Në vazhdim të dy javëve Bullgaria qe vazhdimisht në fokusin e vëmendjes të adhuruesve të mundjes me grusht nga e gjithë bota. Kampionati botëror i boksit për të rinj dhe të reja midis 17 dhe 18 vjet mblodhi nga data 14 deri më 24 prill në Sofje ajkën e boksit rinor. Ngjarja shkaktojë një interes mjaft të fortë, jo vetëm se qe e para në kalendarin botëror të boksit për vitin, por dhe sepse është kualifikimi i vetëm për lojërat Olimpike për të rinj gjatë muajit gusht të këtij viti në Nanxhing-Kinë.

Një numër rekord vendesh 96 matën forcat e veta në këtë sport, ku krahas me gjigantëve-Rusia, Kuba, Shtetet e Bashkuara në garë për herë të parë u përfshinë vende si Haiti, Butan, Burundi e të tjera. Pjesëmarrësit në ngjarje qenë jashtëzakonisht të kënaqur nga organizimi. Asociacioni Ndërkombëtar i boksit/ AIBA/ bile propozoi që Bullgaria të marrë përsipër dhe mikpritjen për kualifikimin olimpik evropian për Rio- de- Zhanejron gjatë vitit 2016! Vendi u paraqit denjësisht jo vetëm si mikpritës, por dhe si pjesëmarrës në ring. 1 medalje të artë, 1 të bronztë dhe 4 kuota për pjesëmarrje në lojërat Olimpike të rinisë- i tillë qe bilanci për boksin bullgar.

Favoriti mes bullgarëve- Bllagoj Najdenov, krejtësisht justifikojë pritjet e ekspertëve në fushën e boksit. I riu i talentuar është nxënës i njërës prej shkollave më të mira të boksit në Bullgari- ajo e klubit sportiv “Sllavia”. Najdenov mbrojti me dinjitet titullin e vet prej kampioni nga Kampionati Evropian në Sofje nga viti 2012 dhe pas një ndeshje të rëndë me kampionin e boksit të Azisë, Vadim Kazakov nga Kazakistani morri medaljen e artë. Zëvendës kampioni evropian i Bullgarisë nga viti 2012 në Sofje Dushko Bllagovestov morri dekoratë të bronztë pas një humbjeje nga kubani Havier Ibanes, i cili u largua nga Sofja me floririn e fituar në kategorinë deri më 56 kilogramë dhe qe i zgjedhur për boksier më të mirë në kampionatin Botëror. Kuota për pjesëmarrje morën akoma Daniell Asenov/52 kilogramë/ dhe Nikollaj Çavdarov/75 kilogramë.

Që këtu e tutje , pasi të marrin pak frymë, boksierët bullgar fillojnë një përgatitje intensive për lojërat Olimpike të rinisë në Nanxhing-Kinë, nga data 16 deri më 28 gusht. Pavarësisht se Bullgaria fitoj 4 kuota për olimpiadën, sipas rregullores ajo ka të drejtën të dërgojë për pjesëmarrje në lojërat vetëm 3 përfaqësues të vet. Cila do të jetë treshja , do të mësojmë fare shpejt. Shpresat më të mëdha janë të lidhura me Bllagoj Najdenovin, i riu me lëvizje shumë mirë të matura në ring, i cili e nervozon kundërshtarin dhe është shumë i fort në kundra sulm. Por sporti është si jeta-gjithmonë e përmbushur me befasi. Kurse ne do të mbledhim grusht fortë për të gjithë djemtë bullgar me shpresë që ti shikojmë dhe gjatë vitit 2016-në ringun e lojërave Olimpike në Rio.

Përgatiti në shqip: Nataniela Vasileva