif Bullat (SHBA/Turqi)
“Ideja për festivalin lindi para disa vjetësh. I pari mbante emrin “Muzika pa kufij”, sepse ishte muzikor. Të dytin e quam “Pa kufij”, sepse përfshinte edhe arte të tjera – kishte plener të piktorëve nga katër shtete evropiane, të cilët vizatonin në kohën e aktivitetit. Regjisori Petër Pavllov prezantoi një film të tij, ndërsa shkrimtarja Ludmilla Filipova – librin e saj të fundit. Theksi ishte mbi muzikën në tre drejtime – muzikën klasike, muzikën etno dhe xhaz. Nikollaj Jordanov dhe Bojan Bëçvarov ekzekutuan vepra klasike bullgare. Në përgjithësi morën pjesë 120 veta, përfaqësues të 24 shteteve nga 4 kontinente. Ndër miqtë ishin organizatorë të aktiviteteve të ndryshme nëpër botë – drejtorë të festivaleve në Belgjikë, Britaninë e Madhe, Rusi, vendet skandinave. Temat ishin llojshmëria kulturore dhe dialogu ndërkulturor, i cili është edhe tema e nismës së sivjetshme të BE. Siç dihet, viti 2009 është vit i dallimeve kulturore dhe i dialogut ndërkulturor.
Jura Braça (Izrael)

Përgatitja e programeve, projekteve dhe organizimi – të gjitha këto Jaseni i ka bërë nëpërmjet rrjetit të kontakteve në internet. Aktivitetet, të cilave ua kushton tërë kohën e tij, mbahen gjithmonë në vende të zgjedhura në mënyrë speciale. Për skenën e formacionit “Pa kufij” është zgjedhur Pallati në Ballçik, që është i njohur me arkitekturën e tij të bukur dhe me natyrën e mrekullueshme që e rrethon. Atje u zhvilluan të gjitha koncertet, si dhe konferenca për menaxhimin artistik. Në veprimtarinë e saj morën pjesë mbi 40 organizatorë prijës ndërkombëtarë në fushën e muzikës dhe kulturës.
Jamvos (Greqi)

“Mora ftesë nga Drejtoria për politikën kulturore pranë Komisionit Evropian në Bruksel për ta prezantuar aktivitetin në Konferencën evropiane kulturore, që u zhvillua para disa ditësh. Morën pjesë përfaqësues nga tërë bota – mbi 1000 veta. Pasi formacioni “Skenderman” filloi veprimtarinë e tij më 14 shkurt të këtij viti dhe sidomos pas festivalit “Pa kufij” KE u interesua shumë për idetë tona.” Ditët e fundit të tetorit Jasen Kazandxhievi prezantoi Bullgarinë në forumin ndërkombëtar “Shpirti i Evropës”, organizuar nga KE në qytetin Kluzh në Rumani. Në aktivitetin e forumit kanë marrë pjesë disa veprimtarë të njohur kulturorë nga Evropa, disa përfaqësues të Komisionit Evropian, ndër të cilët dhe zonja Doris Pak – kryetarja e Komisionit Evropian për kulturën në Parlamentin Evropian.

Po të doni të dëgjoni disa interpretime të pjesëmarrësve në Festivalin e dytë ndërkombëtar “Pa kufij” klikoni AUDIO. Ju urojmë dëgjim të këndshëm!

Përgatiti në shqip: Anna Kapitanova
По публикацията работи: Albena Bezovska

Më shumë nga rubrika

Miro dhe Kojna Ruseva

“Fate” – një film me metrazh të shkurtër dhe një këngë kuptimplote

“Fate” është dueti i tretë i këngëtarit Miro me artisten Kojna Ruseva. Muzika dhe aranzhimi janë të Momçill Kolev, teksti – i Aleksandër Petrov. Kënga tregon për forcën e dashurisë, për mënyrën se si “dy fate bashkohen dhe bëhen një ... Aty ku..

botuar më 22-04-05 9.45.PD

"Të paktën për një moment" – kënga e parë e duetit të Elena Sirakovës dhe Momçill Kosevit

“Të paktën për një moment” është një këngë për dashurinë që ka fuqinë për të kapërcyer vështirësitë. Kur ka pengesa, nevojitet një përqafim që të jepet një fillim i ri. “Të paktën për një moment” është dueti i parë i Elena Sirakovës dhe Momçill..

botuar më 22-04-04 9.05.PD
Biljana Angellova

Biljana Angellova: Në këto kohë të errëta duhet të veprojmë në një nivel më të thellë, më të ndritshëm dhe më të virtytshëm

Vitet e fundit gjithnjë e më shpesh e lidhim emrin e Biljana Çokoeva-Angellovës me videot origjinale të xhiruara për këngët e saj të bukura. Interpretuesit që i prezantojnë janë ndër këngëtarët më të njohur dhe më të dashur - Margarita Hranova,..

rinovuar më 22-04-03 11.29.PD