Panorama sportive

botuar më 10-12-13 1.30.MD

Marija Grozdeva u dallua me titullin “Sportist i vitit 2010” të Federatës bullgare të qitjes sportive

Foto: arkiv

Kampionia e dyhershme olimpike Marija Grozdeva fitoi medalje të bronztë në disiplinën për pistoletë – 10 metra në turneun e 35-të ndërkombëtar të qitjes sportive në Beograd, Serbi. Dy përfaqësueset e tjera bullgare – Antoaneta Boneva dhe Monika Kostova zunë vendet e 16-të dhe të 32-të. Olena Kosteviç nga Ukraina fitoi medaljen e artë, kampionia botërore në këtë disiplinë – Zorana Arunoviç, nga Serbia u mbet në vend të dytë.
Derisa bullgarja u konkurrua në Beograd, në Sofje Federata e Qitjes Sportive e zgjodhi Grozevën për sportiste numër një të vitit 2010. Gjatë këtij viti sportistja mori dy medalje të arta nga turne të Kupës Botërore.

Kampioni bullgar i volejbollit CSKA fitoi ndeshjen e vet të dytë në Ligën e Kampionëve pas suksesit të tij mbi skuadrën franceze “Kan”. CSKA luajti kundër rusëve nga “Zeniti” Kazan dhe fitoi me 3:2 sete. Më i suksesshëm për skuadrën bullgare ishte Filip Majo me 23 pika. Volejbollisti rus Maksim Mihajllov realizoi 24 pika. Në klasifikimin e përkohshëm të grupit A të turneut CSKA-ja është në vend të tretë me 4 pika. Në vend të parë është “Zeniti” me 7 pika, e dyta është skuadra e Unterhahing me 6 pika.

“Lukoil Akademik” fitoi ndeshjen e vet kundër “Levskit” me 103:98 pika në raundin e 9-të të Ligës bullgare të basketbollit për meshkuj. Kështu “Lukoil” vazhdon pa humbje në këtë kampionat. Më shumë pika për këtë skuadër shënuan Travis Peterson – 25 pika, Kaspars Kambala – 17 pika dhe Dominic James – 15 pika. Për skuadrën e “Levskit” më shumë u dalluan Georgi Çekovski me 23 pika dhe Donald Koul me 21 pika.

Sportistja më e mirë bullgare e snoubordit Aleksandra Zhekova zuri vendin e tretë në startin për Kupën botërore të borderkrosit në vendpushimin dimëror Leh am Alberg në Austri. Fituese u bë kanadezja Dominik Malte, kurse në vendin e dytë u klasifikua kampionia olimpike e kësaj disipline Mael Riker. Një ditë para kësaj Zhekova mbaroi në vendin e gjashtë në disiplinë. Stina sapo filloi, por e renditi bullgaren në vendin e tretë në klasifikimin e përkohshëm për Kupën e vogël botërore të borderkrosit me 1000 pika. Në krye është Dominik Malte me 2000 pika.

Sportistët bullgarë Mihail Kleçerov, Vladimir Iliev, Miroslav Kenanov dhe Krasimir Anev u klasifikuan në vendin e 11 në stafetën e raundit për Kupën botërore të biatlonit në Hohfilcen të Austrisë. Kampioni botëror dhe olimpik – Norvegjia, fitoi arin, kurse skuadra e mikpritësve mbeti në vendin e dytë. Lufta midis Gjermanisë dhe Francës për vendin e tretë ishte shumë interesante, por në fund të fundit bronzin e mori skuadra franceze.

Mbi 300 fëmijë morën pjesë në turneun e parë të atletikës së lehtë “Tereza Marinova dhe miq” që u mbajt në Sofje. Djemtë dhe vajzat nga 6 deri në 12 vjeç bënë garë në katër disiplina. “Kam ambicien që gara të zhvillohet dy herë në vit”, tha kampionia olimpike nga Sidni 2000 Tereza Marinova. Disa nga yjet e atletikës së lehtë bullgare erdhën në sallë për të mbështetur sportistët e rinj. Shfaqja iu kushtua 10 vjetorit të titullit olimpik të atletes, kurse dëshira e Tereza Marinovës është që vitin tjetër turneu të përfshihet në programin e Federatës ndërkombëtare të atletikës së lehtë për mbështetje të atletëve të rinj.

Përgatiti në shqip: Ekaterina Tërpomanova

По публикацията работи: Aleksandër Markov

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

40 vjet nga ngjitja e parë bullgare në Everest

Pjesëmarrës nga 20 vende në Sofia Karate Open 2024 për Kupën e Presidentit

Notari i maratonës Petër Stojçev kaloi ngushticën e Gjibraltarit