Këngët e motrave Gruevi dhe Biserovi

botuar më 10-06-23 9.28.PD

Këngët e motrave Gruevi dhe Biserovi

Update Required To play the media you will need to either update your browser to a recent version or update your Flash plugin.

Këngët e motrave Gruevi dhe Biserovi janë pjesë e folklorit të Maqedonisë së Pirinit. Shenjë specifike e folklorit të kësaj krahine është këndimi me dy zëra. Këngët interpretohen nga grupe vokale, më i vogli prej të cilave është trioja.

Stojna, Nadezhda dhe Vangelia Gruevi këndojnë së bashku nga viti 1957. Repertori i tyre përfshin qindra këngë me tematikë më të ndryshme. Më të preferuara prej këngëtareve janë këngët gazmore.

Motrat Gruevi kanë lindur në Obidim, një fshat i cili gjendet 1200 metra mbi nivelin e detit në malin Pirin afër vendpushimit dimëror Bansko. Në të kaluarën fshati ka qenë i izoluar dhe kështu ka arritur të ruajë traditat e tij të lashta. Të gjitha gratë nga fisi i Gruevit këndojnë dhe kënga trashëgohet brez pas brezi. Gjatë karrierës së tyre aktive motrat janë soliste e korit popullor të femrave pranë Radios Kombëtare Bullgare – udhëtojnë nëpër vend, si dhe në vendet evropiane – Gjermania, Franca, Spanja...

Fshati Pirin ndodhet në kufirin midis Pirinit të Mesëm dhe atij Jugor në një lokalitet piktoresk afër lumit Pirinska Bistrica. Atje kanë lindur Ljubimka, Mitra dhe Neda – motrat e njohura Biserovi. Ato janë ndër interpretuesit e paktë, të cilët kanë kënduar në pesë kontinentet këngë nga vendlindja.

“Nga rrënjat drejt majës” – kështu quhet libri biografik i Ljubimka Biserovës, më e moshuara prej tri motrave Biserovi. Në libër rrëfehet për të gjitha momentet e rëndësishme në rrugën krijuese të këngëtareve. Motrat Biserovi u mirëpritën shumë mirë në Queen Elizabeth Hall, ku kënduan bashkë me Keith Bush, Nadka Karaxhovën dhe këngëtare të tjera popullore bullgare. Kanë dhënë koncerte gjithashtu në ishullin Sark të Çajnël Ajlënd, ku banojnë milionerë.

Për krijimtarinë e tyre origjinale janë dekoruar me Lirë të artë nga Lidhja e veprimtarëve muzikorë te ne. Këngët e tyre janë grumbulluar në shumë albume.

Të nderuar dëgjues, po të doni të dëgjoni interpretime të këngëtareve Gruevi dhe Biserovi klikoni mbi ikonën AUDIO. Ju urojmë minuta të këndshme!

Përgatiti në shqip: Vesella Mançeva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

Këngët e motrave Gruevi dhe Biserovi

Më shumë nga rubrika

Grupi P.I.F. dhe kënga e tyre më е fundit “Të çmendur”

Studioja vokale “Dëga” feston 30 vjetorin me një koncert

"Gënjeshtra dhe të vërteta"

“Përralla" e grupit P.I.F. me një version të ri

Koncert i Korit të Dhomës së Sofjes "Vasill Arnaudov"