Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Filluan incizimet e projektit të ri të muzikantit bullgar xhaz Millço Leviev

Foto: BGNES

Në vitin 1970 Millço Levievi e braktisi Bullgarinë. Në atë kohë ai ishte një muzikant i njohur, solist dhe dirigjent i orkestrave më të mira bullgare. Ai kishte dhënë shumë koncerte me kuartetin e formuar prej tij “Xhaz Fokus 65”. Përtej oqeanit ai nisi me ftesë të Don Elisit. Puna e tij me trumbetarin e njohur amerikan xhaz nuk i ndërpreu lidhjet me Bullgarinë, megjithëqë ishte  e domosdoshme të kalojnë vite me radhë, që t’i bie rastit të kthehet në atdhe. Millço Levievi ishte muzikanti i parë xhaz, i cili me guxim bënte eksperimente me meloditë dhe ritmet popullore bullgare, ndërkaq në atdheun e xhazit. Kohët e fundit muzikanti nisi realizimin e projektit më të ri me Big Bendën e Radios Kombëtare Bullgare me dirigjent Antoni Donçev dhe me korin popullor të grave “Zërat Kozmikë”. 



Vanja Moneva, dirigjente e këtij grupi folklorik sjell më shumë hollësi:

“Ideja e Millço Levievit të krijojë një vepër për big bendë dhe kor popullor lindi para më se 10 vitesh. Mirëpo, është e qartë, se tani erdhi momenti krijues. Titulli, të cilin e zgjodhëm është “Udhëtim në dy bota”, ndërsa ai gjithnjë shton: “Njëkohësisht”. Në pjesën e parë të projektit ka këngë popullore bullgare. Karakteristike është, se titujt e të gjitha këngëve përmbajnë emra grash – Vida, Radka, Grozdanka... Në të gjitha veprat xhazi është i gërshetuar shumë mirë me folklorin bullgar. Dhe sikur krijohet një atmosferë e udhëtimit njëkohësisht në dy shtresa të ndryshme kulturore. Vite me radhë Millço Levievi jetoi në SHBA-në pa të kishte mundësinë të rikthehet në atdhe. Dhe pjesa e parë e projektit “Udhëtim në dy bota” zbulon dëshira e zjarrtë e autorit të kthehet te rrënjët amtare. Së shpejti do të incizojmë edhe pjesën e dytë, mbi të cilën ai akoma punon. Në të, në mënyrë të re krejt të ndryshme ai prezanton shikimin e tij mbi veprën e njohur të Gershuinit “Rapsodia blu”.

Është një kënaqësi e veçantë të punohet me një krijues si Millço Levievi. Ai nuk bënë kompromis në punë, ngandonjëherë ai ndërron partiturat, dhe sikur krijon një muzikë të re, e cila asfare nuk kujton për fragmentet e mëparëshme. Ai është një njeri plotë emocione, por çdo gjë që realizon e bënë me urtësi. Është një përjetim i jashtëzakonshëm, që njeriu të punojë me një krijues të tillë jo standard, plotë ide të llojllojshme.”

Pritet, që gjatë vjeshtës albumi i ri i muzikantit Millço Leviev bashkë me Big Bendën e Radios Kombëtare Bullgare me dirigjent Antoni Donçev dhe me korin popullor të grave “Zërat Kozmikë” me udhëheqëse artistike Vanja Moneva, të jetë gati. Pritet gjithashtu projekti të prezantohen me disa koncerte në mbarë vendin.

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Preferencat muzikore të bullgarëve janë të ndryshme, sipas një sondazhi të Agjencisë “Trend”

Preferencat muzikore ndryshojnë sipas vendbanimit, moshës dhe arsimit, sipas sondazhit të parë të qëndrimeve muzikore në Bullgari, të kryer nga agjencia Trend në fund të vitit 2023. Çdo javë 3/4 e bullgarëve dëgjojnë muzikë, përderisa 43për qind - çdo..

botuar më 24-03-18 6.35.PD

Muzikantët e X-R@Y janë gati me këngën e tyre të re - "Kthehu tek unë"

Grupi muzikor X-R@Y, i njohur për eksplorimet e tij jokonvencionale muzikore, që kanë të bëjnë me përdorimin e veglës muzikore gëdullka, ka një këngë të re - "Kthehu tek unë". Kënga i kushtohet kujtimit të emocioneve të verës dhe kërkimit të verës dhe..

botuar më 24-03-13 6.10.PD

"Përpara" - rikthimi rok i muzikantit Toma Zdravkov

Pas një sërë eksperiencash interesante në zhanre të ndryshme dhe në skena të ndryshme, ishte çështje kohe që Toma Zdravkov t'i kthehej tingullit të papërpunuar rok me një këngë të re. Dhe siç sugjeron vet titulli i saj - "Përpara" – pasi grumbulloi..

botuar më 24-03-12 6.45.PD