Panorama sportive

botuar më 11-01-31 12.17.MD

Vladimir Zografski: “Nuk e pritja këtë sukses!”

Foto: arkiv

Vladimir Zografski fitoi titullin e Kampionatit botëror të kërcimit me ski për të rinj deri në 19 vjeç në Estoni. Bullgari 17-vjeçar mori medaljen e artë me 255 pika dhe kërcime 98,5 dhe 96,5 metra. Disa orë pas suksesit të madh në transmetimin “Sport dhe muzikë” të Radios Kombëtare Bullgare Vladimir Zografski tha: “Ndihem shumë mirë. Nuk e pritja këtë sukses. Megjithëse gara ishte për të rinj, morën pjesë shumë sportistë nga kupa botërore dhe nuk pritja të fitoj medalje të artë.”

Krasimir Anev fitoi medaljen e argjendtë në Universiadën në Turqi në disiplinën biatlon 20 kilometra. Anevi bëri vetëm një gabim në qitje, por pikërisht ai e privoi nga titulli, sepse deri atëherë ishte lider në klasifikim. Kampion u bë rusi Aleksej Trusov. Bullgari tjetër në këtë disiplinë – Vladimir Iliev, përfundoi në vendin e 12-të me pesë gabime në qitje.

Aleksandra Zhekova mbaroi në vendin e pestë në snowboard cross në Lojërat e 15 dimërore të sporteve ekstreme në Aspen, Kolorado. Snoubordistja më e mirë bullgare ishte në vendin e 7-të në kualifikime, në vendin e 4-të në gjysmëfinale dhe kështu hyri ndër të gjashtë sportistet që luftonin për medaljet. Në vendin e parë u klasifikua amerikania Linxi Xhakobelis.

Bullgaria ra në një grup të lehtë për Kampionatin evropian të basketbollit për meshkuj gjatë kësaj vere në Lituani. Në grupin D basketbollistët tanë janë bashkë me Slloveninë, Rusinë, Belgjikën, Gjeorgjinë dhe Ukrainën në fazën e parë grupore të turneut. Ndeshjet e këtij grupi do të luhen në qytetin Klajpeda.

Basketbollistët e skuadrës “Levski” fituan me 92:79 pika ndaj OKK Beograd në një ndeshje të grupit të parë të Ligës ballkanike të basketbollit. Kështu u bë pothuaj e sigurt se “Levski” do të hyjë në katërshen finale të turneut. Që të luajnë playoff bullgarët duhet të humbin ndeshjen tjetër me mbi 24 pika. Më shumë pika për “Levski” – 22, shënoi Prijst Lodërdejl.

Kampioni bullgar i basketbollit “Lukoil Akademik” humbi me 63:71 pika nga skuadra ruse “Spartak” (Sankt Peterburg) në ndeshjen e tij të dytë në fazën grupore të turneut EuroChallange. “Lukoil Akademik”, i cili filloi turneun me fitore ndaj “Makabi” (Hajfa), shënoi humbjen e parë në garë. Pas kësaj humbjeje skuadra bullgare u rendit në vendin e dytë në klasifikimin e përkohshëm. Lider me dy fitore është “Spartak” (Sankt Peterburg).

Volejbollistet e skuadrës CSKA fituan ndaj “Marica” (Plovdiv) me 3:0 sete në ndeshjen finale për Kupën e Bullgarisë. Kështu për vit të dytë skuadra e femrave e CSKA-s fiton trofeun prestigjioz. Në ndeshjen për vendin e tretë “Levski” fitoi ndaj “Slavia” me 3:2 sete.

Mirela Demireva fitoi vendin e parë në kërcimin së larti në turneun në Luksemburg. Sportistja e re, e cila është mbajtëse e medaljes së argjendtë në Kampionatin botëror të atletikës së lehtë për adoleshentë në Bidgoshç gjatë vitit 2008, meritoi vendin e parë, duke kërcyer 185 cm. Në vend të dytë u rendit ukrainasja Viktoria Dobrinska me 182 cm, kurse e treta përfundoi përfaqësuesja e mikpritësve Liz Kufer me 176 cm.

Përgatiti në shqip: Ekaterina Tarpomanova

По публикацията работи: Vilhelm Baltaxhian

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

Vozitësi ynë Kristian Vasilev shkon në gjysmëfinale në Szeged

40 vjet nga ngjitja e parë bullgare në Everest

Pjesëmarrës nga 20 vende në Sofia Karate Open 2024 për Kupën e Presidentit

Vozitësi ynë Kristian Vasilev shkon në gjysmëfinale në Szeged