Programi i ditës

Radioja Kombëtare Bullgare © 2021 Të gjitha të drejtat janë të rezervuara

Këngët e motrave Gruevi dhe Biserovi

Këngët e motrave Gruevi dhe Biserovi janë pjesë e folklorit të Maqedonisë së Pirinit. Shenjë specifike e folklorit të kësaj krahine është këndimi me dy zëra. Këngët interpretohen nga grupe vokale, më i vogli prej të cilave është trioja.

Stojna, Nadezhda dhe Vangelia Gruevi këndojnë së bashku nga viti 1957. Repertori i tyre përfshin qindra këngë me tematikë më të ndryshme. Më të preferuara prej këngëtareve janë këngët gazmore.

Motrat Gruevi kanë lindur në Obidim, një fshat i cili gjendet 1200 metra mbi nivelin e detit në malin Pirin afër vendpushimit dimëror Bansko. Në të kaluarën fshati ka qenë i izoluar dhe kështu ka arritur të ruajë traditat e tij të lashta. Të gjitha gratë nga fisi i Gruevit këndojnë dhe kënga trashëgohet brez pas brezi. Gjatë karrierës së tyre aktive motrat janë soliste e korit popullor të femrave pranë Radios Kombëtare Bullgare – udhëtojnë nëpër vend, si dhe në vendet evropiane – Gjermania, Franca, Spanja...

Fshati Pirin ndodhet në kufirin midis Pirinit të Mesëm dhe atij Jugor në një lokalitet piktoresk afër lumit Pirinska Bistrica. Atje kanë lindur Ljubimka, Mitra dhe Neda – motrat e njohura Biserovi. Ato janë ndër interpretuesit e paktë, të cilët kanë kënduar në pesë kontinentet këngë nga vendlindja.

“Nga rrënjat drejt majës” – kështu quhet libri biografik i Ljubimka Biserovës, më e moshuara prej tri motrave Biserovi. Në libër rrëfehet për të gjitha momentet e rëndësishme në rrugën krijuese të këngëtareve. Motrat Biserovi u mirëpritën shumë mirë në Queen Elizabeth Hall, ku kënduan bashkë me Keith Bush, Nadka Karaxhovën dhe këngëtare të tjera popullore bullgare. Kanë dhënë koncerte gjithashtu në ishullin Sark të Çajnël Ajlënd, ku banojnë milionerë.

Për krijimtarinë e tyre origjinale janë dekoruar me Lirë të artë nga Lidhja e veprimtarëve muzikorë te ne. Këngët e tyre janë grumbulluar në shumë albume.

Të nderuar dëgjues, po të doni të dëgjoni interpretime të këngëtareve Gruevi dhe Biserovi klikoni mbi ikonën AUDIO. Ju urojmë minuta të këndshme!

Përgatiti në shqip: Vesella Mançeva

Më shumë nga rubrika

Nedjallka Simeonova – fëmija-mrekulli që fitoi famë botërore

Më 2 dhjetor shënohen 120 vjet nga lindja e violinistes së madhe bullgare Nedjallka Simeonova. Ajo lindi në vitin 1901 në qytetin Haskovo. Koncerti i saj i parë para publikut ishte në një moshë shumë të hershme, ndërsa turneu i saj i parë jashtë..

botuar më 21-12-02 9.44.PD
Shtëpia “Petko Stajnov”,  në qytetin Kazanllëk

Petko Stajnov – një krijues i dhuruar me intuitë dhe largpamësi profesionale

Një nga kompozitorët më të shquar bullgarë, aktivist i palodhur shoqëror, drejtues i institucioneve muzikore dhe kulturore, Akad. Petko Stajnov mbetet në historinë tonë si kompozitor i veprave thellësisht bullgare në tingëllimin e tyre melodik dhe..

botuar më 21-12-01 10.20.PD

Delja dhe kënga e saj “Ti nuk je”

Delja Harallampieva është këngëtare pop, artiste, autore e disa prej këngëve në repertorin e saj. Njëra prej tyre – “Ti nuk je” tash disa muaj është në BG Top 20 – klasifikimin e Radios Kombëtare Bullgare për muzikën pop dhe rok. Muzikën Delja e..

botuar më 21-11-29 11.34.PD
Подкасти от БНР