Sukseset e mëdha të sportistëve bullgarë gjatë vitit 2010

botuar më 11-01-03 12.32.MD

Foto: Архив

Viti 2010 ishte viti i suksesshëm i radhës për mundjen bullgare. Stanka Zlateva fitoi titullin botëror në kategorinë 72 kg për herë të katërt dhe u bë kampione evropiane për herë të pestë. Sportistja bullgare fitoi njohjen e federatës botërore të mundjes FILA për sportiste më të mirë të mundjes gjatë vitit 2010. Kampionia e mori këtë njohje për herë të katërt në karrierën e saj, pas vitit 2006, 2007 e 2008. Ajo fitoi dhe çmimin për sportist më të mirë të Ballkanit dhe u caktua sportist numër 1 në Bullgari. Stanka Zlateva tashmë është duke u përgatitur për Olimpiadën në Londër gjatë vitit 2012, ku qëllimi i saj prapë do të jetë ari.

Në mundjen për meshkuj gjithashtu kishte suksese për bullgarët. Në kampionatin botëror në Moskë Mihail Ganev u bë kampion në kategorinë 84 kg në stilin e lirë. Bullgari fitoi medaljen e artë në dyluftimin ndaj Zaurek Sohiev nga Uzbekistani, i cili mbronte titullin e vet nga viti 2009. Titullin e tretë për bullgarinë dhe shumë gëzim për fansët solli dhe Hristo Marinov në kategorinë 84 kg në stilin greko-romak.

Tenistët bullgarë gjithashtu arritën suksese të konsiderueshme gjatë vitit 2010. Sensacion u bë prezantimi i tenistes së re Cvetana Pironkova në një nga turnetë më prestigjioze në botë – Wimbledon. Sportistja 22-vjeçare u bë bullgarja e parë e cila arriti në gjysmëfinalen e turneut. Kjo u bë pasi Pironkova fitoi ndaj kampiones së pesëfishtë të turneut dhe numër 2 në skemë Venus Williams. Në gjysmëfinale bullgarja humbi nga Vera Zvonarjova (Rusi), por tërhoqi vëmendjen e botës sportive.

Tenisti më i mirë bullgar Grigor Dimitrov vazhdoi të ngrihet në ranglistën botërore dhe pas sukseseve në turnetë e serive “Challenger” gjatë vitit 2010 u rendit në vendin e 106-të në botë.

Futbolli gjatë vitit 2010 gjithashtu u bë shkas për shumë emocione të këndshme. CSKA dhe Levski morën pjesë në turneun prestigjioz Liga Evropa. Megjithëse edhe të dyja skuadrat nuk arritën të vazhdojnë pjesëmarrjen e tyre në garë që pas raundit të parë, ata gëzuan fansat e vet me lojën e mirë. CSKA shënoi tri pika pas një fitoreje me 2:1 si mik kundër Rapid (Vjenë), kurse Levski shënoi 7 pika pasi fitoi kundër skuadrës belgjiane Gent (3:2) dhe kundër Sporting Lisbonë (1:0) dhe arriti rezultat baras në ndeshjen me skuadrën franceze Lil (2:2).

Ylli bullgar i futbollit Dimitër Berbatov demonstroi një formë të shkëlqyeshme gjatë vitit 2010 dhe arriti të përmirësojë disa rekorde. Sulmuesi i “Manchester United” u bë i huaji i parë në historinë e Ligës së lartë angleze, i cili shënoi 5 gola në një ndeshje. Kjo ndodhi në një ndeshje të “Manchester United” në terren të saj kundër “Blackburn”, ndeshje kjo, e cila përfundoi me rezultat 7:1. Në atdhe Berbatovi fitoi për herë të shtatë me radhë në karrierën e vet titullin “Futbollist i vitit”. Ai e ka fituar këtë titull në vitin 2002, 2004, 2005, 2007, 2008 dhe 2009.

Viti 2010 i solli Petër Stojçevit kupën e dhjetë botërore të notimit në ujëra të hapur. Bullgari e përfundoi vitin me gjithsej 107 pika, i ndjekur nga Damian Blaum (Argjentinë) me 95 pika dhe Rodolfo Valenti (Itali) me 61 pika. Notari më i mirë bullgar vuri në dukje se pjesëmarrja e tij në Lojërat Olimpike në Londër gjatë vitit 2012 është qëllimi i tij tjetër i madh. Lojërat do të jenë të katërtat në karrierën e Petër Stojçev, i cili ende nuk ka titull olimpik.

Viti i kaluar 2010 u solli shumë suksese sportistëve bullgarë të atletikës së lehtë, peshëngritjes, volejbollit, boksit... Edhe gjatë vitit 2011 Radio Bullgaria do t’ju informojë për ngjarjet më interesante të sportit botëror me pjesëmarrjen e sportistëve bullgarë.

Përgatiti në shqip: Ekaterina Tërpomanova, Vesella Mançeva

По публикацията работи: Aleksandër Markov

Последвайте ни и в Google News Showcase, за да научите най-важното от деня!

Ndaje

Sukseset e mëdha të sportistëve bullgarë gjatë vitit 2010

Më shumë nga rubrika

40 vjet nga ngjitja e parë bullgare në Everest

Pjesëmarrës nga 20 vende në Sofia Karate Open 2024 për Kupën e Presidentit

Notari i maratonës Petër Stojçev kaloi ngushticën e Gjibraltarit