Programi i ditës

Radioja Kombëtare Bullgare © 2021 Të gjitha të drejtat janë të rezervuara

Ngjarjet folklorike gjatë vitit 2009

Foto: Архив
Përvjetorë të shënuar, koncerte emociononte, festa shumëmijëshe – si çdo vit kalendari kulturor bullgar ishte plot e përplot me ngjarje folklorike.

Besohet, se atje, ku ka dashuri, gjithnjë bëhen mrekulli. Boris Mashallovi provoi profesione të ndryshme, para se të zbulojë prirjen e vet të vërtetë. Më në fund ai krijoi një grup të vet folklorik, me të cilin jo vetëm që jepte koncerte në mbarë vendin, por edhe përhapte lavdinë e folklorit bullgar në shumë shtete të huaja. Butësia e zërit të tij të ëmbël, ngrohtësia e interpretimeve të tij fitojnë admirues të folklorit bullgar edhe më sot. Muajin janar të vitit 2009 mbushën 95 vjet nga lindja e këngëtarit të famshëm Boris Mashallov. Lidhur me këtë në qytetin e tij të lindjes u organizua një koncert solemn. Miq special ishin këngëtarët e njohur bullgarë Janka Rupkina, Ilija Argirov, Hristo Kosashki dhe Daniell Spasov. Interpretimet e këtyre këngëtarëve të mëdhenj i shoqëronte orkestra frymore me dirigjent Angell Angellski.

Gjatë vitit 2009 këngëtarja e dashur dhe e respektuar popullore Kalinka Zgurova shënoi jubileun e vet 50-vjeçar skenik. Ky përvjetor i dha asaj arsye të pranojë, se është e lumtur, sepse shumë nga ëndrrat e saj u bënë realitet. Në koncertin jubilar publiku shumëmijësh pati mundësi të dëgjojë interpretimet e korit të grave “Misteri i zërave bullgarë”, muzikantë nga shkolla muzikore “Kënev-Zgurova”, shkollë kjo e cila Kalinka e krijoi për kujtim të bashkëshortit të ndjerë – kompozitori dhe dirigjent i njohur Stefan Kënev. Këngëtarja e shënoi jubileun me disa koncerte në mbarë vendin. Në Festivalin e 37-të Ndërkombëtar Folklorik në qytetin Burgas këngëtarja e famshme nga krahina Stranxha u dallua me çmimin e madh “Nestinarka”.

Festivali Folklorik Rinor Mbarëbullgarë “Me Bullgarinë në zemër” çdo vit mbledh bullgarë, që banojnë në shtete të ndryshme të botës. Ky forum muzikor për herë të parë u zhvillua në vitin 2004 me ide të doktoreshës së ndjerë Anna Karaangellova, së bashku me këngëtarin popullor Ilija Llukov, i cili ehe më sot është organizatori kryesor. Në Festivalin e vitit 2009 krijimtarinë e tyre prezantuan bullgarë nga Moldavia, Ukraina, Serbia, Kosova, Maqedonia, Rumania dhe doemos – Bullgaria. 6 vite me radhë në qytetin Kavarna mbërrijnë fëmijë, të cilët dinë se për nga prejardhja janë bullgarë. Ata kalojnë mijëra kilometra, që të vijnë në mëmëdheun e stërgjyshërve të tyre.

“Ylberi këngësh mbi Kutevin” ishte emri i konkursit, i cili u organizua për herë të parë gjatë vitit 2009 në Shkollën Kombëtare të Arteve Folklorike “Filip Kutev” në qytetin Kotell. Në të u prezantuan fëmijë në mosha të ndryshme nga të gjitha viset e Bullgarisë. Një nga idetë e konkursit është të njohë muzikantët e rinj me mundësitë, që siguron mësimi në këtë vatër të folklorit bullgar. Duke marrë pjesë në këtë konkurs, ata njihen dhe me nxënësit e shkollës, të cilët kanë mundësi të prezantojnë programet e veta në dhjetëra qytete të vendit dhe jashtë shtetit. Gjatë vitit 2009 nxënësit e shkollës folklorike në Kotell arritën suksese të mëdha në Spanjë dhe në Rusi.

Në qytetin Sandanski të Bullgarisë Jugperëndimore gjatë vitit 2009 u zhvillua Festivali IV Ndërkombëtar Folklorik “Me këngët e motrave Biserovi”. Në kuadrin e festivalit u prezantua edhe libri i këngëtares Ljuibimka Biserova “Nga rrënjët drejt majës”. Në të përshkruhet rruga e suksesshme krijuese e trios së famshme nga fshati i vogël malor Pirin deri te skenat më të mëdha botërore.

Gjatë vitit 2009 u zhvillua Festivali VI Ndërkombëtar Folklorik “Maleshevo këndon dhe vallëzon”. Në edicionin e vitit 2009 të këtij forumi tradicional muzikor u prezantuan afro 400 këngëtarë dhe valltarë nga 15 vende të mbarë botës. Për herë të parë kishte grupe nga Rumana, Spanja, Qiproja dhe Hungaria.

Përgatiti në shqip: Svetllana Dimitrova

Më shumë nga rubrika

Nikolai Badinski – frymëzuar nga Levski, Haydn dhe Messien

Forumi “Muzika e re bullgare” (4.10 – 27.10), organizuar nga Lidhja e Kompozitorëve Bullgarë, sivjet prezanton vepra të dhomës të artistëve të brezave të ndryshëm. Në afishen lexojmë emrat e disa kompozitorëve bullgarë, karriera e të cilëve..

botuar më 21-10-18 5.41.MD

Muzika me ansamblet e BNR-s në një ekspozitë kineze në internet

Një mbrëmje bullgare me ansamblet e Radios Kombëtare Bullgare (BNR) do të mbahet të hënën (18.10.21) në mbrëmje në Ekspozitën Ndërkombëtare të Muzikës IMX, e organizuar nga kompania kineze e muzikës KANJIAN dhe me mbështetjen e organizatave..

botuar më 21-10-18 3.42.MD

"Jo për mua" – një këngë nga albumi i ri i grupit BTR

"Jo për mua, por për ty, do të gjej përsëri kuptim ... Pse të kem shumë gjëra, pasi nuk je pranë meje!" - Kjo është pjesë e tekstit të këngës "Jo për mua" në interpretim të grupit BTR, dhe të muzikantëve të ftuar Kirill Mariçkov dhe Valldi Totev,..

botuar më 21-10-11 12.45.MD