Start i vështirë për favoritët në Mondial 2010

botuar më 10-06-18 12.32.MD

Ndër skuadrat – favorite më keq paraqitet Franca, e cila mori karton të dytë të verdhë dhe ndoshta së shpejti do të nisen nga Kampionati

Foto: BGNES

Të gjithë pjesëmarrësit në Kampionatin botëror të futbollit në Republikën e Afrikës së Jugut luajtën ndeshjet e tyre të para, kurse disa prej tyre tashmë luajtën edhe ndeshjet e dyta nga faza e grupeve. Çfarë u bën përshtypje specialistëve dhe fansave?

Para se gjithash starti i vështirë i skuadrave, për të cilat supozohet se janë favoritë. Kampioni evropian Spanja, megjithë lojtarët e tij të mëdhenj, nuk arriti të fitojë kundër Zvicrës dhe humbi me 0:1. Kjo padyshim rriti tensionin në skuadër para dy ndeshjeve të tjera në grup. Favoriti tjetër, Italia, përfundoi me rezultat 1:1 kundër Paraguait. Mirëpo starti i vështirë i italianëve nuk duhet të na befasojë. Megjithë fillimin e vështirë efikasiteti i skuadrës së tyre është shumë i madh, kështu ishte në 5 prej 7 kampionateve të fundit. Në këtë periudhë prej 24 vitesh ata kanë dy tituj botërorë, një vend të dytë dhe një vend të tretë. Rezultat 1:1 arriti dhe Anglia në ndeshjen e saj kundër SHBA-së. Sa për Brazilin, ai arriti të fitojë kundër Republikës Popullore dhe Demokratike të Koresë me 2:1 në një ndeshje të pabindur. Përjashtime ndër ndeshjet e dobëta të favoritëve janë Gjermania dhe Argjentina. Të parët, që pësuan humbje nga “tanku gjerman” ishin australianët, kundër të cilëve Gjermania shënoi 4 gola. Nga ana e vet argjentinasit tashmë kanë dy fitore – kundër Nigerisë dhe kundër Republikës së Koresë.

Cili është shkaku për këtë start të vështirë të favoritëve? Është e vërtetë se në fazën e parë të grupeve në kampionatet botërore skuadrat e mëdhenj, pretendues për titullin, nuk demonstrojnë tërë potencialin e tyre, por është e vërtetë gjithashtu se stina e gjatë në Evropë, ku luajnë shumica e futbollistëve të skuadrave – finaliste, i ka shteruar fuqitë e tyre fizike.

Prandaj skuadrat e Azisë u bënë befasimi i këndshëm në kampionat. Republika e Koresë, Japonia dhe Republika Popullore dhe Demokratike e Koresë bënë përshtypje të shkëlqyeshme me përgatitjen e tyre fizike, disiplinën dhe lojën kolektive. Republika e Koresë mundi me 2:0 ish kampionin evropian, Greqia, kurse Japonia fitoi kundër Kamerunit me 1:0. Republika Popullore dhe Demokratike e Koresë arriti të ruajë afro një orë intrigën në ndeshjen me Brazilin dhe që atëherë kampionët e pesëfishtë botërorë shënuan dy gola.

Tashmë u luajtën disa prej ndeshjeve të dyta nga faza e grupeve. Futbollistët përpiqen të jenë më atraktivë dhe ta dëbojnë mërzitjen nga tribunat. Megjithatë tani për tani e caktojnë Kampionatin e sivjetshëm botëror të futbollit si të bezdisshëm, sepse sipas statistikës në asnjë kampionat botëror gjatë 80 viteve të fundit nuk janë shënuar aq pak gola në dyluftimet nga etapa e parë e fazës së grupeve.

Përgatiti në shqip: Vesella Mançeva

По публикацията работи: Dimitër Ushev

Последвайте ни и в Google News Showcase, за да научите най-важното от деня!

Ndaje

Start i vështirë për favoritët në Mondial 2010

Më shumë nga rubrika

Notari i maratonës Petër Stojçev kaloi ngushticën e Gjibraltarit

Viktorio Iliev u bë kampion i Evropës në boks

Stilijana Nikollova fitoi dy medalje ari dhe një argjendi në finalen e Kupës Botërore të Gjimnastikës Ritmike në Sofje