Ulet mirëbesimi ndaj qeverisësve, por opinioni publik nuk sheh alternativë

botuar më 11-02-15 12.34.MD

Mirëbesimi ndaj kryeministrit Bojko Borisov ulet me 6% për një muaj, ndërsa me popullaritet më të madh është eurokomisionerja bullgare Kristalina Georgieva.

Foto: BGNES

Në fillim të shkurtit vazhdon tendenca e uljes së mirëbesimit ndaj partisë në fuqi GERB. Por njëkohësisht opinioni publik nuk sheh alternativë. Këtë e tregojnë rezultatet e studimit të agjencisë sociologjike Gallup International – Bullgaria, i cili u zhvillua në fund të janarit dhe në fillim të shkurtit. Sipas të të anketuarve, skandalet me incizimet e përhapura të bisedimeve të përgjuara me mjete të posaçme hetimi midis zyrtarëve të lartë gjatë muajit të fundit nuk janë një faqe e mbyllur. Një pjesë e shoqërisë ende pret përgjigje të qarta dhe zhvillim të temës.

Mirëbesimi ndaj kryeministrit Bojko Borisov ulet me 6% për një muaj dhe vlerësimet pozitive dhe negative barazohen – përkatësisht 39% dhe 38%. Ndër personat me rejting më të madh sipas opinionit publik është eurokomisionerja bullgare Kristalina Georgieva – me 58%, e ndjekur nga ministri i zhvillimit regjional dhe urbanizimit Rosen Plevneliev – 39%. Në vend të tretë radhitet kryeministri Bojko Borisov. Presidenti Georgi Përvanov është në vendin e katërt me 36%, kundrejt 41% gjatë janarit. Sipas studimit skandalet me incizimet e përhapura të bisedimeve të përgjuara të zyrtarëve të lartë kanë çuar në ulje të mirëbesimit ndaj ministrit të punëve të brendshme Cvetan Cvetanov deri në 29% në fillim të shkurtit. Megjithëse ndër elektoratin e partisë GERB ministri Cvetanov ruan një mirëbesim të lartë, nuk është ashtu ndër përkrahësit e partive të tjera. Gjatë javës së kaluar Koalicioni i djathtë Blu dhe Koalicioni i majtë për Bullgarinë përhapën deklarata të posaçme, me të cilat i bënë thirrje kryeministrit të mënjanojë nga kabineti ministrin Cvetanov. Sipas 51% të të anketuarve, MPB shpërdoron përgjimin. 39% janë të mendimit se ministri i brendshëm Cvetan Cvetanov është fajtor për përgjimin e paligjshëm, kurse 26% janë të mendimit të kundërt. Çfarë mund të jetë reagimi i kryeministrit Bojko Borisov?

“Vendimi i tij nuk do të jetë i lehtë – komentoi sociologu Kënço Stojçev. – Hapi i mënjanimit të njeriut të dytë në qeveri nuk është i lehtë, por në se Bojko Borisov nuk e bën këtë mirëbesimi në qeverinë e tij do të vazhdojë të pakësohet. Cvetan Cvetanov jo vetëm bëri disa gabimeve, por është personifikim i mënyrës së gabuar të qeverisjes – me vetëdije, por pa dialog konstruktiv.”

E madhe është përqindja e njerëzve pa mendim – midis 30% dhe 45%. Rezultatet tregojnë se përkrahja për partinë në fuqi GERB po pakësohet – nga 31% – deri më 27%. Në të njëjtën kohë 53% të të anketuarve janë kategorikë se tani për tani qeverisja e kësaj partie është pa alternativë. Vetëm 18% mendojnë se ndonjë parti ose koalicion tjetër mund të ketë më shumë sukses. Gjithnjë e më shumë bëhen bullgarët, të cilët mendojnë se nëse tani organizohen zgjedhje nuk do të votojnë – 40%. Gjatë janarit kjo përqindje ishte 37%. Pyetjes së zakonshme të sociologëve “Nëse zgjedhjet zhvillohen sot për cilin do të votoni?” përgjigja e 27% të të anketuarve është GERB. 11% më i ulët është rezultati i Partisë Socialiste Bullgare.

Përgatiti në shqip: Jordanka Ivanova dhe Ekaterina Tërpomanova

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Ulet mirëbesimi ndaj qeverisësve, por opinioni publik nuk sheh alternativë

Më shumë nga rubrika

Vallë, a është qeveria në detyrë në të vërtetë një qeveri teknike

Bullgaria vazhdon mbështetjen e saj për integrimin evropian të Kosovës

Kryeministri në detyrë merr edhe postin e ministrit të jashtëm në detyrë