Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Panorama sportive

Skuadra kombëtare e grave e volejbollit e Bullgarisë fitoi medalje të argjendtë nga liga Evropiane e volejbollit.
Foto: volleyball.bg
Skuadra kombëtare e grave e volejbollit fitoi medalje të argjendtë nga liga Evropiane e volejbollit pasi në finalin në Ankara i la vend skuadrës së Serbisë me 1:3 set. Bullgaret treguan një lojë të mirë kundra kundërshtareve të veta, të cilat mundën të mbrojnë trofeun e vet nga viti i kaluar. Dy setet e parë në takim përfunduan 25:20 për Serbinë, ku skuadra bullgare luajti jashtëzakonisht barazisht dhe fitoj në setin e tretë me 25:16. Një ditë përpara finales volejbollistet tona arritën një fitore dramatike mbi Turqinë në ndeshjen prej 5 sete. Dy nga sportistet e kombëtares morën dhe dekorata individuale pas fundit të turneut.

Po vazhdon prezantimi i mirë i skuadrave bullgare të futbollit në turnetë evropiane të klubeve. Skuadra e “Liteksit” nga qyteti Lloveç mundi skuadrën “Rudar” nga Mali i Zi me 4:0 në një ndeshje revansh nga rrethi i dytë paraprak i Ligës Kampionike. Ndeshja u luajt në Podgorica dhe pas një rezultati 5:0 “Liteks” po vazhdojnë në rrethin e tretë kualifikativ të turneut më prestigjioz evropian të klubeve. Kundërshtari tjetër i kampionit bullgar të futbollit do të jetë skuadra sllovake “Zhilina”,e cila mundi si mikpritëse skuadrën e Maltës “Birkirkara” me 3:0 në revanshin dhe me një rezultat 3:1 po kështu vazhdon përpara në garë. Ndeshja e parë midis skuadrave “Liteks” dhe “Zhilina” do të luhet më 27 korrik në qytetin Lloveç.

Skuadra e Levskit fitoi si mik skuadrën irlandeze “Dëndollk” me 2:0 dhe me një rezultat të përgjithshëm 8:0 u klasifikua për rrethin e tretë paraprak nga Liga Evropa. Aty “Levski” do të takojë skuadrën e “Kallmarit”-Suedi, e cila me rezultatin e përgjithshëm 2:0 mënjanoi “Daçia” Moldavia nga turneu. 2 skuadrat e tjera bullgare, pjesëmarrëse në ligën Evropa-CSKA Sofja dhe Beroe nga Stara Zagora, do të përfshihen në fazën e tretë kualifikuese të turneut. Mbajtësi i Kupës së vendit “Beroe” do të takojë “Rapid”-Vjena, pasi austriakët për herë të dytë fituan skuadrën letone Suduva, kësaj radhe me 4-2 dhe me një rezultat të përgjithshëm prej 6-2 vazhdojnë përpara.

Skuadra kombëtare bullgare e atletikës së lehtë është në Barcelonë, ku më 26 korrik deri më 1 gusht do të zhvillohet kampionati i 20 Evropian i atletikës së lehtë në të hapur. Në grup janë përfshirë 9 gra dhe 7 burra. Një nga sportistet bullgare me shanse më të shumta për të fituar medalje është Vanja Stambollova , e cila do të startojë në 400 metra me pengesa. Përpara 4 vjetëve ajo fitoi medalje të artë në vrapimin në 400 metra për gra në kampionatin Evropian të atletikës së lehtë në qytetin Goteborg.

Sportisti më i suksesshëm bullgar në maratonën e notit Petër Stojçev fitoi medalje të bronztë në maratonën 25 kilometrash nga kampionati botëror i notit në ujëra të hapura në qytetin kanadez Robervall. Ai regjistroi kohë prej 5 orëve, 33 minuta, 50 sekonda dhe 290 të qindta. Aleksandër Majer nga Shtetet e Bashkuara u bë kampion me kohë 5 orë, 32 minuta dhe 39 sekonda. Fill pas tij u rendit Valerio Kleri nga Italia me kohë 5 orë, 32 minuta dhe 40 sekonda.

Tajbe Jusein fitoi medalje të bronztë në kategorinë 63 kilogramë në kampionatin Botëror në mundje për vajza dhe të rinj në Budapest. Në ndeshjen për vendin e tretë bullgaria u imponua mbi Anna Fedorova nga Ukraina me 2:0 pjesë. Në gjysmë finalet kombëtarja tonë i la vend Daniele Llapane nga Kanadaja më 0:2 pjesë.

Përgatiti në shqip: Nataniela Vasileva
По публикацията работи: Aleksandër Markov


Последвайте ни и в Google News Showcase, за да научите най-важното от деня!

Më shumë nga rubrika

Grigor Dimitrov

Grigor Dimitrov arriti në çerekfinale të turneut të serisë "Masters 1000"

Grigor Dimitrov arriti në çerekfinale të turneut të tenisit të serisë "Masters 1000" në Miami, pasi mundi polakun Hubert Hurkaç në një ndeshje që zgjati 2 orë e 41 minuta - 3:6, 6:3 dhe 7:6 (3). Dimitrov do të luajë për herë të parë në karrierë në..

botuar më 24-03-27 10.41.PD

Gjashtë medalje për atletët bullgarë me Sindromën Down

Gjashtë medalje fituan atletët bullgarë nga gara më e madhe për sportistë me Sindromën Down "TRISOME GAMES 2024" në resortin turk Antalia, njoftoi BTA. Aleksandër Asenov kthehet me dy tituj nga kampionati - në triatlon dhe në kërcim së gjati me një..

botuar më 24-03-26 6.08.MD
Grigor Dimitrov

Tenisti më i mirë bullgar do të luajë në 1/8 e finales së turneut në Majami

Grigor Dimitrov u kualifikua në raundin e katërt të turneut të tenisit Masters në Miami (SHBA) me një fond shpërblyes prej 8.9 milionë dollarësh. Tenisti i parë i Bullgarisë arriti një fitore vendimtare ndaj të 56-tit në renditjen botërore, Yannik..

botuar më 24-03-26 9.01.PD