Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Forumi rinor “Yje të reja”

“Programi “Fushata arsimore” përgatit dhe zhvillon motivacionin dhe aftësitë, që kanë të bëjnë jo vetëm me aplikimin e tyre në biznes.” – tha drejtorja e fushatës Milena Stojçeva.
Foto: Junior Achievement
“U mësuam të jemi sipërmarrës. Zbuluam, se nga gjërat e vogla, mund të bëjmë ndonjë vepër të madhe. Kryesorja është të kemi ide dhe të besojmë në to.” Ky është qëndrimi i studentes Milena Petkova nga Universiteti i Sofjes “Shën Klimenti i Ohrid”. Ajo është një nga shumë të rinjtë, që marrin pjesë në programin mësimor “Fushata arsimore” për nxënës dhe studentë të organizatës “Xhuniër Açijvmënt” Bullgaria (Junior Achievement). Vitin e dytë me radhë organizata joqeveritare organizon forumin rinor biznes “Yje të reja”. Në kuadrin e tij të rinjtë takohen me përfaqësues të sektorit publik dhe privat, që të diskutojnë problemet më të rëndësishme në fushën e arsimit dhe biznesit. Të rinjtë kanë mundësi të prezantojnë produktet dhe shërbimet e veta, krijuara në kuadrin e fushatës mësimore brenda vitit. Të rinjtë bëjnë prezantimet e tyre para një jurie. Në këtë mënyrë ata zhvillojnë aftësitë e tyre të komunikimit. Kjo është me rëndësi të madhe për biznesin. Më shumë hollësi sjell Milena Stojçeva nga organizata “Xhuniër Açijvmënt”:

“Ky lloji arsimi nuk është tradicional. Ai dallohet nga ai klasik dhe kërkon pozita aktive dhe pjesëmarrje aktive nga ana e nxënësve dhe studentëve. Ky arsim është orientuar më tepër te praktika dhe ka të bëjë me realizimin e njeriut në jetë. Të gjithë dëshirojnë të realizohen me sukses në jetë. Programi “Fushata arsimore” përgatit dhe zhvillon motivacionin dhe aftësitë, që kanë të bëjnë jo vetëm me aplikimin e tyre në biznes. Ai ndihmon formimin e sigurisë në forcat e veta. Studimet, të cilët i kemi bërë gjatë viteve të fundit në kuadrin e organizatës sonë, tregojnë, se 60 për qind nga pjesëmarrësit në programin “Fushata arsimore” pas mbarimit të tij posedojnë aftësinë të analizojnë zhvillimet ekonomike, pra ata grumbullojnë dituri në fushën e ekonomisë.”

© Foto: Junior Achievement

Dorëzimi i çmimeve në edicionin e sivjetshëm të Forumit rinor “Yje të reja”

Për një periudhë 10 vjeçar më se 600 shkolla nga mbarë vendi u përfshin në programe të ndryshme të organizatës “Xhuniër Açijvmënt” për zhvillimin e sipërmarrjen dhe grumbullimin e diturive ekonomike dhe financiare. Shpresat e kësaj organizate joqeveritare janë, që gjatë vitit të ardhshëm shkollor programi “Fushata arsimore” të bëhet pjesë e programit të detyrueshëm arsimor në çdo shkollë. Gjatë forumit “Yje të reja” afro 60 kompani të nxënësve dhe më se 20 kompani studentore u konkurruan për dallimet “Kompania më e mirë e nxënësve në Bullgari për vitin 2010” dhe “Kompania më e mirë studentore në Bullgari për vitin 2010”. Për herë të parë në fillim të muajit korrik vendi ynë do të jetë organizator i garës evropiane të kompanive studentore. Qese për përdorim të shumëfishtë, të cilat të zëvendësojnë qeset prej najloni, që janë të dëmshme për ambientin rrethues, ueb propozim për organizimin e shpenzimeve personale janë vetëm një pjesë prej ideve biznes, që prezantojnë të rinjtë gjatë forumit. Në programin mësimor “Fushata arsimore” u përfshin edhe nxënësit e gjimnazit profesional të turizmit “Doktor Vasill Beron” nga qyteti Veliko Tërnovo. Më shumë hollësi për pjesëmarrjen e tyre sjell Valentina Ivanova:

“Fushata jonë mësimore mban emrin “Ëndrra të bujarit” . Produkti ynë përbën një disk “Trapeza e fisnikut”. Ai përmban informacion për festat karakteristike bullgare, për traditat, zakonet, këngë, gjella dhe pije tradicionale. Dëshirojmë që traditat dhe zakonet bullgare të ruhen për brezat e ardhshëm. Kompania jonë është një shoqatë aksionare dhe qëllimi kryesor është të mësojmë të punojmë në ekip. Secili ka detyra konkrete. Ambicia jonë ishte të shesim 120 disqe. Por shumë shkolla në qytetin Veliko Tërnovo shfaqën interes ndaj produktit tonë dhe në fund të fundit arritëm të realizojnë 190 shitje. Krahas kësaj i dhuruam disa disqe Qendrës Ndihmëse të Fëmijëve dhe të të Rinjve dhe Azilit në qytet. Kështu u mësuam të dhurojmë. Fushata në fjalë na ndihmoi të afirmohemi si të rinj që kanë të ardhmen e vet si sipërmarrës në ekonominë e vendit.”

Përgatiti në shqip: Svetllana Dimitrova
По публикацията работи: Rumjana Cvetkova


Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD