Panorama sportive

botuar më 10-07-19 11.40.PD

Skuadra “Levski” (Sofje) fitoi kundër “Dëndolk”, Irlandë, me 6:0 në ndeshjen e raundit të dytë paraprak në turneun e Ligës së Evropës.

Foto: BGNES

Filluan ndeshjet e turneve evropiane të klubeve të futbollit, në të cilat Bullgaria është paraqitur nga 4 skuadra – tri në turneun e Ligës së Evropës dhe një në Ligën e kampionëve. Në ndeshjen e parë të raundit të dytë paraprak të Ligës së kampionëve “Liteks” (Lloveç) fitoi kundër skuadrës së Malit të Zi “Rudar” (Plevlja) me 1:0. Rivali tjetër i Liteksit në rast se skuadra bullgare e eliminon “Rudar”do të jetë fituesi përfundimtar i ndeshjes midis “Zhilina” (Sllovaki) dhe “Birkirkara” (Malta).

Skuadra “Levski” (Sofje) fitoi kundër “Dëndolk”, Irlandë, me 6:0 në ndeshjen e raundit të dytë paraprak në turneun e Ligës së Evropës. Kështu “Levski” u klasifikua për raundin tjetër, në të cilin rivali i tij do të jetë fituesi nga ndeshja “Kalmar” (Suedi) dhe “Daçia” (Moldavi). Dy skuadrat e tjera bullgare, që marrin pjesë në turneun Liga Evropa – “Beroe” (Stara Zagora) dhe CSKA (Sofje), do të përfshihen në kualifikimet e turneut për raundin e tretë paraprak. Mbajtësi i Kupës së Bullgarisë “Beroe” do të luajë me fituesin e ndeshjes “Suduva” (Lituani) – “Rapid” (Vjenë). “CSKA” do të jetë mikpritëse e fituesit të ndeshjes “Cibalia” (Kroaci) dhe “Kliftënvil” (Irlandë Veriore).

Fituesja e trefishtë botërore Stanka Zllateva fitoi medaljen e artë në turneun final të mundjes së stilit të lirë të verigës “Golden Gran Pri” në Baku. Ajo mori pjesë në kategorinë deri më 72 kg. dhe fitoi kundër vice kampiones olimpike Gjuzel Manjurova (Kazakistan) me 2:0.

Tenisti më i mirë bullgar Grigor Dimitrov triumfoi me titullin e turneut në qytetin gjerman Trier, pasi në ndeshjen finale fitoi me 2:1 sete kundër David Goffin (Belgjikë). Pas kësaj fitoreje bullgari 19 vjeçar fitoi 18 pika për ranglistën botërore dhe kështu doli me 15 vende përpara deri në vendin 290.

Skuadra kombëtare bullgare e basketbollit për meshkuj fitoi turneun ndërkombëtar në Florencë, pasi në ndeshjen e fundit fitoi kundër mikpritësit italian me 84:83 pika. Para kësaj bullgarët mundën skuadrat e Polonisë dhe të Maqedonisë. Ky është turneu i dytë i fituar jashtë nga basketbollistët bullgarë, pas vendit të tyre të parë në Bjellorusi.

Në edicionin e 22-të të notimit ndërkombëtar të Bosforit, i cili u zhvillua dje në Stamboll bullgarja Maria Zllatkova fitoi vendin e parë nga femrat e moshës 24 vjeç. Bullgari Vasill Andreev gjithashtu fitoi vendin e parë tek meshkujt e moshës mbi 60 vjeç. Në garën e sivjetshme morën pjesë 764 pjesëmarrës nga Turqia, shtetet evropiane, SHBA-ja etj.

Përgatiti në shqip: Vesella Mançeva

По публикацията работи: Ivan Petrov

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

40 vjet nga ngjitja e parë bullgare në Everest

Pjesëmarrës nga 20 vende në Sofia Karate Open 2024 për Kupën e Presidentit

Notari i maratonës Petër Stojçev kaloi ngushticën e Gjibraltarit