Programi i ditës

Radioja Kombëtare Bullgare © 2021 Të gjitha të drejtat janë të rezervuara

Pasiguria masive ndikon në proceset demografike në Bullgari

Në Bullgari lindin gjithnjë e më pak fëmijë. Në qoftë se situata nuk ndryshohet, popullsia bullgare do të vazhdojë të pakësohet. Pritet që gjatë 2050-ës popullsia në vend të numërojë 5 mln 748 mijë veta. Për shkak të situatës specifike në Bullgari, proceset demografike zhvillohen shumë shpejt në raport me të njëjtat në vendet e tjera të Evropës. Ekspertët theksojnë disa faktorë negativë: migrimi, pakësimi i numrit të grave në moshë pjellorie, pa dëshira e familjeve të reja për t’u trashëguar për shkak të pasigurisë ose të zhvillimit profesional.

Dekadat në vijim mundësitë për rritjen e lindshmërisë janë të kufizuara. Sipas strategjisë së aktualizuar demografike të Bullgarisë deri në 2030 një bullgareje në moshë pjellorie do t’i bjerë mesatarisht 1.5 fëmijë. Drejtoresha e Institutit për hulumtime të popullsisë dhe njeriut pranë Akademisë Bullgare të Shkencave, znj. Antoaneta Hristova komentoi: “Tani jemi në një periudhë të pleqërisë së popullsisë dhe të rënies së numrit të grave në moshë pjellorie – sqaroi ajo. – Para 4-5 vitesh flitej për bum të lindjeve. Arsyeja ishte që atëherë në Bullgari kishte të ashtuquajtura lindje të shtyra. Brezi, i cili e kishte lënë për më vonë lindjen e fëmijës, në një moment e realizua këtë. Për sa i përket situatës aktuale, procesi negativ nuk mund të stopohet, sepse nuk merren masat e duhura.”

Kriza ekonomike, pasiguria financiare në të ardhmen bëjnë që shumë familje bullgare të migrojnë në vende ku lehtësisht të rritin fëmijët e tyre. Në periudhën 2001-2011 popullsia në Bullgari u pakësua me 170 mijë veta për shkak të migrimit. Mirëpo, pushimet për lindjen dhe rritjen të fëmijës në vend janë më të gjatat në Evropë – 410 ditë. Nga ana tjetër ndihma financiare për rritjen e sapolindurit është në vlerë 120 euro në muaj.

Znj. Hristova theksoi dokumentin e Strategjisë së Zhvillimit Demografik. Në të janë të hartuara disa masa në lidhje me arsimin, mënyrën e rritjes së fëmijës, lehtësimin e kujdesit familjar dhe përshtatjen më të shpejtë të nënave me vendin e punës. Të gjitha këto masa kërkojnë para, të cilat shteti duhet t’i sigurojë, tha ekspertja, duke shtuar: “Shteti gjithashtu konstatoi se kriza demografike është problemi numër një në Bullgari, po ashtu se kjo krizë ka të bëjë me sigurinë kombëtare. Mirëpo, mungojnë mjetet financiare falë të cilave të fillojë së funksionari strategjia. Jam pesimiste për sa i përket përballimit të sfidës demografike në vend. Vështirësisht mund të ndryshohet situata, sepse shteti nuk drejton edhe pak parat me të cilat disponon ndaj zgjidhjes së problemit më kryesor në vend.” Për mendimin e znj. Hristova do të ishte sukses nëse në të ardhmen së paku nuk ndryshon niveli aktual i lindshmërisë.

Përgatiti në shqip: Anna Kapitanova

Më shumë nga rubrika

Foto: Facebook/BulgarianAntarcticInstitute

"Kuzhina Antarktike" – një histori "e shijshme" për jetën e shkencëtarëve polarë

“Askush nuk është më i madh se buka” thotë një proverb e vjetër bullgare, kurse gjatë këtyre ditëve morëm vesh se kjo mençuri zbatohet me forcë të plotë për zotërinjtë e kontinentit të akullt – shkencëtarët e Antarktidës. Në tregun e librave doli..

botuar më 21-10-20 7.15.PD
Ministri Kacarov

Certifikata e gjelbër në Bullgari hyn në fuqi më 21 tetor

Që nga 21 tetori do të hyjmë me certifikatë të gjelbër në restorante, kinema, teatro, salla koncertesh, galeri, palestra, qendra tregtare dhe dyqane mbi 300 metra katrorë, hotele, salla noti dhe sporti, klube. Këtë e bëri të ditur Ministri i..

botuar më 21-10-19 5.24.MD

Bullgarët jashtë vendit dërgojnë gjithnjë e më pak para në atdheun e tyre

Pandemia ka zvogëluar 7 herë paratë që bullgarët jashtë vendit u dërgojnë të afërmve të tyre në Bullgari. Për 7 muajt e parë të vitit 2021, ata kanë transferuar vetëm 98 milionë euro, sipas Bankës Popullore Bullgare. Për krahasim, në vitin 2019..

botuar më 21-10-18 3.02.MD