Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Jundola e bardhë si bora në kulmin e sezonit të skijimit

БНР Новини
Foto: Bulfoto

Kur bëhet fjalë për turizmin dimëror në Bullgari përmenden pushimoret e mëdha Bankso, Pamporovo dhe Borovec, të cilat janë destinacione ndërkombëtare të skijimit. Por ka dhe një mundësi tjetër, më e lirë për të kaluar pushimet dimërore në vend. P.sh., vendbanimi Jundola, e cila ofron kushte të mira për sportet e dimrit, dhe po ashtu qetësi larg turmave të zhurmshme turistike.

Në kulmin e sezonit dimëror është e vështirë të gjesh vende të lira në pushimoret e skijimit, sidomos gjatë fundjavës. Për festat e fundvitit bazat e vendosjes së turistëve janë plot e përlot. Prandaj turistët bëjnë rezervime një muaj përpara, thotë kryetari i fshatit Jundola, z. Mehmed Mestan. Ky vendbanim i shtrirë në malet Rodope preferohet nga skitarët, të cilët adhurojnë bukurinë e vendeve të virgjëra. Në Jundola ka disa piste të skijimit, janë të vogla por të pajisura mirë si ato të qendrave të mëdha dimërore. Këtu turistët ushtrojnë sportin e skive, të snouboardit dhe fëmijët rrëshqasin me sajë. E mirë është se nuk pritet shumë radha për teleferikun e skive dhe çmimet janë të favorshme. Turistët vendosen në hotele familjare dhe shtëpi për mysafirë, ku ofrohen gjellë tradicionale bullgare. Banorët e fshatit Jundola janë mjeshtër në prodhimin e mjaltit dhe reçelit. Këtu mund të blesh djathë, kaçkavall dhe produkte të tjera ekologjikisht të pastra. Në rajon vendosen turistët të cilët kënaqen me natyrën e egër dhe bëjnë shëtitje të palodhshme në gjirin e malit. Në afërsi të vendbanimit shihet mali Rila ku gjenden rezervatet natyrore “Rogaçica” dhe “Valiavicite”. 16 kilometra larg ndodhet qyteti Velingrad, i njohur si kryeqyteti i Ballkanit për turizmin SPA.

СнимкаÇfarë duhet të dimë për Jundolën dhe vendet përreth?

“Fshati gjendet në mes të dy maleve – Rodopet dhe Rila, vë në dukje z. Mestan. – Këtu shpërndahet era e Trakisë Perëndimore, klimën e kemi të butë. Në Jundola vijnë jo vetëm bullgarët, por dhe turistët nga Hungaria, Rusia, Anglia e vendet e tjera. Vijnë këtu për shkak të natyrës së bukur dhe ajrit të pastër, dhe sepse duan të gjejnë qetësinë e cila mungon në të përditshmërinë tonë. Në Jundola kemi katër pista skijimi. Në afërsi gjendet kompleksi Kurtovo ku teleferiku i skive është i mirë. Në vendbanimin Starina ka bazë kalërimi, lokal për çaj dhe dhoma për pajisjet e skijimit. Kënaqësia më e madhe është ta gjesh veten tënde në mes të malit të bukur dhe ta ndiesh gjithçka që e ke pranë. Natyra e bukur dhe mikpritja janë pasuria më e madhe e fshatit Jundola.”

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Bazilika Episkopale e Filipopolit

Shtuan 7 destinacione të reja mes 100 Objekteve Turistike Kombëtare

Bazilika Episkopale e Filipopolit dhe ndërtesa antike e vonë "Ejrene" në Plovdiv janë tani pjesë e 100 Objekteve Turistike Kombëtare në Bullgari. Kështu vendosi Këshilli Koordinues i Lëvizjes Kombëtare "Njih Bullgarinë - 100 Objekte Turistike..

botuar më 24-02-22 10.49.PD

Ekspozita retrospektive “Turizmi në Vitosha” tregon për lidhjen mes malit dhe njerëzve

Emrat e turistëve të parë që "pushtuan" Vitoshën, pajisjet e tyre dhe rrugët e ngjitjes - me këto dhe shumë eksponate të tjera interesante, ekspozita "Turizmi në Vitosha - nga hapat e parë deri sot" tërheq vëmendjen e kryeqytetasve. Ajo është e e hapur..

botuar më 24-02-11 8.15.PD

Kupa Botërore e Skive në Bansko tërheq turistë nga e gjithë bota

Gjatë gjithë muajit shkurt nuk ka vende për akomodim në Bansko, informoi korrespondentja e BNR, Keti Trençeva. Turistët janë nga disa kontinente, duke përfshirë Izraelin, për shkak të Kupës Botërore të Skive për meshkuj që do të zhvillohet në fund të..

botuar më 24-02-06 11.51.PD