Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Mjetet e posaçme hetimore – mënyra të përdorimit të tyre

Stina e re politike në Bullgari filloi nën ndikimin e skandalit në lidhje me përgjimin e bisedimeve të politikëve të rëndësishëm nga partia në pushtet GERB, përfshi këtu dhe vetë kryeministrin Bojko Borisov. “Qëllimi është që të ndërpriten përpjekjet e qeverisë në luftimin e kriminalitetit të organizuar dhe të mos realizohen politikat e saj” – vuri në dukje zëvendëskryeministri bullgar dhe ministër i punëve të brendshme Cvetan Cvetanov. Ish pushtetarët e Partisë Socialiste Bullgare iu kundërvunë partisë GERB me argumentin se përgjimi është bërë një praktikë e zakonshme e qeverisë. Nga ana e vet e djathta kërkoi që “zjarret politike” të lidhura me përgjimin të shuhen. Aktualisht po analizohen incizimet e bëra, në se ato janë rezultat i përdorimit të Mjeteve të posaçme hetimore dhe në rast se kjo vërtetohet, a është i ligjshëm përdorimi i tyre. Ndërkohë në hapësirën publike u përhapën mendime se e gjithë kjo do të ndikonte negativisht mbi aderimin e Bullgarisë në hapësirën Shengen – një prej prioriteteve kryesore të vendit tonë gjatë këtij viti. Teza të tilla u shfaqën dhe në disa botime perëndimore.

Para mikrofonit të Radio Bullgarisë gazetari nga Deutsche Welle Aleksandër Andreev deklaroi:
“Bullgaria nuk është përjashtim në këtë drejtim. Aktualisht skandale të tilla ka në Rumani dhe Shqipëri. Të gjitha vendet postkomuniste janë ngarkuar me aparatin e rëndë të shërbimeve sekrete të ish Sigurimit Shtetëror. Popullsia në këto vende nuk i ka harruar praktikat nga përpara 40 – 50 vitesh, kur të gjithë i ndiqnin të gjithë, kur shërbimet sekrete ishin shumë të fuqishme dhe kjo nuk mund të ndryshohet aq shpejt. Nga njëra anë duhet të jemi të qartë se kjo është diçka e natyrshme për një vend postkomunist dhe se demokracitë perëndimore gjithashtu janë në dijeni për këtë. Mirëpo, nga ana tjetër, të gjitha këto gjëra e vështirësojnë jo vetëm aderimin tonë në Shengen, por krijojnë pengesa dhe para krijimit të besimit ndaj Bullgarisë si një vend anëtar me të drejta të plota i BE-së dhe NATO-s.”

Politologja Rumjana Kollarova komentoi hapat e dobishëm të qeverisë:

“Hapi i parë i dobishëm i qeverisë është lidhur me përpjekjet për t’u konstatuar sasia e saktë e mjeteve të posaçme hetimore – kush, ku dhe si mund të përgjojë. Hapi i dytë është lidhur me përforcimin e kontrollit si mbi sistemin gjyqësor, me sanksionin e të cilit ato lejohen, ashtu dhe mbi Ministrinë Bullgare të Punëve të Brendshme, të cilat i realizojnë. Për këtë kontroll është mirë ta mbajnë përgjegjësinë përfaqësues edhe të dy institucioneve dhe deputetë nga një komision i posaçëm. Duhet të parashikohen sanksione të qarta – për magjistratët, për nëpunësit e Ministrisë Bullgare të Punëve të Brendshme dhe për politikanët, të cilët nuk i ushtrojnë përgjegjësitë e tyre. Niveli i dytë i reaksionit është lidhur me rrjetet e ndikimit politik, duhet të ndalohet ky lloj tregtie me ndikim politik dhe të shtrohet qartë kjo çështje, siç kjo ishte bërë në lidhje me emërimet e ambasadorëve dhe përkatësinë e disa diplomatëve ndaj strukturave të ish Sigurimit Shtetëror. Në nivel të tretë – reaksioni i drejtë është atëherë, kur komentojmë rezultatet konkrete dhe jo qëllimet” – vuri në dukje para Radio Bullgarisë Rumjana Kollarova.

Përgatiti në shqip: Vesella Mançeva
По публикацията работи: Iliana Rajçeva


Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD